ព័ត៌មានអន្ដរជាតិ
លោក Biden សុំទោស បន្ទាប់ពីផ្ទុះកំហឹងមួយប្រាវជាមួយអ្នកកាសែត (មានវីដេអូ)
លោកប្រធានាធិបតី Joe Biden កាលពីថ្ងៃព្រហស្បតិ៍ បានសម្តែងការសោកស្តាយ ចំពោះការដែលលោកទ្រាំមិនបាន នៅពេលអ្នកឆ្លើយឆ្លងព័ត៌មាន CNN របស់សេតវិមាន លោកស្រី Kaitlan Collins បានចាក់សួរលោក ក្នុងជំនួបជាមួយប្រធានាធិបតីរុស្ស៊ីលោក Vladimir Putin នៅទីក្រុង ហ្សឺណែវ។
មុនពេលឡើងយន្តហោះ Air Force One សម្រាប់ការហោះហើរវិលត្រឡប់ទៅទីក្រុងវ៉ាស៊ីនតោនឌីស៊ីវិញ លោកបានប្រាប់ក្រុមអ្នកកាសែតថា “ខ្ញុំបានជំពាក់ពាក្យសុំទោស ដល់អ្នកសួរសំណួរចុងក្រោយរបស់ខ្ញុំ។ ខ្ញុំមិនគួរជាបុរសមានចិត្តបែបនេះទេ”។
លោកបានបន្តថា “ដើម្បីក្លាយជាអ្នកយកព័ត៌មានល្អ អ្នកត្រូវតែមានភាពអវិជ្ជមាន អ្នកត្រូវតែមានទស្សនៈអវិជ្ជមានលើជីវិត។ វាហាក់ដូចជាខ្ញុំដែរ អ្នកមិនដែលសួរសំណួរវិជ្ជមានទេ”។
ការសុំទោសរបស់លោក Biden បានកើតឡើងភ្លាមៗ បន្ទាប់ពីលោកជះកំហឹងដាក់លោកស្រី Collins នៅចុងបញ្ចប់នៃសន្និសីទសារព័ត៌មាន ក្រោយកិច្ចប្រជុំជាមួយលោក Putin។
លោកស្រី Collins បានស្រែកដាក់លោក Biden នៅពេលលោកចាកចេញពីសន្និសីទកាសែតថា “ហេតុអ្វីបានជាអ្នកមានទំនុកចិត្តថា គាត់នឹងផ្លាស់ប្តូរអាកប្បកិរិយារបស់គាត់ លោកប្រធានាធិបតី?”។
លោក Biden បានងាកឆ្លើយតបទៅ Collins ដោយលើកម្រាមដៃ ហើយថា “ខ្ញុំមិនមានទំនុកចិត្តថា គាត់នឹងផ្លាស់ប្តូរអាកប្បកិរិយារបស់គាត់ទេ! what the hell! តើខ្ញុំនិយាយថា ខ្ញុំមានទំនុកចិត្តនៅពេលណា?”។
លោក Biden បន្ដថា “និយាយឲ្យត្រង់។ ខ្ញុំបាននិយាយថា អ្វីដែលនឹងផ្លាស់ប្តូរអាកប្បកិរិយារបស់ពួកគេ គឺប្រសិនបើពិភពលោកទាំងមូលមានប្រតិកម្មចំពោះពួកគេ ហើយបន្ថយជំហររបស់ពួកគេនៅក្នុងពិភពលោក។ ខ្ញុំមិនមានទំនុកចិត្តលើអ្វីទាំងអស់។ ខ្ញុំកំពុងនិយាយការពិត”។
លោកស្រី Collins បានសួរប្រធានាធិបតីជាថ្មីម្តងទៀតអំពីបញ្ហានេះ ដោយនិយាយថា លោក Putin បានបដិសេធទទួលស្គាល់ការជ្រៀតជ្រែករបស់រុស្ស៊ី ក្នុងការបោះឆ្នោតនិងការរំលោភបំពានសិទ្ធិមនុស្សដែលមិនសមហេតុផលក្នុងកំឡុងពេល ជំនួបមួយទល់នឹងមួយជាមួយលោក Biden។ ដូច្នេះតើនេះ អាចជាកិច្ចប្រជុំប្រកបដោយលក្ខណៈស្ថាបនាក្នុងនាមជាប្រធានាធិបតីយ៉ាងដូចម្តេច?។
មុនពេលដើរចេញ លោក Biden បានឆ្លើយថា “ប្រសិនបើអ្នកមិនយល់រឿងនេះទេ អ្នកកំពុងធ្វើការងារខុសហើយ”៕
វីដេអូ៖
ប្រែសម្រួល៖ Vann Vann
ប្រភព៖ 9News
ចុចអាន៖ លោក បៃដិន ព្រមាន វាយ បក បើ រុស្ស៊ី បន្ត វាយប្រហារ អ៉ីនធឺណេតទៀត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត