ព័ត៌មានអន្ដរជាតិ

ដួលរលំអគារនៅ Mumbai ឥណ្ឌាស្លាប់មនុស្ស១១នាក់ក្នុងនោះកុមារ៨នាក់

បានផុស

៣ years មុន

នៅ

ថ្ងៃព្រហស្បតិ៍ ១០ មិថុនា ២០២១

ដោយ

យ៉ាងហោចណាស់មនុស្ស១១នាក់ ក្នុងនោះមានកុមារ៨នាក់បានស្លាប់ បន្ទាប់ពីអគារស្នាក់នៅមួយក្នុងទីក្រុង Mumbai បានដូលរលំទៅលើអគារផ្សេងទៀតនៅថ្ងៃពុធ វេលាម៉ោង១២យប់។ នេះបើតាមមន្ត្រីមូលដ្ឋានបាននិយាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីបាននិយាយថា ឧបទ្ទវហេតុដួលរលំអគារនេះបានកើតឡើងនៅពាក់កណ្តាលយប់នៅភាគខាងជើងជាយក្រុង Mumbai។ មនុស្សជាងច្រើននាក់អាចនឹងជាប់នៅក្រោមគំនរអគារបាក់បែក។ មនុស្ស៨នាក់បានរបួសត្រូវបានបញ្ជូនទៅកាន់មន្ទីរពេទ្យនៅជិតនោះ។ អគារនេះមានកម្ពស់៤ជាន់ស្ថិតនៅតំបន់ Malwani នៅ Malad West ក្នុងទីក្រុង Mumbai។

តាមវីដេអូទូរទស្សន៍ផ្សាយបង្ហាញពីក្រុមការងារជួយសង្គ្រោះកំពុងដុតដៃជើងដើម្បីកាយគំនរបាក់បែកស្វែងរកជនរងគ្រោះបន្តទៀត ខណៈសាច់ញាតិ និងមនុស្សជាច្រើនបានកំពុងនៅជុំវិញនោះ។

គ្រោះថ្នាក់នៃការដួលរលំអគារនេះជាឧបទ្ទវហេតុកើតឡើញញឹកញាប់នៅក្នុងទីក្រុងសេដ្ឋកិច្ច Mumbai របស់ប្រទេសឥណ្ឌានៅក្នុងរដូវខ្យល់មូសុង។ នៅថ្ងៃពុធគឺជាថ្ងៃទី១ដែលមានភ្លៀងធ្លាក់យ៉ាងខ្លាំងនៅក្នុងទីក្រុងនៃប្រទេសឥណ្ឌាមួយនេះ។