ព័ត៌មានអន្ដរជាតិ
សិង្ហបុរី ត្រៀមចាក់វ៉ាក់សាំងការពារកូវីដ ដល់សិស្សសាលា នៅមុនថ្ងៃបើកបវេសនកាលចូលរៀន
រដ្ឋមន្រ្តីក្រសួងការបរទេសសិង្ហបុរី លោក Vivian Balakrishnan បាននិយាយនៅក្នុងបទសម្ភាសន៍ នៅលើកញ្ចក់ទូរទស្សន៍ CNN ថា ប្រទេសសិង្ហបុរីគ្រោងនឹងចាក់វ៉ាក់សាំង ការពារជំងឺកូវីដ ១៩ ដល់សិស្សសាលា នៅមុនថ្ងៃបើកបវេសនកាលចូលរៀន ហើយបន្ទាប់មកចាក់ដល់អ្នកដែលមានសិទ្ធិទទួលបានវ៉ាក់សាំងផ្សេងទៀត ដើម្បីបង្កើនល្បឿនយុទ្ធនាការនៅទូទាំងប្រទេស ។
លោក Balakrishnan បាននិយាយថា “ជំហានបន្ទាប់របស់យើង គឺយើងនឹងចាក់វ៉ាក់សាំងដល់សិស្សសាលា ដែលជាក្មេងជំទង់ ដើម្បីត្រៀមបើករដូវកាលថ្នាក់រៀន សម្រាប់អ្នករាល់គ្នានៅប្រទេសសិង្ហបូរី ។ ដំបូងឡើយ ប្រទេសនេះអះអាងថា ប្រជាជនដែលមានសិទ្ធិទទួលបានវ៉ាក់សាំង នឹងទទួលការចាក់ដូសដំបូងនៅដំណាច់ខែសីហា” ។
យុទ្ធនាការចាក់វ៉ាក់សាំងនៅប្រទេសសិង្ហបុរី បច្ចុប្បន្នបើកសម្រាប់អ្នកដែលមានអាយុលើសពី ៤០ ឆ្នាំ រួមជាមួយក្រុមអាទិភាពដូចជា បុគ្គលិកជួរមុខ បុគ្គលិកមន្ទីរពេទ្យ និងបុគ្គលិកអាកាសយានដ្ឋាន ជាដើម ។
ប្រហែល ៣៧ ភាគរយនៃប្រជាជនសិង្ហបុរី បានចាក់វ៉ាក់សាំងដូសដំបូង ដែលជាអត្រាមួយខ្ពស់ជាងប្រទេសដែលមានសេដ្ឋកិច្ច រីកលូតលាស់នៅអាស៊ី ហើយស្មើនឹងអត្រាមធ្យមរបស់សហភាពអ៊ឺរ៉ុប ប៉ុន្តែនៅពីក្រោយសហរដ្ឋអាមេរិក អង់គ្លេស និងប្រទេសដែលមានហិរញ្ញវត្ថុនៅមជ្ឈិមបូព៌ា ដូចជា អ៊ីស្រាអែល អារ៉ាប់រួម និងកាតា ។
ប្រទេសសិង្ហបុរីគឺជាប្រទេសមួយ ក្នុងចំណោមប្រទេសជាច្រើនដែលភាគច្រើននៅក្នុងទ្វីបអាស៊ី បានរក្សាចំនួនការឆ្លង និងការស្លាប់ដោយជំងឺកូវីដ ១៩ តិចបំផុត ហើយបានព្យាយាមបើកប្រទេសឡើងវិញ ។
ប៉ុន្តែទីក្រុងនានាបានបន្តរឹតបន្តឹងព្រំដែនរបស់ខ្លួន បន្ទាប់ពីករណីឆ្លងកើនឡើងនាពេលថ្មីៗនេះ ក្នុងនោះបានបញ្ឈប់ការបរិភោគអាហារទល់មុខគ្នា តម្រូវឲ្យសិស្សសាលាភាគច្រើនរៀនសូត្រនៅផ្ទះ និងកំណត់ការជួបជុំគ្នា ជាអតិបរមាត្រឹមតែ ២ នាក់ប៉ុណ្ណោះ ។
ដូច្នេះយុទ្ធនាការចាក់វ៉ាក់សាំង ដែលកំពុងរីករាលដាលខ្លាំងនេះ បានក្លាយជាកូនសោររបស់ប្រទេសសិង្ហបុរី ក្នុងការបើកដំណើរការប្រទេសម្តងទៀតនេះ ។
គួរបញ្ជាក់ថា គិតត្រឹមពេលនេះ ប្រទេសសិង្ហបុរី មានករណីឆ្លងជំងឹកូវីដ ១៩ សរុប ៦១,៩៤០ ករណី និងមានអ្នកស្លាប់ ៣២ នាក់ ខណៈមានអ្នកជាសះស្បើយ ៦១,៣៧២ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Bloomberg
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore