Connect with us

ព័ត៌មានអន្ដរជាតិ

ក្រោយជោគជ័យការចាក់វ៉ាក់សាំងស្ទើរគ្រប់ក្រុមមនុស្ស អ៊ីស្រាអែល ត្រៀមលុបតម្រូវការពាក់ម៉ាសនៅក្នុងទីតាំងបិទជិតមួយទៀត

បានផុស

នៅ

រដ្ឋមន្រ្តីក្រសួងសុខាភិបាលអ៊ីស្រាអែល លោក Yuli Edelstein បានប្រកាសកាលពីថ្ងៃអាទិត្យថា ច្បាប់ដើម្បីអនុវត្តការពាក់ម៉ាសក្នុងទីតាំងបិទជិត នៅប្រទេសអ៊ីស្រាអែល នឹងត្រូវដកចេញចាប់ពីថ្ងៃទី ១៥ ខែមិថុនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក អ៊ីស្រាអែលបានដកតម្រូវការពាក់ម៉ាស នៅខាងក្រៅក៏ដូចជាទីសាធារណៈ តាំងពីថ្ងៃទី ១៨ ខែមេសា បន្ទាប់ពីការថយចុះ នៃករណីឆ្លងជំងឺកូវីដ ១៩ នៅក្នុងប្រទេស ។

លោក Yuli Edelstein បាននិយាយថា ប្រសិនបើមិនមានការកើនឡើង នៃករណីឆ្លងតាមការរំពឹងទុក នៅប៉ុន្មានថ្ងៃខាងមុខទេនោះ ការរឹតបន្តឹងនេះនឹងត្រូវលុបចោលភ្លាមៗ ។

នេះគឺជាការរឹតត្បិតមួយ ក្នុងចំណោមការរឹតត្បិតចុងក្រោយ ពាក់ព័ន្ធនឹងជំងឹកូវីដ ១៩ ដែលនៅតែមានសុពលភាព នៅក្នុងប្រទេសអ៊ីស្រាអែល បន្ទាប់ពីការរឹតត្បិតភាគច្រើន ត្រូវបានដកចេញនៅថ្ងៃទី ១ ខែមិថុនា ទាក់ទងនឹងការប្រមូលផ្តុំគ្នា គម្លាតសង្គម ការរក្សាអនាម័យ និងវិធានការជាច្រើនទៀត ជាដើម ។

ប៉ុន្តែការរឹតត្បិតភាគច្រើន ទាក់ទងនឹងការធ្វើដំណើរទៅក្រៅប្រទេស មិនទាន់ត្រូវបានលុបចោលនៅឡើយទេ ដូចជា ការហាមឃាត់ការធ្វើដំណើរ ទៅកាន់ប្រទេសចំនួន ៩ កាតព្វកិច្ចធ្វើចត្តាឡីស័ក សម្រាប់អ្នកដំណើរ ដែលធ្វើដំណើរមកពីប្រទេសទាំងនេះ និងកាតព្វកិច្ចធ្វើតេស្តរកកូវីដ សម្រាប់អ្នកដំណើរទាំងអស់ដែលមកដល់ ។

ការដកការរឹតត្បិតជាច្រើនខាងលើនេះ ធ្វើឡើងជាបន្តបន្ទាប់ ក្រោយអ៊ីស្រាអែលទទួលជោគជ័យក្នុងការចាក់វ៉ាក់សាំង ខណៈកាលពីថ្ងៃអាទិត្យ ប្រទេសនេះក៏បានចាប់ផ្តើម ចាក់វ៉ាក់សាំងការពារជំងឺកូវីដ ១៩ ដល់ក្មេងជំទង់ ដែលមានអាយុចន្លោះពី ១២ ទៅ ១៥ ឆ្នាំផងដែរ ។

គួររំឭកថា យុទ្ធនាការចាក់វ៉ាក់សាំង នៅក្នុងប្រទេសអ៊ីស្រាអែល បានចាប់ផ្តើមនៅថ្ងៃទី ២០ ខែធ្នូ ឆ្នាំ ២០២០ ដោយដំណាក់កាលដំបូង ផ្តោតលើបុគ្គលិកពេទ្យ មនុស្សដែលមានអាយុលើសពី ៦៥ ឆ្នាំ និងអ្នកជំងឺដែលមានជំងឺរ៉ាំរ៉ៃ ។

ចាប់តាំងពីពេលនោះមក អាយុនៃអ្នកមានសិទ្ធិ ទទួលការចាក់វ៉ាក់សាំង ត្រូវបានថយចុះជាលំដាប់ ខណៈក្រោយមកទៀត ប្រទេសនេះក៏បានបន្ថួរបន្ថយ ក្រុមមនុស្សដែលមានសិទ្ធិទទួលការចាក់វ៉ាក់សាំង  មកត្រឹមអាយុចាប់ពី ១៦ ឆ្នាំឡើងទៅវិញ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

តើ​មាន​សមិទ្ធផល​សំខាន់ៗ​អ្វីខ្លះ បាន​កើតឡើង​ក្នុង​រយៈពេល​៥៥ ឆ្នាំ នៃ​ទំនាក់ទំនង​ការទូត​រវាង​កម្ពុជា និង​វៀតណាម ?

KPT+៣ ម៉ោង មុន

ប្រឡូកសិល្បៈ១៤ឆ្នាំ គ្មានអ្នកនឹកស្មានថា Ariana Grande ទទួលបានសមិទ្ធផលច្រើនដល់ម្លឹង

ព័ត៌មានជាតិ៣ ម៉ោង មុន

សម្តេច​តេ​ជោ ហ៊ុន សែន​៖ កម្ពុជា​នៅតែ​ប្រឈម​គួរឱ្យ​ព្រួយបារម្ភ​ពី​ការប៉ុនប៉ង ផលិត កែច្នៃ និង​ប្រើប្រាស់​គ្រឿងញៀន

ព័ត៌មានជាតិ៥ ម៉ោង មុន

សម្តេច​តេ​ជោ ហ៊ុន សែន សម្រេចយក​ដំណឹង​អំពី​មរណភាព​របស់​សម្តេច​ឧ​ត្ត​ម​ទេព​ញាណ ហ៊ុន ណេង ប្រាប់​បងប្រុស

កីឡា៥ ម៉ោង មុន

វិសាខា ស៊ុត​២១​ជើង រហូត​បាន​យកឈ្នះ​ក្រុម​របស់​ហ្វីលីពីន Kaya ក្នុង​ប្រកួត​ដំបូង AFC Cup

Sokha Hotels

ព័ត៌មានពេញនិយម