ព័ត៌មានអន្ដរជាតិ
ចប់កិច្ចប្រជុំថ្ងៃមុន លោក បៃដិន ជូនអំណោយ២ ដល់លោក ពូទីន
ប្រធានាធិបតីសហរដ្ឋអាមេរិក លោក ចូ បៃដិន បានជួបសមភាគីរុស្ស៊ី លោក វ្ល៉ាឌីមៀរ ពូទីន ជាលើកដំបូងបន្ទាប់ពីចូលកាន់តំណែងនៅសេតវិមាន។
ជាការបញ្ជាក់អំពីជំនួបកំពូលថ្នាក់ប្រធានាធិបតីលើកដំបូងរបស់លោកជាមួយលោក ពូទីន នៃប្រទេសរុស្ស៊ី, លោក បៃដិន បានជូនអំណោយ វ៉ែនតាខ្មៅ និងរូបចម្លាក់គោព្រៃអាមេរិក ធ្វើពីគ្រីស្តាល់ ដែលផលិតដោយក្រុមហ៊ុនកញ្ចក់ មានមូលដ្ឋាននៅទីក្រុងញូវយ៉ក។
វ៉ែនតាដែលលោក បៃដិន ជូនដល់លោក ពូទីន គឺជាវ៉ែនតាដែលត្រូវបានរចនាឡើងសម្រាប់អ្នកបើកយន្តហោះចម្បាំងដោយក្រុមហ៊ុន Randolph USA មានមូលដ្ឋានក្នុងរដ្ឋ Massachusetts។ ចំណែកឯរូបចម្លាក់គោព្រៃគ្រីស្តាល់ គឺត្រូវបានផលិតដោយក្រុមហ៊ុន Steuben Glass។
វ៉ែនតាខ្មៅនេះ គឺជា Style ប្រចាំខ្លួនរបស់លោក បៃដិន ដែលតែងតែត្រូវបានគេឃើញពាក់។ ក្នុងដំណើរចេញក្រៅប្រទេសលើកដំបូងរបស់ខ្លួនចាប់តាំងពីចូលសេតវិមានក្នុងខែមករា លោក ចូ បៃដិន ត្រូវបានគេឃើញពាក់វ៉ែនតានេះ ឡើងយន្តហោះ Air Force One នៅសហរដ្ឋអាមេរិក, ចក្រភពអង់គ្លេស និងសូម្បីតែពេលជួបជាមួយម្ចាស់ក្សត្រី Elizabeth ទី២របស់ចក្រភពអង់គ្លេស ក៏ដោយ។
ប្រធានាធិបតីសហរដ្ឋអាមេរិក លោក ចូ បៃដិន និងប្រធានាធិបតីរុស្ស៊ីលោក វ្លាឌីមៀរ ពូទីន បានបញ្ចប់កិច្ចប្រជុំរបស់ខ្លួននៅទីក្រុងហ្សឺណែវកាលពីថ្ងៃទី១៦ខែមិថុនា។
មេដឹកនាំទាំងពីរ បានជួបពិភាក្សាគ្នាអស់រយៈពេលជិត៤ម៉ោង។ នៅក្នុងសញ្ញាវិជ្ជមាន លោក ពូទីន និងលោក បៃដិន បានព្រមព្រៀង បញ្ជូនឯកអគ្គរដ្ឋទូតរៀងៗខ្លួន ឲ្យចូលកាន់តំណែងរបស់ពួកគេវិញ ដើម្បីបន្ធូរបន្ថយភាពតានតឹងរវាងប្រទេសទាំងពីរ។
ថ្លែងក្នុងសន្និសីទកាសែតបន្ទាប់ពីកិច្ចប្រជុំ លោក បៃដិន និយាយថា គោលបំណងនៃជំនួបកំពូលនេះ គឺធ្វើឲ្យទំនាក់ទំនងរវាងប្រទេសទាំងពីរមានស្ថិរភាព៕
ប្រែសម្រួល៖ Vann Vann
ប្រភព៖ Republic
ចុចអាន៖ ជួបទល់មុខគ្នាលើកដំបូង បៃដិន និង ពូទីន ព្រមព្រៀងលើរឿងសំខាន់ចំនួន៣
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore