Connect with us

ព័ត៌មានអន្ដរជាតិ

ម៉ាស ៤ ប្រភេទ​មាន​សមត្ថភាព​ច្រោះ​ភាគល្អិត​បាន​ល្អ​ និង​ការពារ​ពី​បាក់តេរី​អាក្រក់​នៅ​អំឡុង​កូវីដ

បានផុស

នៅ

ពាក់​ម៉ាស​រក្សា​សុវត្ថិភាព​ក្នុង​សម័យ​កូវីដ​ មិន​មែន​ចេះ​តែ​ពាក់​ឲ្យ​បាន​នោះ​ទេ ប៉ុន្តែ​​ម៉ាស​ល្អ​បំផុត​មាន​សមត្ថភាព​ច្រោះ​ភាគល្អិត​ខ្ពស់​ និង​ជួយ​ការពារ​មេរោគ​នៃ​បាក់តេរី​អាក្រក់​ដែល​តោង​ជាប់​ម៉ាស។

ម៉ាស ៤ ប្រភេទ​ខាងក្រោម​នេះ ​ធានា​ទាំង​គុណភាព​និង​ការ​ផលិត ​ដែល​បាន​​ទទួល​ស្គាល់​ពី​មជ្ឈមណ្ឌល​ត្រួតពិនិត្យ​និង​បង្ការ​ជំងឺ (CDC)។

១ ម៉ាស Airhole

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉ាស​មួយ​នេះ​ត្រូវ​បាន​រចនា​ឡើង​សម្រាប់​អ្នក​ចូលចិត្ត​ចេញទៅ​ក្រៅ​​ឬ​ទៅ​កន្លែង​មាន​មនុស្ស​ច្រើន​ទេ។ ម៉ាស​នេះ​មិន​ត្រឹម​ផលិត​ឡើង​ដើម្បី​ការពារ​មនុស្ស​ពី​ធាតុ​ល្អិត​ផ្សេងៗ​ឡើយ ​តែ​វា​ក៏​ត្រូវ​បាន​ផលិត​ឡើង​ដោយ​ផ្អែក​លើ​គោលការណ៍​ណែនាំ​របស់​មជ្ឈមណ្ឌល​ត្រួតពិនិត្យ​និង​បង្ការ​ជំងឺ (CDC) ផង​ដែរ។

ម៉ាស Airhole មាន​ប្រហោង​ខ្យល់ ដក​ដង្ហើម​ស្រួល​និង​មាន​បី​ស្រទាប់​ ដែល​ទីពីរ​គឺ​ជា​ស្រទាប់ polypropylene ​សម្រាប់​ការពារ​បន្ថែម​ប្រឆាំង​នឹង​ភាគល្អិត​នៃ​ដង្ហើម។

២ ម៉ាស Airinum

ម៉ាស​នេះ​ជួយ​ការពារ​ប្រឆាំង​នឹង​ការ​បំពុល​ខ្យល់​ ផ្សែង​អ័ព្ទ​ លំអង​ធូលី​និង​អាឡ័កស៊ី​ ជាពិសេស​គឺ​បាក់តេរី​នៃ​ភាគល្អិត។ ម៉ាសAirinumត្រូវ​បាន​សាកល្បង​នៅ​វិទ្យាស្ថាន​ស្រាវជ្រាវ​និង​អភិវឌ្ឍន៍​នៃ​ប្រទេស​ស៊ុយអែត និង​បញ្ជាក់​ដោយ KN95 ។

យោង​តាម​គោលការណ៍​ណែនាំ​បាន​ឲ្យ​ដឹង​ថា​ ម៉ាស​ដែល​មាន​សន្ទះ​បិទ​បើក​មិន​ត្រូវ​បាន​គេ​ណែនាំ​ទេ ​ពី​ព្រោះ“ វា​មិន​រារាំង​ការ​បញ្ចេញ​ដំណក់​ទឹក​ពី​មនុស្ស​នៅ​ពេល​គាត់​ដកដង្ហើម​ចេញ ។ ដូច្នេះ​ក្រុមហ៊ុន Airinum បាន​ដាក់​បញ្ចូល​ប្រដាប់​ទប់​វ៉ាល់​ពីរ​ ដើម្បី​ធ្វើ​ឲ្យ​សន្ទះ​អសកម្ម​ទើប​អាច​ការពារ​បាន។

៣ ម៉ាស​ Gill™

Gill™ មាន​តម្រង​សំខាន់​ពីរ​ គឺ FP95 (ស្រដៀងនឹង N95) ដែល​មាន​ប្រសិទ្ធភាព​ច្រោះ​ភាគល្អិត​ច្រើន​ជាង ៩៥ ភាគរយ​ និង FS2 ដែល​ស្រដៀង​នឹង​ម៉ាស​ដែល​គេ​ពាក់​សម្រាប់​វះកាត់ ​មាន​ប្រសិទ្ធភាព​ច្រោះ​យក​បាក់តេរី​ជាង ៩៨ ភាគរយ​ ហើយ​ត្រូវ​បាន​បង្កើត​ឡើង​ដើម្បី​ស្រូប​យក​សារធាតុ​កខ្វក់​នៅ​ក្នុង​ខ្យល់​មិន​ឲ្យ​ចូល​ច្រមុះ​និង​មាត់។

៤ ម៉ាស Copperline

ម៉ាស​ប្រភេទ​នេះ​មានការ រចនា​រលោង​​ មាន​ពណ៌​និង​​ទំហំ​ខុសៗ​គ្នា​ទៅ​តាម​ប្រភេទ​របស់​វា។ ដោយ​បាន​ឆ្លង​កាត់​ការ​ធ្វើ​តេស្ត​ជា​ច្រើន​ ម៉ាស​Copperline ក៏​ត្រូវ​បាន​គេ​រក​ឃើញ​ថា​ផ្ដល់​នូវ​អត្រា​ត្រង​នៃ KF80 ប្រឆាំង​នឹង“ ការ​បញ្ជូន​ភាគល្អិត​ពី aerosol និង​ដំណក់​ទឹក” ។

ជា​ពិសេស​វា​ក៏​មាន​លក្ខណៈ​ប្រឆាំង​នឹង​បាក់តេរី​ផង​ដែរ​ ដោយសារ​តែ​បច្ចេកវិទ្យា nano។ លើស​ពី​នេះ​ទៀត ម៉ាស​ក្រណាត់​នេះ​អាច​ប្រើ​ឡើង​វិញ​បាន​ ដោយ​គ្រាន់​តែ​លាង​សម្អាត​ជាមួយ​សាប៊ូ​ឲ្យ​ស្អាត៕​

ប្រែសម្រួល៖​ សាង ស្រីល័ក្ខ

ប្រភព៖asiaone

ចុចអាន៖ហានិភ័យ​ណាស់! អ្នក​ឧស្សាហ៍​ស៊ក​ម៉ាស​ដាក់​កែង​ដៃ និង​ទាញ​ចុះ​ក្រោម​ចង្កា កាន់​តែ​បង្ក​ការ​ឆ្លង​កូវីដ

ចុចអាន៖ហេតុផលធំៗទាំង ៥ ដែលគ្រប់គ្នាគួរពាក់ម៉ាស មិនអាចអាក់ខាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម