ព័ត៌មានអន្ដរជាតិ
លោក ពូទីន ត្រៀមបំពាក់អាវុធទំនើបៗ និងបច្ចេកវិទ្យាចុងក្រោយដល់យោធារុស្ស៊ី ក៏ដូចជាកែលម្អកម្លាំងនុយក្លេអ៊ែរ
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីថ្ងៃអង្គារថា ប្រទេសរុស្ស៊ីនឹងបន្តពង្រឹងកងកម្លាំងប្រដាប់អាវុធរបស់ខ្លួន ហើយនឹងបំពាក់ឲ្យពួកគេនូវអាវុធទំនើបៗ ដែលជាបច្ចេកវិទ្យាចុងក្រោយបង្អស់ ។
ថ្លែងនៅក្នុងកិច្ចប្រជុំមួយ ជាមួយមេបញ្ជាការយោធារបស់ប្រទេសនេះ លោក ពូទីន បាននិយាយថា ស្ថានភាពដ៏ស្មុគស្មាញពីអន្តរជាតិ ក៏ដូចជាហានិភ័យ និងការគំរាមកំហែង ដែលអាចកើតមានដល់សន្តិសុខរបស់រុស្ស៊ី តម្រូវឲ្យកងកម្លាំងប្រដាប់អាវុធ មានការប្រុងប្រយ័ត្នជានិច្ច និងប្រុងជើងការខ្ពស់ផងដែរ ។
លោកបាននិយាយថា “យើងនឹងបន្តធ្វើឲ្យប្រសើរឡើង នូវរចនាសម្ព័ន្ធ និងសមាសភាពនៃកងទ័ពជើងគោក និងកងទ័ពជើងទឹក ដោយបំពាក់ឲ្យពួកគេនូវអាវុធទំនើបៗ នៃបច្ចេកវិទ្យាចុងក្រោយបង្អស់របស់យើង ។ យើងនឹងគាំទ្រដល់ការអភិវឌ្ឍ សហគ្រាសការពារជាតិ ក៏ដូចជាការិយាល័យអភិវឌ្ឍ និងផលិតអាវុធ និងឧបករណ៍ទំនើបៗជាដើម” ។
ជាចុងក្រោយលោក ពូទីន បានចង្អុលបង្ហាញថា “អ្វីដែលជាការចាំបាច់ត្រូវបញ្ជាក់ទិសដៅសំខាន់ៗ សម្រាប់ការពង្រឹងបន្ថែមទៀត នៃកងកម្លាំងប្រដាប់អាវុធនោះគឺ ត្រូវយកចិត្តទុកដាក់ក្នុងការកែលម្អកម្លាំងនុយក្លេអ៊ែរយុទ្ធសាស្ត្រ ខណៈវាជាកត្តាសំខាន់ក្នុងការធានាស្ថេរភាព និងសន្តិសុខរបស់រុស្ស៊ី ហើយការវិភាគលើទិន្នន័យអាវុធ និងគ្រឿងបរិក្ខាយោធា នឹងក្លាយជាមូលដ្ឋានសម្រាប់កម្មវិធីអាវុធថ្មីរបស់រដ្ឋយើង” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ពូទីន និង បៃដិន កំណត់ថ្ងៃជួបទល់មុខគ្នា ជាលើកដំបូង
ចុចអាន ៖ ពូទីន ចុះហត្ថលេខាលើច្បាប់មួយអនុញ្ញាតឲ្យលោកដឹកនាំដល់ឆ្នាំ ២០៣៦
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ