ព័ត៌មានអន្ដរជាតិ
មេរដ្ឋប្រហារមីយ៉ាន់ម៉ាទៅដល់ប្រទេសដែលផ្គត់ផ្គង់អាវុធធំរបស់ខ្លួន
មេដឹកនាំរបបយោធាមីយ៉ាន់ម៉ានៅថ្ងៃអាទិត្យ ទី២០ ខែមិថុនា បានទៅដល់ទីក្រុងមូស្គូ ប្រទេសរុស្ស៊ីហើយដើម្បីចូលរួមសន្និសីទសន្តិសុខមួយដែលនេះជាដំណើរទស្សនកិច្ចក្រៅប្រទេសលើកទីពីរ បន្ទាប់ពីលោកបានក្តោបយកអំណាចតាមរយៈរដ្ឋប្រហារ។
ប្រទេសមីយ៉ាន់ម៉ាបានធ្លាក់ចូលភាពវឹកវរធ្ងន់ធ្ងរ បន្ទាប់ពីរបបយោធាបានផ្តួលរំលំមេដឹកនាំស៊ីវិលលោកស្រី អ៊ុងសាន ស៊ូជី និងរដ្ឋាភិបាលជាប់ឆ្នោតរបស់គណបក្សសម្ព័ន្ធជាតិដើម្បីប្រជាធិបតេយ្យកាលពីខែកុម្ភៈ។
ឧត្តមសេនីយ៍ជាន់ខ្ពស់លោក Min Aung Hlaing បានចាក់ចេញពីរដ្ឋធានី Naypyidaw នៅថ្ងៃអាទិត្យក្នុងជើងហោះហើរពិសេសមួយដើម្បីទៅចូលរួមសន្និសីទក្រុងមូស្គូស្តីពី សន្តិសុខអន្តរជាតិ។
តាមការផ្សាយរបស់ទូរស្សន៍រដ្ឋថា លោកទៅចូលរួមនេះតាមការអញ្ជើញរបស់រដ្ឋមន្ត្រីក្រសួងការពារជាតិរុស្ស៊ី ហើយពេលទៅដល់លោកទទួលបានការស្វាគមន៍ពីឯកអគ្គរដ្ឋទូតរុស្ស៊ីប្រចាំនៅប្រទេសមីយ៉ាន់ម៉ានៅព្រលានយន្តហោះ។
ទោះបីជាយ៉ាងណា គេមិនទាន់ដឹងលំអិតពីរយៈពេលដែលលោកស្នាក់នៅប្រទេសរុស្ស៊ីប៉ុន្មានថ្ងៃដែលប្រទេសនេះជាសម្ព័ន្ធមិត្ត និងជាអ្នកផ្គត់ផ្គង់អាវុធដ៏ធំទៅឲ្យរបបយោធាមីយ៉ាន់ម៉ា។
តាមរយៈទីភ្នាក់ងារសារព័ត៌មានរដ្ឋរុស្ស៊ី RIA Novosti បានផ្សាយថា ៖«ស្ថានទូតមីយ៉ាន់ម៉ាប្រចាំរុស្ស៊ីនិយាយថា លោកឧត្តមសេនីយ៍ជាន់ខ្ពស់ Min Aung Hlaing បានមកដល់ទីក្រុងមូស្គូ ប្រទេសរុស្ស៊ីហើយ»។
ចាប់តាំងពីរដ្ឋប្រហារខែកុម្ភៈមក កម្លាំងសន្តិសុខរបស់រដ្ឋាភិបាលយោធាមីយ៉ាន់ម៉ាបានធ្វើការបង្ក្រាបយ៉ាងឃោឃៅលើក្រុមតវ៉ាដោយសន្តិវិធី និងបានសម្លាប់មនុស្សជាង៨៧០នាក់។ នេះបើយោងតាមក្រុមឃ្លាំមើលក្នុងស្រុកមួយ។
កាលពីខែឧសភា សារព័ត៌មានក្នុងស្រុកមួយបានផ្សាយថា អគ្គបញ្ជាការកងទ័ពជើងអាកាសមីយ៉ាន់ម៉ាបានចូលរួមពិព័រណ៍ឧទ្ធម្ភាគចក្រមួយក្នុងទីក្រុងមូស្គូ។
ដំណើរទស្សនកិច្ចរបស់ឧត្តមសេនីយ៍ Min Aung Hlaing បានកើតមានឡើងពីរថ្ងៃ បន្ទាប់ពីមហាសន្និបាតអង្គការសហប្រជាជាតិបានសម្រេចសេចក្តីអំពាវនាវដ៏កម្រមួយកាលពីថ្ងៃសុក្រឲ្យរដ្ឋនានាទូទាំងពិភពលោកបញ្ឈប់ការលក់អាវុធឲ្យប្រទេសមីយ៉ាន់ម៉ា។
សម្រាប់ការអនុម័តរបស់មហាសន្និបាតអង្គការសហប្រជាជាតិមានប្រទេសចំនួន១១៩បានបោះឆ្នោតគាំទ្រឲ្យបញ្ឈប់ការលក់អាវុធទៅមីយ៉ាន់ម៉ា ប៉ុន្តែមានប្រទេស៣៦បានធ្វើអនុប្បវាទក្នុងនោះមានប្រទេសរុស្ស៊ី និងចិនដែលជាសម្ព័ន្ធមិត្តដ៏ធំរបស់មីយ៉ាន់ម៉ា។ ចំណែកបេឡារុស្សជាប្រទេសតែមួយគត់ដែលបានបោះឆ្នោតជំទាស់៕
ប្រែសម្រួល៖ វីរបុត្រ
ប្រភព៖ AFP
តើការវាយប្រហារភេរវកម្មនៅ រុស្ស៊ី ជាស្នាដៃរបស់លោក Zelensky មែនឬ?
រដ្ឋបាលខេត្តព្រះវិហារ បដិសេធការផ្សាយថា ពលរដ្ឋរត់ទៅពួនក្នុងព្រៃដើម្បីគេចពីការចាប់ខ្លួនពីអាជ្ញាធរខេត្ត
ជួបការរាំងស្ងួតយ៉ាងណា តំបន់អូរជាំនៅតែមានប្រភពទឹកធម្មជាតិទ្រទ្រង់លើភូមិចំនួន ៤ ធ្វើកសិកម្មពេញមួយឆ្នាំ
ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍
ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»