ព័ត៌មានអន្ដរជាតិ
អង្គការមួយនឹងចំណាយ១.៣ប៊ីលានដុល្លារជួយវ៉ាក់សាំងដល់អាហ្វ្រិក
អង្គការដ៏ធំមួយក្នុងពិភពលោកនឹងចំណាយប្រាក់ចំនួន ១.៣ប៊ីលានដុល្លារអាមេរិកក្នុងរយៈពេល៣ឆ្នាំខាងមុខដើម្បីទទួលបាន និងចាក់វ៉ាក់សាំងការពារកូវីដ-១៩ដល់មនុស្សជាង៥០លាននាក់នៅអាហ្វ្រិក។
វាការខិតខំប្រឹងប្រែងថ្មីបំផុតសម្រាប់អង្គការមិនរកប្រាក់ចំណេញមួយនេះដើម្បីជួយដល់យុទ្ធការណ៍ចាក់វ៉ាក់សាំងរបស់អាហ្វ្រិកចំពេលដែលវិបត្តិកូវីដ-១៩លើកទី៣បានរាតត្បាតខ្លាំង។
នៅថ្ងៃអង្គារ៍សេចក្តីប្រកាសមួយរបស់អង្គការស្ថិតនៅទីក្រុងតូរ៉ុនតូ Mastercard Foundation ដែលមានទ្រព្យសម្បត្តិជាង៣៩ប៊ីលានដុល្លារអាមេរិកបានធ្វើឡើង ប៉ុន្មានថ្ងៃបន្ទាប់ពីអង្គការសុខភាពពិភពលោក (WHO) បាននិយាយថា ទ្វីបអាហ្វ្រិកកំពុងប្រឈមនឹងវីរុសបំប្លែងខ្លួនលាយបញ្ចូលគ្នាគួរឲ្យបារម្ភ និងជិតផ្អាកការនាំចូលវ៉ាក់សាំងហើយ។ ការផ្អាកនេះបានជាប់ពាក់ព័ន្ធនឹងការផ្អាកនាំចេញវ៉ាក់សាំងរបស់ប្រទេសឥណ្ឌា និងកត្តាផ្សេងៗទៀត។
អង្គការនឹងទិញវ៉ាក់សាំង Johnson & Johnson ដែលចាក់តែមួយដូសនៅក្នុងអត្រាបញ្ចុះតម្លៃតាមរយៈការចរចាររបស់សហភាពអាហ្វ្រិកកំឡុងពេលកិច្ចព្រមព្រៀងទិញវ៉ាក់សាំងចំនួន២២០លានដូសជាមួយក្រុមហ៊ុនផលិត។
វ៉ាក់សាំងទាំងនេះនឹងចាប់ផ្តើមចែកចាយទៅរដ្ឋជាសមាជិកចំនួន៥៥របស់អាហ្វ្រិកចាប់ពីខែកក្កដាដល់ខែកញ្ញា ជាមួយនឹងជម្រើសទិញបន្ថែម១៨០លានដូសទៀតនៅឆ្នាំក្រោយ។
លោក Julie Waiganjo អ្នកនាំពាក្យរបស់អង្គការបាននិយាយថា ៖«វ៉ាក់សាំងត្រូវបានទិញដោយអង្គការដែលបានដំណើរការដាច់ដោយឡែកពី Mastercard តាំងពីឆ្នាំ២០០៦នឹងចាប់ផ្តើមពីខែសីហាខាងមុខនេះ»។
អង្គការបាននិយាយថា ប្រាក់ដែលត្រូវបានប្រើក៏ជាផ្នែកនៃការដឹកជញ្ជូនវ៉ាក់សាំង សកម្មភាពចាត់ចែងនៅតាមសហគមន៍ កំណត់អត្តសញ្ញាណវីរុសបំប្លែងខ្លួនមានសក្តានុពល បណ្តុះបណ្តាលបុគ្គលិករដើម្បីធ្វើឲ្យប្រសើរឡើងក្នុងដំណើរការចាក់វ៉ាក់សាំង និងជួយអភិវឌ្ឍកម្លាំងជំនាញដែលអាចពង្រីកការផលិតវ៉ាក់សាំងនៅអាហ្វ្រិក។
យោងតាមការិយាល័យតំបន់ប្រចាំអាហ្វ្រិករបស់អង្គការសុខភាពពិភពលោកឲ្យដឹងកាលពីសប្តាហ៍មុនថា អាហ្វ្រិកបានចាក់វ៉ាក់សាំងដល់មនុស្ស៣១លាននាក់ហើយក្នុងចំណោមប្រជាជន១.៣ប៊ីលាននាក់របស់ទ្វីបនេះ។ ប៉ុន្តែមានតែ៧លាននាក់ប៉ុណ្ណោះដែលបានចាក់ពេញទាំងពីរដូស៕
ប្រែសម្រួល៖ វីរបុត្រ
ប្រភព៖ AP
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ