ព័ត៌មានអន្ដរជាតិ
នាយករដ្ឋមន្រ្តីវៀតណាម អំពាវនាវសុំការបរិច្ចាគប្រាក់ ទិញវ៉ាក់សាំងកូវីដ
នាយករដ្ឋមន្រ្តីវៀតណាមលោក Pham Minh Chinh បានបញ្ជាឲ្យបណ្តាទីភ្នាក់ងាររដ្ឋាភិបាលនិងក្រសួងនានា អំពាវនាវរកការបរិច្ចាគប្រាក់ដល់មូលនិធិវ៉ាក់សាំងរបស់ប្រទេសនេះ។ នេះបើយោងតាមការបង្ហោះ នៅលើគេហទំព័ររបស់រដ្ឋាភិបាល។
សេចក្តីប្រកាសរបស់លោក Chinh បានកើតឡើង ខណៈការផ្ទុះឡើងថ្មីនៃជំងឺកូវីដ-១៩ បានវាយប្រហារភាគខាងជើងប្រទេស និងគំរាមកំហែងដល់ឧទ្យានឧស្សាហកម្មដែលជាទីតាំងរបស់ក្រុមហ៊ុនយក្សនានា ដូចជា Apple Inc និង Samsung Electronics Co ជាដើម។
លោក Chinh ក៏បានអំពាវនាវផងដែរ ឲ្យមានការរឹតបន្តឹងនៃកញ្ចប់ថវិកា ដូច្នេះមូលនិធិកាន់តែច្រើនអាចចូលទៅកាន់កម្មវិធីទិញវ៉ាក់សាំង។
ស្របពេលជាមួយគ្នានោះដែរ ក្រសួងហិរញ្ញវត្ថុរបស់ប្រទេសវៀតណាម បានស្នើឲ្យបង្កើតមូលនិធិមួយដើម្បីពន្លឿនការទិញវ៉ាក់សាំង។
លោក Chinh បានអំពាវនាវឲ្យមន្រ្តីរដ្ឋាភិបាល បង្កើតយន្តការ ដើម្បីស្នើសុំការបរិច្ចាគពីបុគ្គល ក្រុមហ៊ុននិងអង្គការនានានៅក្នុងប្រទេសវៀតណាមនិងនៅបរទេស។
ក្រសួងសុខាភិបាលបានប៉ាន់ប្រមាណថា វៀតណាម នឹងត្រូវចំណាយប្រាក់ប្រហែល ២៥.២ ទ្រីលានដុង (១.១ ពាន់លានដុល្លារ) ដើម្បីទិញវ៉ាក់សាំងចំនួន១៥០លានដូស សម្រាប់ប្រជាជន៧៥លាននាក់។
យោងតាមក្រសួងហិរញ្ញវត្ថុបានឲ្យដឹងថា រដ្ឋាភិបាលមានប្រាក់ជិត៧០០លានដុល្លារហើយនៅក្នុងដៃ សម្រាប់ការទិញវ៉ាក់សាំង ហើយរំពឹងថា នឹងទទួលបាន ៤០០លានដុល្លារផ្សេងទៀតពីរដ្ឋាភិបាលមូលដ្ឋាននិងក្រុមហ៊ុនក្នុងស្រុក៕
ប្រែសម្រួល៖ Vann Vann
ប្រភព៖ Bloomberg
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ