វ៉ាក់សាំង Moderna ជិតទទួលបានការអនុញ្ញាតប្រើប្រាស់ជាបន្ទាន់សម្រាប់កុមារអាយុពី ១២ ទៅ ១៧ ឆ្នាំ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

វ៉ាក់សាំង Moderna ជិតទទួលបានការអនុញ្ញាតប្រើប្រាស់ជាបន្ទាន់សម្រាប់កុមារអាយុពី ១២ ទៅ ១៧ ឆ្នាំ

បានផុស

នៅ

ក្រុមហ៊ុនវ៉ាក់សាំង Moderna បានប្រកាសកាលពីថ្ងៃព្រហស្បតិ៍ថា ក្រុមហ៊ុនកំពុងខិតទៅជិតដល់ការអនុញ្ញាត ពីរដ្ឋបាលចំណីអាហារ និងឱសថអាមេរិក (FDA) សម្រាប់ប្រើប្រាស់ជាបន្ទាន់ វ៉ាក់សាំងការពារជំងឺកូវីដ ១៩ លើកុមារអាយុ ១២ ទៅ ១៧ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំបូងឡើងយ ការសិក្សារបស់ក្រុមហ៊ុននេះ បាននិយាយកាលពីខែឧសភាថា វ៉ាក់សាំងការពារជំងឺកូវីដ ១៩ មានប្រសិទ្ធភាព ៩៦ ភាគរយចំពោះក្រុមមនុស្សអាយុនេះ ។ នៅក្នុងរបាយការណ៍នោះ ក្រុមហ៊ុន Moderna បាននិយាយថា ក្មេងជំទង់ដែលបានចូលរួមសាកល្បង មិនបានបង្ហាញពីផលប៉ះពាល់ធ្ងន់ធ្ងរនោះទេ បន្ទាប់ពីទទួលការចាក់វ៉ាក់សាំង ។

នៅក្នុងសេចក្តីថ្លែងការណ៍មួយ លោក Stephane Bancel នាយកប្រតិបត្តិរបស់ក្រុមហ៊ុន Moderna បាននិយាយថា “យើងត្រូវបានលើកទឹកចិត្តថា វ៉ាក់សាំង Moderna មានប្រសិទ្ធភាពខ្ពស់ ក្នុងការការពារការឆ្លងជំងឺកូវីដ ១៩ សម្រាប់មនុស្សវ័យជំទង់ ។ យើងនៅតែប្តេជ្ញាចិត្ត ជួយបញ្ចប់ការរីករាលដាល នៃជំងឺកូវីដ ១៩” ។

លោក Bancel បាននិយាយថា ក្រុមហ៊ុនវ៉ាក់សាំង Moderna បានដាក់ពាក្យសុំការអនុញ្ញាតរួចហើយ ជាមួយអង្គការសុខភាពកាណាដា និងទីភ្នាក់ងារឱសថអឺរ៉ុប ។ លោក Bancel បាននិយាយថា វ៉ា់ក់សាំងModerna នឹងបន្តទទួលបានការយល់ព្រម ពីទីភ្នាក់ងារនិយតករនៅជុំវិញពិភពលោក សម្រាប់ក្រុមអាយុនេះ ។

គួរបញ្ជាក់ថា វ៉ាក់សាំង Moderna បានទទួលការអនុញ្ញាតប្រើប្រាស់ជាបន្ទាន់ សម្រាប់វ៉ាក់សាំងការពារជំងឺកូវីដ ១៩ របស់ខ្លួនលើមនុស្សពេញវ័យ នៅសហរដ្ឋអាមេរិក កាណាដា អ៊ីស្រាអែល សហភាពអឺរ៉ុប អង់គ្លេស និងប្រទេសជាច្រើនទៀត ខណៈ WHO ក៏បានចុះបញ្ជី ទទួលស្គាល់សម្រាប់ការប្រើប្រាស់ជាបន្ទាន់ រួចហើយផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ Moderna ស្នើ FDA អាមេរិក អនុម័តវ៉ាក់សាំងការពារកូវីដរបស់ខ្លួនឲ្យប្រើប្រាស់ពេញលេញ

ចុចអាន ៖ អស្ចារ្យណាស់! វ៉ាក់សាំង Moderna មានប្រសិទ្ធភាពការពារកូវីដលើមនុស្សអាយុពី ១២ ទៅ ១៧ ឆ្នាំរហូតដល់ ៩៦ ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ វិនាទី មុន

វ៉ាក់សាំងកូវីដមានសុវត្ថិភាពខ្លាំងចំពោះកុមារ និងជាផ្លូវត្រួសត្រាយទៅរកសភាពដូចដើមវិញ

ព័ត៌មានអន្ដរជាតិ៤ នាទី មុន

ពេលនេះ វីរុសឥណ្ឌា វិវត្តទៅជាមេរោគបំប្លែងខ្លួនប្រភេទថ្មីមួយទៀត

ព័ត៌មានជាតិ៣៥ នាទី មុន

កងទ័ព​តំបន់​ប្រតិបត្តិការ​សឹក​រង​កំពង់ធំ​បង្កបង្កើនផល​ចិញ្ចឹមសត្វ លើកកម្ពស់​ជីវភាពរ​ស់​នៅ​របស់​កងទ័ព​ ក្នុង​បរិបទ​កូ​វីដ​១៩

កូវីដ-១៩១ ម៉ោង មុន

អាជ្ញាធរខេត្តឧត្ដរមានជ័យ ផ្អាកបណ្ដោះអាសន្ននូវអាជីវកម្ម៥កន្លែង នៅឃុំអន្លង់វែង

ព័ត៌មានជាតិ២ ម៉ោង មុន

រដ្ឋាភិបាលត្រៀមដំឡើងច្រក​ទ្វារ​ព្រំដែន ៩ កន្លែង​ជាប់ ៩ ខេត្ត​ ជាច្រក​ព្រំដែន​​អន្តរជាតិ

Sokha Hotels

ព័ត៌មានពេញនិយម

Helistar Cambodia - Helicopter Charter Services