ព័ត៌មានអន្ដរជាតិ
ប្រធានាធិបតីក៏មិនលើកលែង! ប្រេស៊ីលពិន័យលោក Jair Bolsonaro ១០០ ដុល្លារ ប្រមូលផ្ដុំជិះម៉ូតូ និងមិនពាក់ម៉ាស
ប្រធានាធិបតីប្រេស៊ីលលោក Jair Bolsonaro បានពិន័យជាប្រាក់ ១០០ ដុល្លារកាលពីថ្ងៃសៅរ៍ ពីបទរំលោភលើវិធានការណ៍ទប់ស្កាត់កូវីដ នៅក្នុងរដ្ឋ Sao Paulo ដោយមិនបានម៉ាសនិងបង្កឲ្យមានហ្វូងមនុស្សយ៉ាងច្រើនកុះករ ប្រមូលផ្ដុំគ្នានៅឯការជួបជុំមួយនៃក្រុមម៉ូតូសម្រាប់អ្នកគាំទ្រលោក។
ប្រធានាធិបតី Bolsonaro បានធ្វើការប្រមូលផ្ដុំបែបនេះនៅទូទាំងប្រទេសប្រេស៊ីល ខណៈពេលដែលលោកកំពុងត្រៀមរៀបចំការបោះឆ្នោតឡើងវិញនៅឆ្នាំក្រោយ ។ បញ្ហាប្រមូលផ្ដុំនេះក៏បានប្រឆាំងនឹងការព្រមានជាមុន ពីអភិបាលខេត្ត Sao Paulo លោក Joao Doria ដែលជាដៃគូប្រជែងនយោបាយបាននិយាយថា ប្រធានាធិបតីរូបនេះ នឹងត្រូវពិន័យ ប្រសិនបើលោកមិនស្ដាប់តាមបទបញ្ជារបស់រដ្ឋ។
លោក Bolsonaro បានប៉ះទង្គិចម្ដងហើយម្ដងទៀតជាមួយលោក Doria និងអភិបាលដទៃទៀតជុំវិញវិធានការប្រឆាំងនឹងជំងឺកូវីដ ដែលបានឆក់យកជីវិតមនុស្សជិត ៤៨៥,០០០ នាក់នៅក្នុងប្រទេសប្រេស៊ីល ដោយជាប់ចំណាត់ថ្នាក់ទី ២ បន្ទាប់ពីសហរដ្ឋអាមេរិក។
ប្រធានាធិបតីរូបនេះ តែងតែរិះគន់វិធានការនៅផ្ទះ និងពាក់ម៉ាស ដោយលោកបានឲ្យប្រជាជនជំនួសមកវិញត្រូវប្រើថ្នាំដូចជា Chloroquine និង hydroxychloroquine ទោះបីជាការសិក្សាបង្ហាញថា វាគ្មានប្រសិទ្ធភាពប្រឆាំងនឹងកូវីដក៏ដោយ។
ថ្លែងទៅកាន់អ្នកគាំទ្រដ៏ច្រើនកុះករ ដោយក្នុងដៃគ្រវីទង់ជាតិ លោក Bolsonaro បានធ្វើការអត្ថាធិប្បាយជាថ្មីប្រឆាំងនឹងការពាក់ម៉ាស ហើយនិយាយថា លោកគ្មានគម្រោងបញ្ជាឲ្យអ្នកចាក់វ៉ាក់សាំងរួចត្រូវតែពាក់ម៉ាសទេ។ លោកបន្ថែមថា ” អ្នកដែលប្រឆាំងនឹងរឿងនោះ មិនជឿលើវិទ្យាសាស្ត្រទេ។ គ្មានវិធីណាដែលថា មនុស្សចាក់វ៉ាក់សាំងហើយ អាចចម្លងវីរុសបានទេ ” ។
ទោះយ៉ាងណា ក្រុមមន្ត្រីរដ្ឋក៏បានលើកឡើងថា ពួកគេបានផាកពិន័យលោក Bolsonaro និងកូនប្រុសច្បងរបស់លោកគឺ Eduardo រួមទាំងរដ្ឋមន្ត្រីហេដ្ឋារចនាសម្ព័ន្ធ លោក Tarcisio Gomes ពីបទមិនពាក់ម៉ាស និងមិនសង្កេតមើលវិធានការឃ្លាតឆ្ងាយពីសង្គមនៅឯហ្វូងបាតុកម្ម។ ដោយម្នាក់ៗត្រូវបានពិន័យជាប្រាក់ ៥៥២,៧១ Reais ឬប្រហែល ១០៨ ដុល្លារ ៕
ប្រែសម្រួល៖ សាង ស្រីល័ក្ខ
ចុចអាន៖ប្រជាជនប្រេស៊ីល គោះចានឆ្នាំង ធ្វើបាតុកម្មប្រឆាំង ប្រធានាធិបតី (មានវីដេអូ)
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore