ព័ត៌មានអន្ដរជាតិ
ស្វែងយល់លម្អិតអំពីវ៉ាក់សាំងកូវីដរបស់ក្រុមហ៊ុន Moderna ដែលបង្ហាញប្រសិទ្ធភាពសឹង១០០ភាគរយ
Moderna Inc បានក្លាយជាក្រុមហ៊ុនឱសថទី២របស់សហរដ្ឋអាមេរិកដែលបញ្ចេញទិន្នន័យពីការសិក្សាដ៏ធំមួយស្តីពីវ៉ាក់សាំងពិសោធន៍របស់ខ្លួនដោយនិយាយថា វាមានប្រសិទ្ធិភាព៩៤,៥ភាគរយប្រឆាំងនឹងជំងឺកូវីដ១៩។
វានឹងស្វែងរកការអនុញ្ញាតឲ្យប្រើប្រាស់ជាបន្ទាន់ពីរដ្ឋបាលចំណីអាហារនិងឪសថអាមេរិកនៅពេលដែលវាបង្ហាញទិន្នន័យសុវត្ថិភាពបន្ថែមទៀតដែលគេរំពឹងថានឹងចេញនៅចុងខែនេះ។
ការវិភាគដំបូងរបស់វាត្រូវបានផ្អែកទៅលើ៩៥ករណីនៃជំងឺកូវីដ១៩ដែលក្នុងនោះ៩០ករណីបានទទួលការប្រើថ្នាំ Placebo ខណៈ៥ករណីទទួលវ៉ាក់សាំង។
មានករណីធ្ងន់ធ្ងរចំនួន១១នៅក្នុងក្រុមប្រើថ្នាំ Placebo និងគ្មានសោះក្នុងចំណោមអ្នកដែលត្រូវបានចាក់វ៉ាក់សាំង។
លទ្ធផលនេះបានបញ្ចេញ មួយសប្តាហ៍បន្ទាប់ពីក្រុមហ៊ុន Pfizer Inc និងដៃគូអាល្លឺម៉ង់ BioNTech SE និយាយថា វ៉ាក់សាំងពិសោធន៍របស់ពួកគេមានប្រសិទ្ធភាពជាង៩០ភាគរយដោយផ្អែកលើទិន្នន័យដំបូង។
- តើវាល្អកម្រិតណាទៅ?
ការធ្វើតេស្តមានការចូលរួមពីមនុស្ស៣០,០០០នាក់នៅសហរដ្ឋអាមេរិកដោយពាក់កណ្តាលត្រូវបានចាក់វ៉ាក់សាំងចំនួនពីរដូស បួនសប្តាហ៍ម្តង។
ការវិភាគគឺផ្អែកលើមនុស្ស៩៥នាក់ដំបូងដែលបង្ហាញរោគសញ្ញាជំងឺកូវីដ១៩។
មានតែអ្នកកើតកូវីដចំនួន៥នាក់ប៉ុណ្ណោះដែលត្រូវបានចាក់វ៉ាក់សាំង។ ក្រុមហ៊ុននិយាយថា វ៉ាក់សាំងនេះការពារបាន៩៤,៥ភាគរយ។
ទិន្នន័យនេះក៏បង្ហាញផងដែរថា មានអ្នកកើតកូវីដធ្ងន់ធ្ងរចំនួន១១នាក់ក្នុងការសាកល្បងប៉ុន្តែមិនមានអ្វីកើតឡើងចំពោះមនុស្សដែលត្រូវបានគេចាក់ថ្នាំបង្ការនោះទេ។
- តើអ្វីដែលយើងមិនដឹង?
យើងនៅមិនទាន់ដឹងថាតើភាពស៊ាំនឹងមានរយៈពេលយូរប៉ុនណាខណៈអ្នកស្ម័គ្រចិត្តនឹងត្រូវគេតាមដានយូរជាងមុន មុនពេលអាចទទួលបានចម្លើយ។
មានព័ត៌មានថា វាផ្តល់នូវការការពារមួយចំនួននៅក្នុងក្រុមមនុស្សវ័យចំណាស់ដែលជាក្រុមមានហានិភ័យខ្ពស់បំផុតពីការស្លាប់ដោយសារជំងឺកូវីដ១៩ប៉ុន្តែមិនមានទិន្នន័យពេញលេញទេ។ ហើយគេមិនទាន់ដឹងទេថាតើវ៉ាក់សាំងនេះនឹងបញ្ឈប់មនុស្សពីការមានជំងឺធ្ងន់ធ្ងរឬក៏វាបញ្ឈប់ពួកគេពីការចម្លងវីរុសដែរឬក៏អត់។
សំណួរទាំងអស់នេះនឹងជះឥទ្ធិពលដល់របៀបប្រើប្រាស់វ៉ាក់សាំងការពារវីរុសកូរ៉ូណា។
- តើវាមានសុវត្ថិភាពដែរឬទេ?
មិនមានការព្រួយបារម្ភអំពីសុវត្ថិភាពនោះទេ។
ទោះបីជាយ៉ាងណាក៏ដោយ ការអស់កម្លាំងរយៈពេលខ្លី ឈឺក្បាលនិងឈឺចាប់ត្រូវបានរាយការណ៍បន្ទាប់ពីចាក់វ៉ាក់សាំងលើអ្នកជំងឺមួយចំនួន។
សាស្ត្រាចារ្យ Peter Openshaw មកពីមហាវិទ្យាល័យ Imperial College London បាននិយាយថា “ផលប៉ះពាល់ទាំងនេះគឺជាអ្វីដែលយើងរំពឹងថានឹងកើតឡើងជាមួយវ៉ាក់សាំងមួយដែលកំពុងធ្វើការនិងជំរុញឲ្យមានការឆ្លើយតបភាពស៊ាំល្អ។
- បើប្រៀបធៀបទៅនឹងវ៉ាក់សាំងរបស់ក្រុមហ៊ុន Pfizer តើវាខុសគ្នាយ៉ាងដូចម្តេច?
វ៉ាក់សាំងទាំងពីរប្រើវិធីដូចគ្នាក្នុងការចាក់ហ្សែនវីរុសដើម្បីបង្កការឆ្លើយតបនៃប្រព័ន្ធភាពស៊ាំ។
មកទល់ពេលនេះ ទិន្នន័យបឋមដែលយើងបានឃើញគឺស្រដៀងគ្នាខ្លាំងណាស់។ មានការការពារប្រហែល៩០ភាគរយសម្រាប់វ៉ាក់សាំងរបស់ក្រុមហ៊ុន Pfizer / BioNTech និងប្រហែល៩៥ភាគរយសម្រាប់វ៉ាក់សាំងរបស់ក្រុមហ៊ុន Moderna។
ទោះបីជាយ៉ាងណាក៏ដោយ ការសាកល្បងទាំងពីរនៅតែធ្វើឡើងហើយតួរលេខចុងក្រោយអាចផ្លាស់ប្តូរ។
វ៉ាក់សាំងរបស់ក្រុមហ៊ុន Moderna ហាក់ដូចជាងាយស្រួលជាងក្នុងការទុកដាក់ព្រោះវានៅតែមានប្រសិទ្ធភាពក្នុងសីតុណ្ហភាពដក២០អង្សាសេរហូតដល់៦ខែហើយអាចរក្សាទុកនៅក្នុងទូរទឹកកកស្តង់ដារបានរហូតដល់មួយខែ។
ប៉ុន្តែវ៉ាក់សាំងរបស់ក្រុមហ៊ុន Pfizer ត្រូវការទុកដាក់ក្នុងសីតុណ្ហភាពត្រជាក់ខ្លាំងប្រហែលដក៧៥អង្សាសេប៉ុន្តែវាអាចរក្សាទុកនៅក្នុងទូរទឹកកកបានរយៈពេល៥ថ្ងៃ។
ចំណែក វ៉ាក់សាំង Sputnik V ដែលត្រូវបានអភិវឌ្ឍនៅក្នុងប្រទេសរុស្ស៊ីក៏បានចេញផ្សាយទិន្នន័យដំបូងផងដែរដែលបង្ហាញថា វាមានប្រសិទ្ធភាព៩២ភាគរយ។
- តើយើងនឹងទទួលបានវាក់សាំងនៅពេលណា?
នោះអាស្រ័យលើកន្លែងដែលអ្នករស់នៅលើពិភពលោកនិងអាយុរបស់អ្នក។
ក្រុមហ៊ុន Moderna និយាយថា ខ្លួននឹងដាក់ពាក្យទៅនិយ័តករសហរដ្ឋអាមេរិកក្នុងរយៈពេលប៉ុន្មានសប្តាហ៍ខាងមុខនេះ។ ខ្លួនរំពឹងថានឹងមានវ៉ាក់សាំងចំនួន២០លានដូសនៅក្នុងប្រទេសនេះ។
ក្រុមហ៊ុនសង្ឃឹមថា នឹងមានរហូតដល់ទៅមួយពាន់លានដូសសម្រាប់ប្រើប្រាស់នៅជុំវិញពិភពលោកនៅឆ្នាំក្រោយហើយក៏គ្រោងនឹងស្វែងរកការយល់ព្រមនៅក្នុងប្រទេសដទៃទៀតផងដែរ។
រដ្ឋាភិបាលចក្រភពអង់គ្លេសនៅតែកំពុងចរចាជាមួយក្រុមហ៊ុន Moderna ព្រោះវ៉ាក់សាំងនេះមិនមែនជាវ៉ាក់សាំងមួយក្នុងចំណោមវ៉ាក់សាំងចំនួនប្រាំមួយដែលខ្លួនបានកុម្ម៉ង់ទិញនោះទេ។
ចក្រភពអង់គ្លេសបានបង្ហាញផែនការដែលផ្តល់អាទិភាពដល់មនុស្សវ័យចំណាស់សម្រាប់ការចាក់វ៉ាក់សាំង៕
ប្រែសម្រួលដោយ៖ Vann Vann
ប្រភព៖ BBC, Al Jazeera
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ