ព័ត៌មានអន្ដរជាតិ
នាយករដ្ឋមន្ត្រី អ៊ីស្រាអែល បញ្ចេះ អាមេរិក កុំឲ្យចូលរួមកិច្ចព្រមព្រៀងនុយក្លេអ៊ែរអ៊ីរ៉ង់ឡើងវិញ
នាយករដ្ឋមន្រ្តីអ៊ីស្រាអែលលោក Benjamin Netanyahu បានជំរុញឲ្យសហរដ្ឋអាមេរិក បញ្ចៀសការចូលរួមកិច្ចព្រមព្រៀងនុយក្លេអ៊ែរអ៊ីរ៉ង់ ដែលជាការសន្យាក្នុងយុទ្ធនាការឈានមុខគេមួយ របស់ប្រធានាធិបតីអាមេរិក Joe Biden ។
លោក Netanyahu បានចេញសេចក្តីអត្ថាធិប្បាយនេះ បន្ទាប់ពីមានកិច្ចប្រជុំរួមគ្នា ជាមួយរដ្ឋមន្រ្តីក្រសួងការបរទេសអាមេរិកលោក Antony Blinken ដែលថ្មីៗនេះបានធ្វើដំណើរទៅកាន់មជ្ឈិមបូព៌ា ក្នុងគោលបំណងដើម្បីជំរុញកិច្ចចរចាសន្តិភាព ចំពេលមានបទឈប់បាញ់គ្នាដែលនៅតែមាន រវាងមន្រ្តីអ៊ីស្រាអែល និងប៉ាឡេស្ទីន ។
លោក Netanyahu បាននិយាយថា “ខ្ញុំសង្ឃឹមថា សហរដ្ឋអាមេរិកនឹងមិនត្រលប់ទៅរក ផែនការសកម្មភាពរួម (JCPOA) ចាស់នោះទេ ពីព្រោះយើងជឿជាក់ថា កិច្ចព្រមព្រៀងនេះបានបើកផ្លូវសម្រាប់អ៊ីរ៉ង់ មានឃ្លាំងអាវុធនុយក្លេអ៊ែរ ជាមួយនឹងភាពស្របច្បាប់អន្តរជាតិ” ។
ទន្ទឹមនោះលោក Blinken ក៏បានសង្កត់ធ្ងន់ដែរថា សហរដ្ឋអាមេរិកនឹងបន្តពិគ្រោះយោបល់ជាមួយអ៊ីស្រាអែល ទាក់ទងនឹងការបន្តកិច្ចព្រមព្រៀងនុយក្លេអ៊ែរ ឆ្នាំ ២០១៥ ឡើងវិញ ។
លោករដ្ឋមន្ត្រីបាននិយាយថា “យើងនឹងបន្តពង្រឹងគ្រប់ផ្នែកទាំងអស់ នៃភាពជាដៃគូយូរអង្វែងរបស់យើង ។ ហើយនោះរួមមាន ការពិគ្រោះយោបល់យ៉ាងជិតស្និទ្ធ ជាមួយអ៊ីស្រាអែលដូចយើងបានធ្វើនៅពេលនេះ អំពីការចរចាដែលកំពុងបន្តនៅទីក្រុងវីយែន ជុំវិញការវិលត្រលប់ទៅរកកិច្ចព្រមព្រៀងនុយក្លេអ៊ែរអ៊ីរ៉ង់” ។
គួរបញ្ជាក់ថា ការកត់សម្គាល់កាលពីថ្ងៃអង្គារ មិនមែនជាលើកទីមួយទេ ដែលមន្រ្តីអ៊ីស្រាអែលបានចោទប្រកាន់អ៊ីរ៉ង់ថា បានផលិតអាវុធនុយក្លេអ៊ែរ ឬចង់ដើរតាមផ្លូវបែបនេះ ។ នៅឆ្នាំ ២០១៩ ដោយមិនបានផ្តល់ភ័ស្តុតាងនោះ លោក Netanyahu បានអះអាងថា អ៊ីរ៉ង់កំពុងប្រើប្រាស់ទីតាំងមួយ នៅជិតទីក្រុង Abadeh ដើម្បីអនុវត្តការពិសោធន៍សារធាតុអ៊ុយរ៉ានីញ៉ូម ដែលនឹងជួយអភិវឌ្ឍអាវុធនុយក្លេអ៊ែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ រកឃើញមីស៊ីល និងគ្រាប់មិនទាន់ផ្ទុះរបស់ អ៊ីស្រាអែល ជិត ៣០០ គ្រាប់ ក្រោយបាញ់យកៗលើតំបន់ហ្គាហ្សា
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore