ព័ត៌មានអន្ដរជាតិ

ថ្ងៃនេះ ចិនសន្យាផ្តល់ជំនួយកម្ចាត់កូវីដដល់អាស៊ានថែមទៀត

បានផុស

៣ years មុន

នៅ

ថ្ងៃអង្គារ ៨ មិថុនា ២០២១

ដោយ

នៅថ្ងៃអង្គារ៍ ទី៨ ខែមិថុនានេះ ប្រទេសចិនបានសន្យាផ្តល់ជំនួយបន្ថែមទៀតដល់ប្រទេសអាស៊ីអាគ្នេយ៍ដើម្បីប្រយុទ្ធនឹងជំងឺកូវីដ-១៩ ដែលនេះជាផ្នែកនៃការបង្កើនឥទ្ធិពលរបស់ខ្លួននៅក្នុងតំបន់ដែលជាគូប្រជែងយុទ្ធសាស្ត្រនឹងសហរដ្ឋអាមេរិក។

រដ្ឋមន្ត្រីការបរទេសចិន លោក Wang Yi បានប្រាប់សមភាគីគឺប្រជាជាតិអាស៊ីអាគ្នេយ៍(អាស៊ាន)១០ប្រទេសថា ចិនបានផ្តល់វ៉ាក់សាំងការពារកូវីដ-១៩ចំនួន១០០លានដូសរួចហើយដល់ប្រទេសអាស៊ាន បូករួមទាំងសម្ភារៈវេជ្ជសាស្ត្រ និងជំនួយបច្ចេកទេសនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wang បានប្រដូចទៅវិបត្តិសេដ្ឋកិច្ច ការផ្ទុះជំងឺហ្សាឆ្នាំ២០០៣ និងព្យុះស៊ូណាមិឆ្នាំ២០០៤ ដោយលើកឡើងថា អ្នកទាំងអស់បានប្រឈមនឹងសកម្មភាពជាក់ស្តែងដែលកំពុងកើនឡើង និងទទួលអារម្មណ៍ពីការយកចិត្តទុកដាក់ក្នុងនាមជាប្រទេសជិតខាង។

លោក Wang បានប្រាប់កិច្ចប្រជុំថ្នាក់រដ្ឋមន្ត្រីការបរទេសអាស៊ាន-ចិនលើកទី៣០ថា ៖«នៅក្នុងដំណើរការនៃការរួមគ្នាប្រយុទ្ធនឹងឧបសគ្គ យើងមានមិត្តភាពស៊ីជម្រៅ យកចិត្តទុកដាក់គ្នា និងផលប្រយោជន៍រួម»។

លោក Wang បន្តថា ភាគទាំងអស់គួរតែស្វែងរកការបង្កើតក្រុមជំនាញដើម្បីពង្រឹងកិច្ចសហប្រតិបត្តិការឆ្លងកាត់ដំណើរការវ៉ាក់សាំង ចាប់ផ្តើមពីការស្រាវជ្រាវរហូតដល់ការប្រើប្រាស់ ធ្វើការបង្កើតផលិតកម្ម ព្រមទាំងជាមជ្ឈមណ្ឌលចែកចាយដើម្បីជួយធ្វើឲ្យវ៉ាក់សាំងមានតម្លៃសមរម្យ និងអាចចូលប្រើប្រាស់បាននៅក្នុងតំបន់។

លោកបានបន្ថែមថា ប្រទេសចិននឹងអនុវត្តជាបន្ទាន់នូវគំនិតផ្តួចផ្តើមកិច្ចសហប្រតិបត្តិការសុខភាពសាធារណៈអាស៊ាន-ចិន បន្តគាំទ្រសម្ភារៈបំរ៉ុងវេជ្ជសាស្ត្រអាសន្នអាស៊ាន និងពង្រឹងការកសាងសមត្ថភាពសុខភាពសាធារណៈក្នុងតំបន់។

«ចិននឹងធ្វើការជាមួយអាស៊ានដើម្បីកម្ចាត់ជំងឺកូវីដ-១៩កំពុងរាតត្បាតឲ្យបានលឿនតាមតែអាចទៅរួច»។ លោក Wang បានបញ្ជាក់៕

ប្រែសម្រួល៖ វីរបុត្រ
ប្រភព៖ CNA