ព័ត៌មានអន្ដរជាតិ
ប្រមុខសិទ្ធិមនុស្ស UN ចាត់ទុកការវាយប្រហាររបស់អ៊ីស្រាអែលលើតំបន់ហ្គាហ្សា ជាឧក្រិដ្ឋកម្មសង្គ្រាម
ប្រមុខសិទ្ធិមនុស្សរបស់អង្គការសហប្រជាជាតិ (UN) លោកស្រី Michelle Bachelet បាននិយាយនៅថ្ងៃព្រហស្បតិ៍នេះថា ការវាយប្រហារដ៏សាហាវឃោរឃៅ របស់អ៊ីស្រាអែលទៅលើតំបន់ហ្គាហ្សា អាចចាត់ទុកជា ឧក្រិដ្ឋកម្មសង្គ្រាម ប្រសិនបើរកឃើញថា មិនមានភាពសមាមាត្រគ្នា ។
លោកស្រី Bachelet ដែលបានបើកសម័យប្រជុំពិសេស របស់ក្រុមប្រឹក្សាសិទ្ធិមនុស្ស UN បាននិយាយថា លោកស្រីមិនបានឃើញភស្តុតាងណាមួយបង្ហាញថា អគារស៊ីវិលនៅតំបន់ហ្គាហ្សា ដែលរងការវាយប្រហារតាមអាកាសដោយអ៊ីស្រាអែល ត្រូវបានប្រើប្រាស់សម្រាប់គោលបំណងយោធានោះទេ ។
លោកស្រីបានប្រាប់វេទិកាក្រុងហ្សឺណែវ ដែលមានសមាជិក ៤៧ នាក់ថា “ប្រសិនបើរកឃើញថា មិនមានសមាមាត្រស្មើគ្នា ការវាយប្រហារបែបនេះអាចជាឧក្រិដ្ឋកម្មសង្គ្រាម” ។
លោកស្រីក៏បានទទូចដល់ មេដឹកនាំឥស្លាមហាម៉ាសនៅតំបន់ហ្គាហ្សា ឲ្យចៀសវាងការបាញ់គ្រាប់រ៉ុកកែត ទៅលើអ៊ីស្រាអែលវិញផងដែរ ។
យោងតាមអាជ្ញាធរសុខាភិបាលប៉ាឡេស្ទីន បានឲ្យដឹងថា យ៉ាងហោចណាស់មនុស្ស ២៥៤ នាក់ក្នុងនោះមានកុមារ ៦៦ នាក់ ត្រូវបានសម្លាប់នៅតំបន់ហ្គាហ្សា ដោយសារការវាយប្រហារតាមអាកាស របស់អ៊ីស្រាអែលលើទឹកដីប៉ាឡេស្ទីន រយៈពេល ១១ ថ្ងៃ ។
ចំណែកអាជ្ញាធរអ៊ីស្រាអែល បាននិយាយថា យ៉ាងហោចណាស់មនុស្ស ១២ នាក់ក្នុងនោះមានកុមារ ២ នាក់ ត្រូវបានសម្លាប់នៅក្នុងប្រទេសអ៊ីស្រាអែល ដោយការវាយប្រហារដោយគ្រាប់រ៉ុកកែត ដែលបាញ់ដោយក្រុមហាម៉ាស និងក្រុមប្រដាប់អាវុធផ្សេងទៀត ដែលមានមូលដ្ឋាននៅតំបន់ហ្គាហ្សា ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង