Connect with us

ព័ត៌មានអន្ដរជាតិ

ប្រសើរណាស់! ជប៉ុន ត្រៀមបរិច្ចាគវ៉ាក់សាំងកូវីដ និងផ្ដល់ថវិកា ៨០០ លានដុល្លារបន្ថែមដល់ COVAX

បានផុស

នៅ

កាសែតជប៉ុន Mainichi បានរាយការណ៍នៅថ្ងៃពុធនេះថា នាយករដ្ឋមន្រ្តីជប៉ុន Yoshihide Suga គ្រោងនឹងសន្យាផ្តល់ថវិកាចំនួន ៨០០ លានដុល្លារបន្ថែមទៀត ដល់កម្មវិធី COVAX របស់អង្គការសុខភាពពិភពលោក (WHO) ក៏ដូចជា ផ្តល់វ៉ាក់សាំងការពារជំងឺកូវីដ ១៩ ដល់ប្រទេសដែលត្រូវការ ។

នាយករដ្ឋមន្រ្តីជប៉ុន Yoshihide Suga
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា លោក Suga នឹងធ្វើជាម្ចាស់ផ្ទះ សម្រាប់កិច្ចប្រជុំកំពូលកម្មវិធី COVAX តាមអ៊ីនធឺណិត នៅថ្ងៃពុធ ទី ២ ខែមិថុនា នេះ ដែលនឹងមានការចូលរួមពី អនុប្រធានាធិបតីសហរដ្ឋអាមេរិក លោកស្រី Kamala Harris មហាសេដ្ឋី Bill Gates និងអ្នកតំណាងមកពីក្រុមប្រទេសទាំង ៧ (G7) ។

ទន្ទឹមនោះ មន្ត្រីរដ្ឋាភិបាលជប៉ុន បានប្រាប់អ្នកយកព័ត៌មាន កាលពីថ្ងៃអង្គារថា កិច្ចប្រជុំកំពូលនេះមានគោលបំណង ដើម្បីបំពេញគម្លាតថវិកាចំនួន ១.៧ ពាន់លានដុល្លារ ហើយគេសង្ឃឹមថា ប្រទេស និងអង្គការនានា នឹងជំរុញការសន្យារបស់ពួកគេ នូវការផ្ដល់ប្រាក់ និងវ៉ាក់សាំង ជាដើម ។

បន្ថែមពីនេះ សមាជិកសភាជប៉ុន ក៏បានជំរុញឲ្យមានការផ្គត់ផ្គង់វ៉ាក់សាំង របស់ក្រុមហ៊ុន AstraZeneca ដល់កោះតៃវ៉ាន់ ផងដែរ ដែលកំពុងដោះស្រាយជាមួយនឹងការកើនឡើង នៃករណីឆ្លងក្នុងសហគមន៍ ខណៈទើបតែបានចាក់វ៉ាក់សាំងតិចជាង ២ ភាគរយប៉ុណ្ណោះ នៃប្រជាជនចំនួន ២៣.៥ លាននាក់របស់ខ្លួន ។

ស្របពេលជាមួយគ្នានេះ ប្រទេសជប៉ុនមិនមានផែនការភ្លាមៗ ក្នុងការប្រើប្រាស់វ៉ាក់សាំង AstraZeneca ដែលខ្លួនមាននៅក្នុងថ្ងៃដៃស្រាប់ឡើយ ហើយបានធានាការផ្គត់ផ្គង់វ៉ាក់សាំង ប្រភេទផ្សេងៗទៀតគ្រប់គ្រាន់ សម្រាប់ប្រជាជនទាំងមូលរបស់ខ្លួន ។

គួរបញ្ជាក់ថា គិតត្រឹមពេលនេះ ប្រទេសជប៉ុន មានករណីឆ្លងជំងឺកូវីដ ១៩ ជាង ៧៤ ម៉ឺនករណី និងមានអ្នកស្លាប់ ១៣,០៤៨ នាក់ ខណៈមានអ្នកជាសះស្បើយ ៦៨០,៦២១ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ យុទ្ធនាការចាក់វ៉ាក់សាំង កូវីដ របស់ទ្វីបអាហ្រ្វិក កំពុងឈរជើង បន្ទាប់ពីឥណ្ឌាហាមឃាត់ការនាំចេញទៅឲ្យ COVAX យូរទៅៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១៤ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១៤ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១៥ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១៥ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១៦ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម