ព័ត៌មានអន្ដរជាតិ
បន្ទាប់ពីជោគជ័យជាមួយមនុស្សពេញវ័យ អ៊ីស្រាអែល ត្រៀមចាក់វ៉ាក់សាំងការពារកូវីដដល់ក្មេងជំទង់អាយុពី ១២ ទៅ ១៥ ឆ្នាំ
ក្រសួងសុខាភិបាលអ៊ីស្រាអែល បាននិយាយនៅក្នុងសេចក្តីថ្លែងការណ៍មួយ កាលពីថ្ងៃពុធថា ប្រទេសអ៊ីស្រាអែល នឹងចាប់ផ្តើមចាក់វ៉ាក់សាំង ការពារជំងឺកូវីដ ១៩ ដល់ក្មេងជំទង់ដែលមានអាយុចន្លោះពី ១២ ទៅ ១៥ ឆ្នាំ នៅសប្តាហ៍ក្រោយ។
យុទ្ធនាការចាក់វ៉ាក់សាំងនៅអ៊ីស្រាអែល បានចាប់ផ្តើមកាលពីថ្ងៃទី ២០ ខែធ្នូ ឆ្នាំ ២០២០ ដោយដំណាក់កាលដំបូង ផ្តោតលើបុគ្គលិកពេទ្យ មនុស្សដែលមានអាយុលើសពី ៦៥ ឆ្នាំ និងអ្នកជំងឹរ៉ាំរ៉ៃ ។
ចាប់តាំងពីពេលនោះមក អាយុនៃអ្នកមានសិទ្ធិទទួលបានការចាក់ថ្នាំបង្ការ នៃក្រុមមនុស្សទាំងនោះ បានថយចុះជាបណ្តើរៗ ហើយបច្ចុប្បន្ននេះ មនុស្សដែលមានអាយុចាប់ពី ១៦ ឆ្នាំឡើងទៅ កំពុងតែទទួលបានការចាក់វ៉ាក់សាំងនេះ ។
ការសម្រេចពង្រីកទំហំ អាយុចាក់វ៉ាក់សាំងនេះ ត្រូវបានធ្វើឡើង ទោះបីជាអ្នកជំនាញរបស់ក្រសួង បានព្រមានអំពីការផ្សារភ្ជាប់គ្នា រវាងការចាក់វ៉ាក់សាំង Pfizer ដូសទី ២ និងការរលាកបេះដូង ក៏ដោយ ។
ចំនួនករណីរលាកបេះដូងនៅអ៊ីស្រាអែល ត្រូវបានគេរកឃើញថាមានកម្រិតទាប បន្ទាប់ពីសង្កេតឃើញថា ករណីនេះកើតមាន ក្នុងចំណោមយុវជន ដែលមានអាយុចន្លោះពី ១៦ ទៅ ១៩ ឆ្នាំ ។
រហូតមកដល់បច្ចុប្បន្ននេះ ប្រជាជនជាង ៥.៤៥ លាននាក់ បានទទួលការចាក់វ៉ាក់សាំង Pfizer នៅអ៊ីស្រាអែល ឬ ៥៨.៤ ភាគរយ នៃចំនួនប្រជាជនសរុប ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ អ៉ីស្រាអែល រកឃើញករណីរលាកបេះដូងតិចតួចប្រហែលពាក់ព័ន្ធនឹងវ៉ាក់សាំង Pfizer
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង