ព័ត៌មានអន្ដរជាតិ
កាន់តែប្រសើរ កូវីដនៅឥណ្ឌាធ្លាក់ចុះ៦៨% តាំងឡើងខ្ពស់ខ្លាំងថ្ងៃទី៧ ខែឧសភាមក
ក្រសួងសុខាភិបាលឥណ្ឌានៅថ្ងៃសុក្រម្សិលមិញបាននិយាយថា ករណីឆ្លងកូវីដ-១៩បានធ្លាក់ចុះស្ទើរតែ៦៨%ហើយ ចាប់តាំងពីវាបានហក់ឡើងខ្ពស់បំផុតកាលពីថ្ងៃទី៧ ខែឧសភាមក។
ក្រសួងបាននិយាយថា មានការធ្លាក់ចុះករណីឆ្លងសកម្មជាង២០ម៉ឺននាក់ ចាប់តាំងពីវាឡើងខ្ពស់បំផុតនៃករណីឆ្លងសកម្មកាលពីថ្ងៃទី១០ ខែឧសភា និងថា ខណ្ឌចំនួន៣៧៧កំពុងរាយការណ៍ពីអត្រាឆ្លងវិជ្ជមានតិចជាង៥%ប៉ុណ្ណោះ។
ស្តីពីការចាក់វ៉ាក់សាំង ក្រសួងសុខាភិបាលនិយាយថា ប្រទេសត្រូវការពេលវេលាដើម្បីធានាឲ្យបានថា វិសាលភាពចាក់វ៉ាក់សាំងខ្ពស់ប្រឆាំងនឹងកូវីដ-១៩ទទួលបានជោគជ័យ។
ទោះជាយ៉ាងណា ក្រសួងបានព្រមានថា ៖«ប្រសិនបើរក្សាវិធានការទប់ស្កាត់មិនបានម៉ត់ចត់ ឥរិយាបថការពារកូវីដ-១៩មិនសមស្រប ឬទំហំនៃការចាក់វ៉ាក់សាំងមានការថយចុះនោះ ករណីផ្ទុះឡើងឡើងវិញអាចកើតឡើង»។
ក្នុងរយៈពេល២៤ម៉ោងចុងក្រោយដែលទិន្នន័យចេញត្រឹមម៉ោង៨ព្រឹក ថ្ងៃសុក្រម្សិលមិញនេះ ប្រទេសឥណ្ឌាមានករណីឆ្លងកូវីដ-១៩ថ្មីចំនួន ១៣២ ៣៦៤នាក់ ដែលសរុបករណីឆ្លងទាំងអស់ចំនួន ២៨ ៥៧៤ ៣៥០នាក់។ ចំណែកករណីមរណភាពថ្មីមាន ២ ៧១៣នាក់ ដែលសរុបមរណភាពទាំងអស់ ៣៤០ ៧០២នាក់។
យោងតាមទិន្នន័យក្រសួងសុខាភិបាលថា បច្ចុប្បន្ននេះករណីឆ្លងសកម្មទូទាំងប្រទេសមានចំនួន ១ ៦៣៥ ៩៩៣នាក់ ខណៈអ្នកជំងឺដែលជាសះស្បើយចេញពីមន្ទីរពេទ្យមានចំនួន ២៦ ៥៩៧ ៦៥៥នាក់ ហើយសម្រាប់អ្នកជាសះស្បើយក្នុងរយៈពេល២៤ម៉ោងចុងក្រោយមានចំនួន ២០៧ ០៧១នាក់។
យោងតាមអ្នកជំនាញបានឲ្យដឹងថា បន្ទាប់ពីរយៈពេល២ខែនៃករណីកូវីដ-១៩ហក់ឡើងខ្ពស់ខ្លាំង ឥឡូវនេះវីរុសនេះបានធ្លាក់ចូលទៅក្នុងកម្រិតដែលអាចដោះស្រាយបានដោយប្រព័ន្ធសុខាភិបាលដែលមានស្រាប់។
ចំនួនករណីឆ្លងថ្មីបានកំពុងធ្លាក់ចុះនៅតាមបណ្តារដ្ឋភាគច្រើនបំផុត ប៉ុន្តែអ្វីដែលសំខាន់ជាងនេះទៀតនោះ ករណីមរណភាពក៏បានចាប់ផ្តើមធ្លាក់ចុះដែរ។ ករណីស្លាប់ថ្មីដែលបានកំពុងកត់ត្រាគឺធ្លាក់នៅក្រោម៣០០០នាក់ជារៀងរាល់ថ្ងៃ បើប្រៀបធៀបនឹងចំនួនខ្ពស់ជាង៤៤០០នាក់កាលពី១០ថ្ងៃមុន៕
ប្រែសម្រួល៖ វីរបុត្រ
ប្រភព៖ indianexpress
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ