ព័ត៌មានអន្ដរជាតិ
តួលេខស្លាប់ផ្លូវការដោយកូវីដនៅប៉េរូជិត៣ដង ពេលពិនិត្យឡើងវិញជាង១៨ម៉ឺននាក់
យោងតាមទិន្នន័យសាកលវិទ្យាល័យ Johns Hopkins បានបង្ហាញថា ប្រទេសប៉េរូគិតត្រឹមថ្ងៃចន្ទម្សិលមិញមាន តួលេខមរណភាពដោយកូវីដ-១៩ផ្លូវការស្ទើរតែ៣ងដល់ទៅ ១៨០ ៧៦៤នាក់ បន្ទាប់ពីរដ្ឋាភិបាលបានពិនិត្យឡើងវិញ ដែលធ្វើឲ្យប្រទេសនេះមានករណីស្លាប់ច្រើនជាងគេបំផុត បើគិតជាអត្រាចំនួនមនុស្ស។
ប៉េរូស្ថិតក្នុងចំណោមប្រទេសអាមេរិកឡាទីនដែលទទួលរងការវាយប្រហារដោយកូវីដ-១៩ធ្ងន់ធ្ងរ នៅពេលដែលមន្ទីរពេទ្យលើសលប់ដោយអ្នកជំងឺកូវីដ-១៩ និងការផ្គត់ផ្គង់អ៊ុកស៊ីសែនកាន់តែខ្វះខាត។ ក្រុមអ្នកជំនាញបានព្រមានជាយូរមកហើយថា តួលេខស្លាប់ពិតប្រាកដមិនត្រូវបានរាប់ចូលក្នុងស្ថិតិផ្លូវការអស់ទេ។
រដ្ឋាភិបាលប៉េរូបាននិយាយថា ឥឡូវនេះខ្លួនបានធ្វើបច្ចុប្បន្នភាពពីចំនួនអ្នកស្លាប់៦៩ ៣៤២នាក់គិតត្រឹមថ្ងៃអាទិត្យកន្លងទៅនេះ ដោយសារផ្នែកខ្លះខ្វះការធ្វើតេស្តដែលធ្វើឲ្យមានការពិបាកដើម្បីបញ្ជាក់ថាតើមនុស្សស្លាប់ដោយកូវីដ-១៩ ឬមូលហេតុផ្សេង។
យោងតាមទិន្នន័យសាកលវិទ្យាល័យ Johns Hopkins ប្រទេសហុងគ្រីធ្លាប់មានអ្នកស្លាប់ដោយកូវីដ-១៩ច្រើនជាងគេបំផុតគឺជាង៣០០នាក់ក្នុងចំណោមប្រជាជន ១០០ ០០០នាក់។ ប៉ុន្តែឥឡូវនេះ ផ្នែកលើតួលេខធ្វើបច្ចុប្បន្នភាពថ្មី ប្រទេសប៉េរូមានអ្នកស្លាប់ដោយកូវីដ-១៩ច្រើនជាងគេបំផុតគឺជាង ៥០០នាក់ ក្នុងចំណោមប្រជាជន ១០០ ០០០នាក់។
នាយករដ្ឋមន្ត្រីប៉េរូ លោក Violeta Bermudez មានប្រសាសន៍ក្នុងសន្និសីទសារព័ត៌មានពីការប្រកាសតួលេខដែលបានពិនិត្យឡើងវិញថា ៖«យើងគិតថា វាជាកាតព្វកិច្ចរបស់យើងដើម្បីផ្តល់ព័ត៌មានដែលបានធ្វើបច្ចុប្បន្នភាពនេះដល់សាធារណជន»។
យោងតាមទិន្នន័យបង្ហាញថា នៅអាមេរិកឡាទីន ប្រទេសប្រេស៊ីលមានតួលេខអ្នកស្លាប់ដោយកូវីដ-១៩សរុបច្រើនជាងគេបំផុតដែលមនុស្សជាង ៤៥០ ០០០បានបាត់បង់ជីវិតដោយជំងឺដ៏កាចសាហាវនេះ។ ទោះបីជាយ៉ាងណា បើគិតលើចំនួនមរណភាពជាមួយនឹងអត្រាប្រជាជនវិញ តួលេខមរណភាពរបស់ប្រទេសប៉េរូច្រើនជាងពីរដង ប្រៀបធៀបនឹងប្រទេសប្រេស៊ីល។
ចំនួនធ្វើបច្ចុប្បន្នភាពរបស់ប៉េរូគឺស្របទៅនឹងអ្វីដែលគេហៅថា តួលេខមរណភាពដែលអ្នកស្រាវជ្រាវបានប្រើនៅក្នុងប្រទេសប៉េរូ និងបណ្តាប្រទេសផ្សេងៗដើម្បីវាស់វែងនូវចំនួនដែលមិនត្រូវបានរាប់ទាំងអស់នៅកំពឡុងពេលកូវីដ-១៩៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ