ព័ត៌មានអន្ដរជាតិ
ឯតទគ្គកម្ម ពិភពលោកថ្មី ស្ត្រីអាហ្វ្រិកខាងត្បូងផ្តល់កំណើតដល់ទារក ១០ នាក់ ខណៈកូនមុនៗក៏ភ្លោះ
ស្ត្រីអាយុ ៣៧ ឆ្នាំម្នាក់នៅអាហ្វ្រិកខាងត្បូង បានបំបែកឯតទគ្គកម្មពិភពលោក Guinness ដោយផ្តល់កំណើតដល់ទារកចំនួន ១០ នាក់ ។ នេះបើយោងតាមរបាយការណ៍ របស់ប្រព័ន្ធផ្សព្វផ្សាយកាលពីថ្ងៃអង្គារ ។
គេហទំព័រព័ត៌មាន IOL បាននិយាយថា លោកស្រី Gosiame Thamara Sithole ដែលជាអ្នកស្រុក Tembisa East ក្នុងទីក្រុង Johannesburg ទទួលបានកូនប្រុស ៧ នាក់ និងកូនស្រី ៣ នាក់ ដោយការវះកាត់នៅមន្ទីរពេទ្យមួយក្នុងតំបន់ Pretoria ។
ចំណែកប្ដីរបស់លោកស្រីឈ្មោះ Teboho Tsotetsi បាននិយាយថា មុននឹងមានកូនទាំង ១០ នាក់នេះ ប្រពន្ធរបស់គាត់ក៏មានកូនភ្លោះអាយុ ៦ ឆ្នាំផងដែរ ។ លោកថា លោកពិតជាសប្បាយចិត្ត និងរំជួលចិត្តចំពោះព័ត៌មាននេះ ។
ដំបូងឡើយរបាយការណ៍បានបង្ហាញថា លោកស្រី Sithole រំពឹងថា នឹងមានកូនតែចំនួន ៨ នាក់ប៉ុណ្ណោះ ប៉ុន្តែតាមមើលទៅទារក ២ នាក់នោះ បានខកខានការស្កេន ពីព្រោះពួកគេស្ថិតក្នុងទីតាំងខុស ។
លោកស្រី Sithole បានប្រាប់អ្នកយកព័ត៌មានថា “ខ្ញុំមានការតក់ស្លុត ចំពោះការមានផ្ទៃពោះរបស់ខ្ញុំ ។ វាលំបាកណាស់នៅពេលចាប់ផ្តើម ។ ខ្ញុំឈឺ វាពិបាកសម្រាប់ខ្ញុំ ប៉ុន្តែពេលនេះខ្ញុំបានជួបវាហើយ ។ ខ្ញុំមិនមានអារម្មណ៍ឈឺចាប់ទៀតទេ ប៉ុន្តែវានៅតែពិបាកបន្តិច ។ ខ្ញុំគ្រាន់តែបន់ស្រន់ឲ្យព្រះជាម្ចាស់ ជួយខ្ញុំឲ្យផ្តល់កូនរបស់ខ្ញុំទាំងអស់ ឲ្យមានសុខភាពល្អ ហើយ្យខ្ញុំ និងកូនៗរស់រានមានជីវិត តែខ្ញុំនឹងរីករាយចំពោះរឿងនេះ” ។
គួររំឭកថា កាលពីខែឧសភាស្ត្រីជនជាតិម៉ាលីម្នាក់ បានផ្តល់កំណើតដល់ទារកចំនួន ៩ នាកនៅប្រទេសម៉ារ៉ុក ដោយបំបែកឯតទគ្គកម្មរបស់ ស្ត្រីជនជាតិអាមេរិកឈ្មោះ Nadya Suleman ដែលបានផ្តល់កំណើតឲ្យទារកចំនួន ៨ នាក់ក្នុងឆ្នាំ ២០០៩ ៕
ប្រែសម្រួលដោយ ៖ ជីវ័ន្ត
ប្រភព ៖ A24 News Agency
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)