ព័ត៌មានអន្ដរជាតិ
អង់គ្លេស រកឃើញវិធីព្យាបាលកូវីដថ្មី ដែលអាចជួយសង្គ្រោះជីវិត និងកាត់បន្ថយហានិភ័យ ឈឺធ្ងន់
ថ្នាំផ្សំ បង្កើតអង់ទីគ័ររបស់ក្រុមហ៊ុន Regeneron Pharmaceuticals Inc អាចកាត់បន្ថយហានិភ័យនៃការស្លាប់បាន ២០ភាគរយក្នុងចំណោមអ្នកជំងឺកូវីដ ដែលមិនមានការឆ្លើយតបអង់ទីគ័រពីធម្មជាតិ។
លទ្ធផលនៃការធ្វើតេស្តបានបង្ហាញថា ក្នុងចំណោមអ្នកជំងឺ១០០នាក់ ដែលត្រូវបានផ្តល់ឲ្យថ្នាំ Casirivimab និង Imdevimab លាយបញ្ចូលគ្នារយៈពេល២៨ថ្ងៃ គេបានរកឃើញថា មានការស្លាប់តិចជាងមុន៦នាក់។ អ្នកជំងឺដែលទទួលថ្នាំផ្សំនេះ ក៏ចំណាយពេលព្យាបាលក្នុងមន្ទីរពេទ្យតិចជាងមុន៤ថ្ងៃ និងមិនសូវមានតម្រូវការបំពង់ខ្យល់អុកស៊ីសែនផងដែរ។
វិធីព្យាបាលដោយប្រើថ្នាំផ្សំនេះ ត្រូវបានអនុញ្ញាតរួចទៅហើយនៅសហរដ្ឋអាមេរិក សម្រាប់ការព្យាបាលអ្នកជំងឹកូវីដ-១៩ ដែលមានហានិភ័យក្នុងការវិវត្តទៅរោគសញ្ញាធ្ងន់ធ្ងរ។
នៅក្នុងសេចក្តីថ្លែងការណ៍មួយ លោកស្រី Fiona Watt ប្រធានក្រុមប្រឹក្សាស្រាវជ្រាវផ្នែកវេជ្ជសាស្ត្ររបស់ចក្រភពអង់គ្លេស បាននិយាយថា “នេះគឺជាការរកឃើញដ៏សំខាន់បំផុត។ វាមានន័យថា អ្នកជំងឺកូវីដដែលកំពុងសម្រាកព្យាបាលនៅមន្ទីរពេទ្យ អាចត្រូវបានបែងចែកជាពីរក្រុម ដោយផ្អែកទៅលើថាតើពួកគេបានបង្កើតអង់ទីគ័រចំពោះវីរុសនេះដែរឬក៏អត់”។
ការរកឃើញលើថ្នាំផ្សំរបស់ក្រុមហ៊ុន Regeneron បានកើតឡើង ស្របពេលចក្រភពអង់គ្លេស កំពុងប្រឹងប្រែងចាក់វ៉ាក់សាំងការពារប្រជាជនរបស់ខ្លួន ខណៈវីរុសបំប្លែងខ្លួនឥណ្ឌា កំពុងវាយលុកខ្លាំង។
ថ្នាំផ្សំរបស់ក្រុមហ៊ុន Regeneron បច្ចុប្បន្ន មិនត្រូវបានអនុញ្ញាតឲ្យប្រើប្រាស់នៅចក្រភពអង់គ្លេសទេ ប៉ុន្តែក្រុមហ៊ុននិយាយនៅក្នុងសេចក្តីថ្លែងការណ៍របស់ខ្លួនថា ខ្លួននឹងដាក់ពាក្យស្នើសុំការអនុញ្ញាតឲ្យប្រើប្រាស់ក្នុងសហគមន៍អ៊ឺរ៉ុប៕
ប្រែសម្រួល៖ Vann Vann
ប្រភព៖ Japan Times
ចុចអាន៖ ពេទ្យ ធំក្រុងហូជីមិញ ដែល អាច ទទួល អ្នក ជំងឺ ៦ពាន់ ក្នុង មួយថ្ងៃ បិទ ដោយ សារកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង