ព័ត៌មានអន្ដរជាតិ
លោក Duterte ដាក់ឈ្មោះស្តេចប្រដាល់ Pacquiao ក្នុងបញ្ជី អ្នកស្នងតំណែងប្រធានាធិបតី
អ្នកនាំពាក្យប្រធានាធិបតីហ្វីលីពីន បាននិយាយកាលពីថ្ងៃព្រហស្បតិ៍ថា លោកប្រធានាធិបតី Rodrigo Duterte បានរៀបចំឈ្មោះ អ្នកដែលអាចស្នងតំណែងរបស់លោក ដោយក្នុងនោះរួមមានទាំងកូនស្រីរបស់ខ្លូនឈ្មោះ Sara, អ្នកប្រដាល់ Manny Pacquiao និងកូនប្រុសអតីតមេដឹកនាំផ្តាច់ការ Ferdinand Marcos ផងដែរ។
តាមរដ្ឋធម្មនុញ្ញ លោក Duterte មិនអាចឈរឈ្មោះបោះឆ្នោតជាថ្មីបានទេ។ លោកនឹងបញ្ចប់អាណត្តិ៦ឆ្នាំរបស់ខ្លួននៅខែមិថុនាឆ្នាំ២០២២។ ទោះបីជាយ៉ាងណាក៏ដោយ គណបក្សរបស់លោក កំពុងលើកទឹកចិត្តឲ្យលោក ឈរឈ្មោះសម្រាប់តំណែងអនុប្រធានាធិបតី។
លោក Harry Roque ដែលជាអ្នកនាំពាក្យ បាននិយាយថា “លោក Duterte កំពុងពិចារណាលើការគាំទ្រកូនស្រីរបស់គាត់ដែលជាអភិបាលក្រុង Davao ឈ្មោះ Sara Duterte-Carpio, អ្នកប្រដាល់ជើងឯកនិងជាសមាជិកព្រឹទ្ធសភា Pacquiao, លោក Ferdinand Bongbong Marcos, ចៅហ្វាយក្រុងម៉ានីលលោក Francisco Domagoso និងជំនួយការយូរអង្វែងនិងជាព្រឹទ្ធសមាជិកលោក Christopher Bong Go”។
អ្នកនាំពាក្យរូបនេះ មិនបានផ្តល់ហេតុផលសម្រាប់ជម្រើសរបស់លោក Duterte ទេ ប៉ុន្តែអ្នកទាំងនេះបានជាប់ចំណាត់ថ្នាក់ខ្ពស់ ក្នុងការស្ទង់មតិបេក្ខជនប្រធានាធិបតីដែលគេពេញចិត្តសម្រាប់ការបោះឆ្នោតនៅឆ្នាំក្រោយ។
ក្រុមអ្នកវិភាគនិយាយថា លោក Duterte ចង់ឲ្យសម្ព័ន្ធមិត្ត ឈ្នះតំណែងប្រធានាធិបតីដើម្បីការពារគាត់ពីបញ្ហាប្រឈមផ្នែកច្បាប់ និងរឿងនយោបាយ នៅពេលដែលគាត់បាត់បង់អភ័យឯកសិទ្ធិពីតំណែងប្រធានាធិបតី៕
ប្រែសម្រួល៖ Vann Vann
ប្រភព៖ CNN
ចុចអាន៖ ជម្លោះសមុទ្រចិនខាងត្បូង៖ លោក Duterte និយាយថា “ទោះសម្លាប់ខ្ញុំក៏មិនដកថយដែរ”
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង