ព័ត៌មានអន្ដរជាតិ
ថ្លៃចំណាយព្យាបាលអ្នកជំងឺកូវីដ សម្រាប់ជនជាតិថៃក្នុងម្នាក់
លោកវេជ្ជបណ្ឌិត Tares Krassanairawiwong អគ្គនាយកនៃនាយកដ្ឋានគាំទ្រសេវាកម្មសុខភាព (NHSO) បានមានប្រសាសន៍ថា អ្នកជំងឺជនជាតិថៃដែលបានឆ្លងកូវីដ ១៩ នឹងទទួលការព្យាបាលដោយឥតគិតថ្លៃទាំងមន្ទីរពេទ្យរដ្ឋនិងឯកជនណាមួយដែលមាននៅក្នុងប្រទេសថៃ។
សម្រាប់អ្នកជំងឺម្នាក់ៗ (NHSO) នឹងបង់ប្រាក់រហូតដល់ ៧,២០០ បាត ( ២៣០ ដុល្លា) សម្រាប់ថ្នាំពេទ្យ ហើយចំនួន ១,៥០០ បាត ( ៤៨ ដុល្លា ) ក្នុងមួយយប់នៅក្នុងមន្ទីរពេទ្យរដ្ឋឬឯកជន និងប្រហែល ៣,៨០០ បាត (១២២ ដុល្លារ ) សម្រាប់ការព្យាបាលផ្សេងៗទៀត ទាក់ទងនឹងការថែទាំអ្នកជំងឺ ។
លោកវេជ្ជបណ្ឌិត Jadej Thammatacharee មានប្រសាសន៍ថា អ្នកជំងឺមិនចាំបាច់បង់ថ្លៃទេ ទោះបីបានព្យាបាលនៅមន្ទីរពេទ្យឯកជនក៏ដោយ ព្រោះ NHSO នឹងបង់ជំនួសទាំងអស់ ។ ហើយជាមធ្យមយើងបង់ថ្លៃមន្ទីរពេទ្យឯកជនប្រហែល ១០០,០០០ បាត (៣១៩,៨៩៨ ដុល្លា) ក្នុងអ្នកជំងឺម្នាក់ ដែលមានកម្រិតស្រាលនិងចំនួន ៨០០,០០០ ទៅ ១ លានបាត (៣,១៩៨,៩៧៧ ) សម្រាប់ករណីធ្ងន់ធ្ងរ។ ប៉ុន្តែសម្រាប់អ្នកជំងឺដែលចង់បានភាពឯកជនឬសេវាកម្មពិសេសណាមួយ នឹងត្រូវបង់ប្រាក់ដោយខ្លួនឯងផ្ទាល់ ។
ដោយឡែកសម្រាប់មន្ទីរពេទ្យឯកជនផ្សេងទៀតបានបង្ហើបថា ចំពោះអ្នកជំងឺដែលមានរោគសញ្ញាស្រាលឬគ្មានរោគសញ្ញានឹងត្រូវបង់ប្រាក់ ៤០,០០០បាត (១,២៨០ដុល្លារ) សម្រាប់ការស្នាក់នៅរយៈពេល ១៤ ថ្ងៃក្នុងមន្ទីរពេទ្យ។ ប្រសិនបើអ្នកជំងឺមានស្ថានភាពធ្ងន់ធ្ងរ ដូចជា ជំងឺបេះដូងឬទឹកនោមផ្អែមដែលមិនអាចគ្រប់គ្រងបាន នោះនឹងកើនឡើងដល់ ២០០,០០០ បាត (៦,៤០២ ដុល្លារ ) ។
ក្នុងករណីធ្ងន់ធ្ងរដែលការយកចិត្តទុកដាក់និងការសម្រាកព្យាបាលនៅមន្ទីរពេទ្យក្នុងបន្ទប់សង្គ្រោះបន្ទាន់ ត្រូវចំណាយពេលមួយខែ តម្លៃអាចនឹងកើនឡើងដល់ ១ លានបាត (៣១,៩៨៩ ដុល្លារ) ទៅ ១.៥ លានបាត(៤៨,០១២ ដុល្លារ)។
ទោះយ៉ាងណាប្រសិនបើអ្នកជំងឺបដិសេធដំណើរការដែលរដ្ឋាភិបាលបានសម្រេចឲ្យ ហើយជ្រើសរើសទៅព្យាបាលនៅមន្ទីរពេទ្យដោយខ្លួនឯងផ្ទាល់ នោះពួកគេនឹងត្រូវចំណាយខុសគ្នារវាងថ្នាំពេទ្យដែលផ្ដល់ដោយរដ្ឋាភិបាល និងថ្លៃសេវាពីមន្ទីរពេទ្យឯកជន ។
ថ្លៃសេវាកម្មដូចជាថ្លៃឈ្នួលរបស់អ្នកឯកទេសនិងការផ្គត់ផ្គង់ថ្នាំនៅមន្ទីរពេទ្យឯកជននិងកន្លែងរដ្ឋគឺខុសគ្នា ហើយការព្យាបាលលើអ្នកជំងឺក៏ខុសគ្នាដែរ៕
ប្រែសម្រួល៖ សាង ស្រីល័ក្ខ
ប្រភព៖thaipbsworld
ចុចអាន៖ថ្លៃចំណាយរបស់ជនបរទេសនៅថៃ សម្រាប់ការព្យាបាលកូវីដរយៈពេល ១ សប្ដាហ៍
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore