Connect with us

ព័ត៌មានអន្ដរជាតិ

ឥណ្ឌា ព្រមព្រៀងជាមួយក្រុមហ៊ុនផលិតក្នុងស្រុកនូវទំហំទឹកប្រាក់ច្រើនសន្ធឹកសន្ធាប់សម្រាប់វ៉ាក់សាំង ៣០០ លានដូស

បានផុស

នៅ

រដ្ឋាភិបាលឥណ្ឌាបាននិយាយកាលពីថ្ងៃព្រហស្បតិ៍ថា បានចុះហត្ថលេខាលើកិច្ចព្រមព្រៀង ជាមួយក្រុមហ៊ុនផលិតវ៉ាក់សាំងក្នុងស្រុក Biological-E ក្នុងទំហំទឹកប្រាក់ ១៥ ប៊ីលានរូពីឥណ្ឌា ស្មើនឹង ២០៥ លានដុល្លារ សម្រាប់វ៉ាក់សាំងការពារជំងឺកូវីដ ១៩ ចំនួន ៣០០ លានដូស ។

សេចក្តីថ្លែងការណ៍បាននិយាយថា “វ៉ាក់សាំងការពារជំងឺកូវីដ ១៩ របស់ក្រុមហ៊ុន Biological-E បច្ចុប្បន្នកំពុងដំណើរការសាកល្បងព្យាបាល ដំណាក់កាលទី ៣ បន្ទាប់ពីបានបង្ហាញលទ្ធផលជោគជ័យ ក្នុងការសាកល្បងព្យាបាលដំណាក់កាលទី ១ និងទី ២ ហើយវានឹងមាននៅក្នុងប៉ុន្មានខែខាងមុខនេះ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍បន្តថា “វ៉ាក់សាំងនេះនឹងត្រូវផលិត និងស្តុកទុកដោយក្រុមហ៊ុន Biological-E ចាប់ពីខែសីហា ដល់ខែធ្នូ ឆ្នាំ ២០២១” ។

យោងតាមគេហទំព័រ Our World in Data បានឲ្យដឹងថា រហូតមកដល់ពេលនេះ វ៉ាក់សាំងការពារជំងឺកូវីដ ១៩ ច្រើនជាង ២១៣ លានដូស ត្រូវបានចាក់នៅក្នុងប្រទេសឥណ្ឌា ដែលជាប្រទេសមានប្រជាជនច្រើនជាងគេ លំដាប់ទី ២ លើពិភពលោក ក្នុងនោះប្រជាជនចំនួន ៤៣.៦ លាននាក់ បានចាក់វ៉ាក់សាំងពេញ ២ ដូស ។

ប្រទេសឥណ្ឌាបានឃើញការកើនឡើងយ៉ាងខ្លាំង នៃករណីឆ្លង និងស្លាប់ប្រចាំថ្ងៃកាលពីខែមុន ខណៈប្រទេសនេះបានតស៊ូជាមួយនឹងរលកទី ២ នៃរោគរាតត្បាត ។ ករណីឆ្លងប្រចាំថ្ងៃបានឡើងដល់ ៤០០,០០០ នាក់ និងស្លាប់ ៤,៥០០ នាក់ក្នុងមួយថ្ងៃៗ ។

គួរបញ្ជាក់ថា គិតត្រឹមពេលនេះ ប្រទេសឥណ្ឌា មានករណីឆ្លងជំងឺកូវីដ ១៩ ចំនួន ២៨.៥ លានករណី ខណៈចំនួនអ្នកស្លាប់មានដល់ ៣៤០,៧១៩ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម