ឆេះរោងចក្រគីមីនៅឥណ្ឌា ស្លាប់មនុស្ស១៨នាក់

មនុស្សចំនួន១៨នាក់បានស្លាប់ ដោយសារអគ្គិភ័យ ដែលបានឆាបឆេះ រោងចក្រគីមីមួយនៅជាយក្រុង Pune ភាគខាងលិចប្រទេសឥណ្ឌា។

កម្មករប្រមាណ៣៧នាក់ បានជាប់នៅក្នុងអាគារ ពេលដែលអគ្គិភ័យបានចាប់ផ្តើមនៅម៉ោង ១៥ និង ៤៥ នាទី (ម៉ោងក្នុងស្រុក)។

ក្រុមមន្រ្តីបានប្រាប់ BBC ថា មូលហេតុនៃអគ្គិភ័យនេះ មិនទាន់ត្រូវបានកំណត់នៅឡើយទេ។

រោងចក្រនេះ ជាកម្មសិទ្ធិរបស់ក្រុមហ៊ុន SV Aqua Technologies ដែលជាក្រុមហ៊ុនផលិតផលក្លរីនឌីអុកស៊ីត ដែលជាសារធាតុត្រូវបានគេប្រើប្រាស់ជាទូទៅក្នុងការច្រោះទឹកស្អាត។

លោកនាយករដ្ឋមន្រ្តី Narendra Modi បានចូលរួមរំលែកទុក្ខចំពោះមរណភាពរបស់កម្មករ និងបានប្រកាសផ្តល់ប្រាក់ចំនួន២០ម៉ឺនរូពី (២,៨០០ដុល្លារ) ជាសំណងសម្រាប់គ្រួសារនីមួយៗ។ លោកក៏បានសន្យាផ្តល់ប្រាក់ ៦៩០ដុល្លារ ជាសំណងសម្រាប់អ្នករងរបួសផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ ឥណ្ឌា ប្រកាសចាក់វ៉ាក់សាំងកូវីដឥតគិតថ្លៃ ដល់មនុស្សពេញវ័យជិត ១,០០០ លាននាក់