ព័ត៌មានអន្ដរជាតិ
រុស្ស៊ី ព្រមព្រៀងផ្គត់ផ្គង់វ៉ាក់សាំង Sputnik V ចំនួន ២២០ លានដូសដល់ UNICEF ដើម្បីជួយសង្គ្រោះជីវិតមនុស្សនៅជុំវិញពិភពលោក
មូលនិធិវិនិយោគផ្ទាល់របស់រុស្ស៊ី (RDIF) បាននិយាយកាលពីថ្ងៃព្រហស្បតិ៍ថា ប្រទេសរុស្ស៊ីបានចុះហត្ថលេខាលើកិច្ចព្រមព្រៀង ជាមួយមូលនិធិកុមាររបស់អង្គការសហប្រជាជាតិ (UNICEF) សម្រាប់ការផ្គត់ផ្គង់វ៉ាក់សាំង Sputnik V ចំនួន ២២០ លានដូស ។
ទីភ្នាក់ងារនេះបាននិយាយថា កិច្ចព្រមព្រៀងផ្គត់ផ្គង់នេះ នឹងពង្រីកលទ្ធភាពទទួលការចាក់វ៉ាក់សាំង ជួយសង្គ្រោះជីវិតនៅជុំវិញពិភពលោក ។
RDIF បាននិយាយថា “ការផ្គត់ផ្គង់ និងការផ្តល់វ៉ាក់សាំងដល់ UNICEF គឺស្ថិតនៅក្រោមប្រធានបទវ៉ាក់សាំង ដែលទទួលបានការចុះបញ្ជី ប្រើប្រាស់ជាបន្ទាន់របស់ WHO ។ ការសម្រេចចិត្តនេះ ក៏ត្រូវបានគេរំពឹងថានឹងមានឆាប់លើពាក្យសុំវ៉ាក់សាំង Sputnik V សម្រាប់ការចុះបញ្ជីប្រើប្រាស់បន្ទាន់របស់ WHO ដែលត្រូវបានដាក់ស្នើ នៅខែតុលា ឆ្នាំ ២០២០” ។
គួរបញ្ជាក់ថា វ៉ាក់សាំង Sputnik V បានទទួលការយល់ព្រមរួចហើយ សម្រាប់ការប្រើប្រាស់បន្ទាន់នៅក្នុងប្រទេសជាង ៤០ ហើយប្រទេសរុស្ស៊ីសង្ឃឹមថា វ៉ាក់សាំងនេះនឹងត្រូវបានអនុម័តនៅក្នុងរដ្ឋជាច្រើនទៀត ។
ទន្ទឹមនោះ លោក Kirill Dmitriev CEO របស់ RDIF បានឲ្យដឹងថា “RDIF មានមោទនភាពក្នុងការគាំទ្រដល់អង្គការ UNICEF និងកិច្ចខិតខំប្រឹងប្រែងជាសកលរបស់ដៃគូ ដើម្បីធានាឲ្យទទួលបានវ៉ាក់សាំងការពារជំងឺកូវីដ ១៩ ឲ្យស្មើភាពគ្នា និងទូលំទូលាយសម្រាប់ប្រទេសទាំងអស់ ។ ការចាក់វ៉ាក់សាំងគឺជាវិធីល្អបំផុត ដើម្បីកម្ចាត់ជំងឺរាតត្បាត ជួយមនុស្សឲ្យមានអារម្មណ៍សុខស្រួល ស្ដារសេដ្ឋកិច្ចឡើងវិញ និងត្រឡប់ទៅរកជីវិតធម្មតាវិញជាដើម” ។
ទីភ្នាក់ងារនេះក៏បានកត់សម្គាល់ផងដែរថា ខ្លួននឹងធ្វើកិច្ចពិភាក្សាជាមួយសម្ព័ន្ធវ៉ាក់សាំង GAVI ដើម្បីពិភាក្សាពីលទ្ធភាពនៃការរាប់បញ្ចូល វ៉ាក់សាំង Sputnik V ចូលទៅក្នុងគម្រោង COVAX របស់ WHO ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ