ព័ត៌មានអន្ដរជាតិ
គីម ជុងអ៊ុន ថា ឆ្នាំនេះសេដ្ឋកិច្ចប្រទេសប្រសើរឡើង តែជួបគ្រោះស្បៀងអាហារសម្រាប់ប្រជាជន ព្រោះកូវីដ និងព្យុះទីហ្វុង
មេដឹកនាំកូរ៉េខាងជើងលោក គីម ជុងអ៊ុន បាននិយាយថា សេដ្ឋកិច្ចរបស់ប្រទេសនេះ មានភាពប្រសើរឡើងនៅឆ្នាំនេះ ប៉ុន្តែបានអំពាវនាវឲ្យមានវិធានការណ៍បន្ថែម ដើម្បីដោះស្រាយស្ថានភាពស្បៀងអាហារដ៏លំបាក ដែលបណ្តាលមកពីរោគរាតត្បាតកូវីដ ១៩ និងព្យុះកាលពីឆ្នាំមុន ។
យោងតាមទីភ្នាក់ងារព័ត៌មានផ្លូវការ KCNA បានឲ្យដឹងថា លោក គីម បានដឹកនាំកិច្ចប្រជុំពេញអង្គនៃគណៈកម្មាធិការកណ្តាល របស់គណបក្សពលករកំពុងកាន់អំណាចកាលពីថ្ងៃអង្គារ ដើម្បីពិនិត្យឡើងវិញនូវវឌ្ឍនភាពលើគោលនយោបាយសំខាន់ៗ និងវិធានការសិប្បកម្ម ដើម្បីដោះស្រាយបញ្ហាសេដ្ឋកិច្ច ។
គណៈកម្មាធិការបានកំណត់គោលដៅ និងភារកិច្ចដើម្បីសម្រេចផែនការសេដ្ឋកិច្ចរយៈពេល ៥ ឆ្នាំថ្មីរបស់ខ្លួន ដែលបានគូសបញ្ជាក់នៅក្នុងសម័យប្រជុំលើកមុនកាលពីខែកុម្ភៈ រួមមានការកើនឡើងផលិតកម្មអាហារ និងលោហធាតុ ជាដើម ។
លោក គីម បាននិយាយថា សេដ្ឋកិច្ចទាំងមូលបានប្រសើរឡើងនៅឆមាសទីមួយ នៃឆ្នាំនេះ ដោយទិន្នផលឧស្សាហកម្មកើនឡើង ២៥ ភាគរយពីមួយឆ្នាំមុន ។ ប៉ុន្តែវាក៏មានឧបសគ្គជាច្រើនផងដែរ នៅក្នុងកិច្ចខិតខំប្រឹងប្រែងរបស់គណបក្ស ក្នុងការអនុវត្តផែនការនេះ ។
លោក គីម បាននិយាយថា “បច្ចុប្បន្ន ស្ថានភាពស្បៀងអាហាររបស់ប្រជាជនកាន់តែតានតឹង ព្រោះតែវិស័យកសិកម្មមិនបានបំពេញ ផែនការផលិតកម្មគ្រាប់ធញ្ញជាតិរបស់ខ្លួន ដោយសារតែការខូចខាតដោយព្យុះទីហ្វុង កាលពីឆ្នាំមុន” ។
KCNA បាននិយាយថា គណបក្សបានប្តេជ្ញាដឹកនាំកិច្ចខិតខំប្រឹងប្រែងទាំងអស់ ក្នុងការធ្វើកសិកម្មនៅឆ្នាំនេះ និងពិភាក្សាពីវិធីដើម្បីដោះស្រាយ ការរីករាលដាលនៃជំងឺកូវីដ ១៩ ។
ជាចុងក្រោយលោក គីម បានអំពាវនាវឲ្យមានជំហានបន្ទាប់ ដើម្បីកាត់បន្ថយផលប៉ះពាល់នៃគ្រោះមហន្តរាយធម្មជាតិ ជាមេរៀនពីឆ្នាំមុន និងគន្លឹះដើម្បីសម្រេចបានគោលដៅឆ្នាំនេះ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ បាត់មុខមួយរយៈ គីម ជុងអ៊ុន ស្រាប់តែស្រកទម្ងន់ខ្លាំង មានហេតុផល២យ៉ាង នៅក្រោយរឿងនេះ
ចុចអាន ៖ យូរបំផុតនៅឆ្នាំនេះ លោក គីម ជុងអ៊ុន បាត់មុខពីភ្នែកសាធារណជន ជិតមួយខែហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ