ព័ត៌មានអន្ដរជាតិ
នាយករដ្ឋមន្ត្រីថៃសូមទោសពលរដ្ឋជុំវិញការផ្អាកចាក់វ៉ាក់សាំងកូវីដ
លោកនាយករដ្ឋមន្ត្រីថៃ ប្រាយុទ្ធ ចាន់អូចា បានលើកហេតុផលជាច្រើនដែលជំរុញឲ្យកម្មវិធីចាក់វ៉ាក់សាំងការពារកូវីដ-១៩ត្រូវបានផ្អាកដំណើរការ ហើយលោកសូមទោសចំពោះបញ្ហានេះ។
នៅល្ងាចថ្ងៃអង្គារ៍ លោកឧត្តមសេនីយ៍ ប្រាយុទ្ធ មានប្រសាសន៍ថា រដ្ឋាភិបាលកំពុងទទួលបានវ៉ាក់សាំងតិចដែលមានគេបញ្ជាទិញច្រើន មិនមានវ៉ាក់សាំងគ្រប់គ្រាន់ពេលនេះ ហើយកម្មវិធីចាក់វ៉ាក់សាំងក៏ត្រូវបានផ្អាកតាមទីតាំងជាច្រើនដែលមានតម្រូវការចាក់ច្រើន និងបានប្រើប្រាស់វ៉ាក់សាំងដែលមានក្នុងស្តុកអស់ហើយ។
លោកឲ្យដឹងថា ការផ្គត់ផ្គង់វ៉ាក់សាំងត្រូវការពេលវេលា ពីព្រោះពួកគេត្រូវការរង់ចាំការផលិតឲ្យទាន់ពេលវេលា និងត្រួតពិនិត្យគុណភាពត្រឹមត្រូវ។ ប្រទេសជាច្រើនក៏ជួបបញ្ហាដូចគ្នា។
លោកនាយករដ្ឋមន្ត្រីបន្តថា ក្រៅពីនេះ ការចាក់វ៉ាក់សាំងក៏ត្រូវបានពន្លឿនសម្រាប់មនុស្សដែលមានហានិភ័យនៅតាមតំបន់ដែលផ្ទុះកូវីដ-១៩រាលដាលក្នុងនោះមានកន្លែងជាច្រើននៅទីក្រុងបាំងកក និងតាមរោងចក្រជាដើម។ ប្រការនេះធ្វើឲ្យមានបញ្ហាដល់អ្នកចុះឈ្មោះមុន។
លោកថា បន្ថែមលើពីនេះទៀត ការចាក់វ៉ាក់សាំងពាក់ព័ន្ធនឹងស្ថាប័នជាច្រើន និងមានការយល់ច្រឡំអាចកើតមានក្នុងការសម្របសម្រួលរបស់ពួកគេថែមទៀត។
លោក ប្រាយុទ្ធ មានប្រសាសន៍ថា ៖«ក្នុងនាមជានាយករដ្ឋមន្ត្រី និងជាប្រធានមជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) ខ្ញុំជាអ្នកប្រតិបត្តិកំពូលនៅក្នុងសង្គ្រាមប្រយុទ្ធនឹងកូវីដ។ ខ្ញុំសូមអភ័យទោសចំពោះបញ្ហាដែលបានកើតមានឡើង ហើយខ្ញុំទទួលខុសត្រូវទាំងអស់»។
រដ្ឋាភិបាលថៃបានបញ្ជាទិញវ៉ាក់សាំងការពារកូវីដ-១៩ចំនួន១០០លានដូសសម្រាប់ផែនការចាក់ដល់ប្រជាជន៥០លាននាក់ ឬស្មើនឹង៧០%នៃប្រជាជនថៃនៅក្នុងឆ្នាំនេះ។
សម្រាប់កម្មវិធីចាក់វ៉ាក់សាំងទ្រង់ទ្រាយធំទូទាំងប្រទេសទើបតែចាប់ផ្តើមបានប៉ុន្មានថ្ងៃប៉ុណ្ណោះក៏ជាប់កង្វះវ៉ាក់សាំងដែលធ្វើឲ្យមន្ទីរពេទ្យ និងទីកន្លែងចាក់ជាច្រើនបានផ្អាក៕
ប្រែសម្រួល៖ វីរបុត្រ
ប្រភព៖ bangkokpost
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង