ព័ត៌មានអន្ដរជាតិ
លោក ពូទីន ប្រាប់ប្រជាជនបោះបង់គំនិតសង្ស័យលើការចាក់វ៉ាក់សាំង ហើយថា វ៉ាក់សាំងរុស្ស៊ី គឺគួរឲ្យទុកចិត្ត និងមានសុវត្ថិភាពបំផុតលើលោក
លោកប្រធានាធិបតី វ្ល៉ាឌីមៀ ពូទីន កាលពីថ្ងៃពុធ បានចេញសេចក្តីអំពាវនាវថ្មីមួយ ដល់ប្រជាជនរុស្ស៊ីទាំងអស់ ឲ្យទទួលការចាក់វ៉ាក់សាំង ប្រឆាំងនឹងជំងឺកូវីដ ១៩ ។
ថ្លែងនៅក្នុងកិច្ចប្រជុំរដ្ឋាភិបាលកាលពីថ្ងៃពុធ លោក ពូទីន បានជំរុញឲ្យប្រជាជនរុស្ស៊ី បោះបង់ចោលគំនិតសង្ស័យលើការចាក់វ៉ាក់សាំង ហើយបាននិយាយថា វ៉ាក់សាំងរុស្ស៊ី គឺ “គួរឲ្យទុកចិត្តបំផុត និងមានសុវត្ថិភាពបំផុត” នៅក្នុងពិភពលោក ។
លោក ពូទីន អាយុ ៦៨ ឆ្នាំបាននិយាយថា “អ្វីដែលសំខាន់បំផុត គឺសុខភាព ។ សូមគិតអំពីវា ។ ពលរដ្ឋគួរតែស្វែងយល់ពីតម្រូវការនេះ ដោយដឹងថា ប្រសិនបើពួកគេមិនបានចាក់វ៉ាក់សាំងទេ ពួកគេអាចប្រឈមមុខនឹងគ្រោះថ្នាក់ធ្ងន់ធ្ងរ និងអាចបណ្តាលឲ្យស្លាប់” ។
គួររំឭកថា ប្រទេសរុស្ស៊ីបានចុះបញ្ជីវ៉ាក់សាំង Sputnik V ដំបូងបង្អស់លើលោក កាលពីខែសីហា ឆ្នាំ ២០២០ ។ ក្រៅពីវ៉ាក់សាំង Sputnik V ប្រទេសរុស្ស៊ីក៏បានបង្កើតវ៉ាក់សាំងចំនួន ២ ផ្សេងទៀតផងដែរ គឺវ៉ាក់សាំង EpiVacCorona និងវ៉ាក់សាំង CoviVac ។
ប្រទេសនេះក៏បានដកការរឹតត្បិត ទាក់ទងនឹងវីរុសនេះស្ទើរតែទាំងស្រុង ហើយប្រជាជនរុស្ស៊ីជាច្រើន បានបដិសេធមិនពាក់ម៉ាសនៅកន្លែងដឹកជញ្ជូនសាធារណៈ និងនៅកន្លែងសាធារណៈដទៃទៀតជាដើម ។
គិតត្រឹមពេលនេះ ប្រទេសរុស្ស៊ី មានករណីឆ្លងជំងឺកូវីដ ១៩ ជាង ៥ លានករណី និងមានអ្នកស្លាប់ ១១៩,៦០០ នាក់ ខណៈមានអ្នកជាសះស្បើយជាង ៤ លាននាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ