ព័ត៌មានអន្ដរជាតិ
ឡាវ នៅតែដាក់កំហិតអ្នកចូលប្រទេស ទោះចាក់វ៉ាក់សាំងពេញ ២ ដូសក៏ដោយ
អាជ្ញាធរសុខាភិបាលឡាវបាននិយាយនៅថ្ងៃសុក្រនេះថា មនុស្សគ្រប់រូបដែលចូលក្នុងប្រទេសឡាវ ត្រូវតែអនុវត្តតាមវិធានការការពារ និងត្រួតពិនិត្យតាមស្ដង់ដានៃជំងឺកូវីដ ១៩ ទោះបីពួកគេទទួលការចាក់វ៉ាក់សាំងពេញ ២ ដូសក៏ដោយ ។
ដោយដកស្រង់សម្តីលោក Phonepaseuth Ounaphome ជាអគ្គនាយកនៃនាយកដ្ឋានអនាម័យ និងលើកកម្ពស់សុខភាពនៅក្រោមក្រសួងសុខាភិបាលប្រទេសឡាវ សារព័ត៌មានក្នុងស្រុក Vientiane Times នៅថ្ងៃសុក្រនេះបាននិយាយថា អ្នកដំណើរដែលចាក់វ៉ាក់សាំងហើយក៏ដោយ ក៏នៅតែត្រូវធ្វើចត្តាឡីស័ករយៈពេល ១៤ ថ្ងៃ នៅពេលមកដល់ប្រទេសឡាវ ។
លោក Phonepaseuth បាននិយាយថា “យើងមិនបានដាក់ចេញនូវគោលនយោបាយពិសេសណាមួយ ដើម្បីកាត់បន្ថយរយៈពេលនៃការធ្វើចត្តាឡីស័កនោះទេ ខណៈលោកក៏បានស្នើឲ្យអង្គការសុខភាពពិភពលោក (WHO) នៅប្រទេសឡាវ ផ្តល់ការណែនាំនៅក្នុងបញ្ហានេះផងដែរ” ។
តាមច្បាប់ទាំងនេះ ការដឹកជញ្ជូនអ្នកដំណើរតាមផ្លូវអាកាស និងផ្លូវគោករវាងរដ្ឋធានីឡាវវៀងច័ន្ទ និងតាមបណ្តាខេត្តនានា ត្រូវបានអនុញ្ញាតសម្រាប់តែអ្នកដែលចាក់វ៉ាក់សាំងចំនួន ២ ដូសយ៉ាងតិចមួយខែមុនពេលធ្វើដំណើរ ខណៈបុគ្គលទាំងនេះក៏នឹងមិនចាំបាច់ចំណាយពេលធ្វើចត្តាឡីស័ក ១៤ ថ្ងៃដែរ ។
លោក Phonepaseuth បញ្ជាក់ទៀតថា ការប្រើប្រាស់វិញ្ញាបនប័ត្រចាក់វ៉ាក់សាំង នឹងផ្តល់នូវអត្ថប្រយោជន៍ជាច្រើន បន្ទាប់ពីការបិទខ្ទប់ប្រទេសត្រូវបានដកចេញ ហើយការធ្វើដំណើរ និងសកម្មភាពផ្សេងទៀត អាចតម្រូវឲ្យមានការបង្ហាញកាតចាក់វ៉ាក់សាំង ដើម្បីទទួលបានការយល់ព្រម ។
បច្ចុប្បន្ន អាជ្ញាធរឡាវក៏កំពុងពន្លឿនយុទ្ធនាការចាក់វ៉ាក់សាំងផងដែរ ដោយសង្ឃឹមថាអាចចាក់វ៉ាក់សាំងដល់ប្រជាជនឲ្យបាន ៥០ ភាគរយនៅចុងឆ្នាំ ២០២១ នេះ ។
គួរបញ្ជាក់ថា គិតត្រឹមថ្ងៃសុក្រនេះ ប្រទេសឡាវមានករណីឆ្លងជំងឺកូវីដ ១៩ ចំនួន ២,០៤៧ ករណី និងមានអ្នកស្លាប់ ៣ នាក់ ខណៈមានអ្នកជាសះស្បើយ ១,៩៣១ នាក់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ ស្ងាត់ៗ ឡាវ ត្រៀមចាក់វ៉ាក់សាំង Pfizer មួយទៀតដល់មនុស្សចាស់ និងអ្នកមានជំងឺរ៉ាំរ៉ៃ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង