ព័ត៌មានអន្ដរជាតិ
រកឃើញអ្នកឈ្នះប្រាក់រង្វាន់ ១ លានដុល្លារ លើកដំបូងក្នុងកម្មវិធីចាក់វ៉ាក់សាំងបានលុយនៅ អាមេរិក
ស្ត្រីម្នាក់នៅរដ្ឋ Ohio សហរដ្ឋអាមេរិក បានឈ្នះរង្វាន់ទឹកប្រាក់ ១ លានដុល្លារជាលើកដំបូង ក្នុងកម្មវិធីចាក់វ៉ាក់សាំងបានលុយ ដើម្បីលើកទឹកចិត្តដល់ការចាក់វ៉ាក់សាំង ការពារជំងឺកូវីដ ១៩ ។
មន្ត្រីរដ្ឋនិយាយថា អ្នកឈ្នះប្រាក់រង្វាន់ឈ្មោះ Abbigail Bugenske វ័យ ២២ ឆ្នាំ ស្ថិតក្នុងចំណោមមនុស្ស ២.៧៥ លាននាក់ដែលបានចុះឈ្មោះចាក់វ៉ាក់សាំង និងកម្មវិធីចាប់ឆ្នោតនេះ ។ អ្នករស់នៅរដ្ឋ Ohio ដែលមានអាយុចាប់ពី ១៨ ឆ្នាំឡើងទៅ ដែលបានទទួលការចាក់វ៉ាក់សាំងដូសដំបូង មានសិទ្ធិទទួលបានការចាប់ឆ្នោតប្រចាំសប្តាហ៍ ។
ស្ត្រីនោះបាននិយាយថា នាងបានស្រែកខ្លាំងៗ នៅពេលដែលនាងបានឮព័ត៌មាននេះ ។ នាងមិនមានគម្រោងឈប់ពីការងារជាវិស្វករមេកានិកនោះទេ ហើយនាងនឹងវិនិយោគប្រាក់រង្វាន់ជាច្រើននេះ ។
ទន្ទឹមនោះ រដ្ឋក៏បានប្រកាសអ្នកឈ្នះឆ្នោតដាច់ដោយឡែក សម្រាប់កុមារអាយុពី ១២ ទៅ ១៧ ឆ្នាំដែលបានចាក់វ៉ាក់សាំងផងដែរ ។ អ្នកឈ្នះនឹងទទួលបានអាហារូបករណ៍ រយៈពេល ៤ ឆ្នាំ រៀននៅសាកលវិទ្យាល័យរដ្ឋ រួមមានថ្លៃសិក្សា បន្ទប់ស្នាក់នៅ អាហារ និងសៀវភៅសិក្សាជាដើម ។
មន្ត្រីរដ្ឋនិយាយថា ចំនួនអ្នកទទួលការចាក់វ៉ាក់សាំងប្រចាំថ្ងៃបានធ្លាក់ចុះ ប៉ុន្តែកំពុងកើនឡើងជាថ្មីម្តងទៀត បន្ទាប់ពីរដ្ឋបានប្រកាសអំពីការចាប់ឆ្នោត ហើយរហូតមកដល់ពេលនេះ មានចំនួនលើសពី ៣០,០០០ នាក់ហើយ ។
បន្ថែមពីនេះ កម្មវិធីលើកទឹកចិត្តសម្រាប់ការចាក់វ៉ាក់សាំង ក៏មាននៅផ្នែកផ្សេងទៀតនៃសហរដ្ឋអាមេរិក ផងដែរ ដោយក្នុងនោះរង្វាន់រួមមាន ទទួលបានស្រាបៀរឥតគិតថ្លៃ និងសំបុត្រទស្សនាការប្រកួតបាល់ទាត់ ក្នុងក្របខ័ណ្ឌកំពូល Major League ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ដើម្បីបង្កើនល្បឿនយុទ្ធនាការចាក់វ៉ាក់សាំង រដ្ឋមួយនៅ អាមេរិក បើកទីតាំងចាក់តាមស្ថានីយ៍រថភ្លើង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង