ព័ត៌មានអន្ដរជាតិ
មហាអំណាចទាំងពីរ អាមេរិក និងរុស្ស៊ី នៅតែដាក់ពង្រាយក្បាលគ្រាប់នុយក្លេអ៊ែរ ជាយុទ្ធសាស្ត្រការពារសន្តិសុខ
វិទ្យាស្ថានស្រាវជ្រាវសន្តិភាពអន្តរជាតិទីក្រុង Stockholm ប្រទេសស៊ុយអែត ឬ SIPRI ប្រទេសរុស្ស៊ី និងសហរដ្ឋអាមេរិក បានដាក់ពង្រាយក្បាលគ្រាប់នុយក្លេអ៊ែរបន្ថែមទៀត ទោះបីមានការថយចុះចំនួនក្បាលគ្រាប់សរុប ក្នុងប្រទេសដែលមានអាវុធនុយក្លេអ៊ែរក៏ដោយ ។
SIPRI និយាយថា រដ្ឋនុយក្លេអ៊ែរចំនួន ៩ មានអាវុធនុយក្លេអ៊ែរប្រមាណ ១៣,០៨០ គ្រាប់ គិតត្រឹមខែមករាឆ្នាំ ២០២១ ខណៈប្រទេសរុស្ស៊ីឈរនៅលើកំពូលតារាង ដោយមានចំនួន ៦,២៥៥ គ្រាប់ តែធ្លាក់ចុះចំនួន ១២០ គ្រាប់ពីឆ្នាំមុន ។ ចំណែកសហរដ្ឋអាមេរិកមាន ៥,៥៥០ គ្រាប់ ធ្លាក់ចុះ ២៥០ គ្រាប់ ។
យ៉ាងណាក៏ដោយរបាយការណ៍នេះ កត់សម្គាល់ថា ខណៈពេលដែលអាមេរិក និងរុស្ស៊ី កំពុងធ្វើការរុះរើក្បាលគ្រាប់ចាស់ៗ រុស្ស៊ីបានដាក់ពង្រាយក្បាលគ្រាប់នុយក្លេអ៊ែរថ្មី ចំនួន ៥៥ គ្រាប់បន្ថែមទៀត ហើយអាមេរិកបានបន្ថែមចំនួន ៥០ គ្រាប់ទៀតផងដែរ ។
SIPRI និយាយថា ប្រទេសទាំងពីរហាក់ដូចជាកំពុងបង្កើនសារៈសំខាន់ នៃអាវុធនុយក្លេអ៊ែរនៅក្នុងយុទ្ធសាស្ត្រសន្តិសុខរបស់ពួកគេ ។
របាយការណ៍ដដែលបាននិយាយថា ចំណែកប្រទេសចិនមានក្បាលគ្រាប់ចំនួន ៣៥០ គ្រាប់ កើនឡើងចំនួន ៣០ គ្រាប់ពីមួយឆ្នាំមុន ។ ក្រុមអ្នកជំនាញបានសម្តែងការព្រួយបារម្ភដែលថា ប្រទេសចិនកំពុងស្ថិតនៅកណ្តាល នៃការធ្វើទំនើបកម្ម និងពង្រីកឃ្លាំងស្តុកអាវុធនុយក្លេអ៊ែររបស់ខ្លួន ។
ចំណែកងាកទៅកូរ៉េខាងជើង SIPRI ប៉ាន់ស្មានថា ប្រទេសនេះមានក្បាលគ្រាប់នុយក្លេអ៊ែរពី ៤០ ទៅ ៥០ គ្រាប់ ខណៈការប៉ាន់ស្មានពីមុនគឺពី ៣០ ទៅ ៤០ គ្រាប់ប៉ុណ្ណោះ ។ SIPRI និយាយថា ការកើនឡើងនេះ ដោយសារតែកូរ៉េខាងជើង បន្តពង្រឹងកម្មវិធីនុយក្លេអ៊ែររបស់ខ្លួន សម្រាប់គោលបំណងបង្កើនសមត្ថភាពយោធា ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ទាហានម៉ារីន អាមេរិក បន្ថែមទៀត នឹងទៅឈរជើងនៅ អូស្រ្តាលី
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore