ស្ទើរ​មិន​ជឿ​ តាម​ការ​ស្រាវ​ជ្រាវ ​មនុស្ស​រាប់​លាន​នាក់​បាន​ក្លាយ​ជា​សេដ្ឋី​ក្នុង​សម័យកូវីដ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ស្ទើរ​មិន​ជឿ​ តាម​ការ​ស្រាវ​ជ្រាវ ​មនុស្ស​រាប់​លាន​នាក់​បាន​ក្លាយ​ជា​សេដ្ឋី​ក្នុង​សម័យកូវីដ

បានផុស

នៅ

មនុស្ស​ជាង​៥​លាន​នាក់​បាន​ក្លាយ​ជា​​​សេដ្ឋី​​ទូទាំង​ពិភព​លោក​​នៅ​ក្នុង​ឆ្នាំ​២០២០ បើ​ទោះ​ជា​សេដ្ឋ​កិច្ច​ដុន​ដាប​ដោយ​វិបត្តិ​កូវីដ-១៩​ក៏​ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង​តាម​ការ​ស្រាវ​ជ្រាវ​របស់ Credit Suisse បាន​រក​ឃើញ​ថា អ្នក​​​ក្រ​​ច្រើន​ណាស់​រឹត​តែ​​​ក្រ​ខ្លាំង​ឡើយ ប៉ុន្តែ​ចំនួន​​​សេដ្ឋី​បាន​កើន​ឡើង​ពី​៥.២​លាន​នាក់​​ដល់​ ៥៦.១​លាន​នាក់​ទូទាំង​ពិភព​លោក។

ការស្រាវ​ជ្រាវ​បាន​បង្ហាញ​ថា នៅ​ក្នុង​ឆ្នាំ​២០២០​កន្លង​ទៅ​ ជាង​១%​នៃ​មនុស្ស​ធំ​ទូទាំង​ពិភព​លោក​​បាន​ក្លាយ​ជា​​សេដ្ឋី​​ជា​លើក​ដំបូង។ ការ​ស្តារ​​ផ្សារ​ហ៊ុន​ឡើង​វិញ និង​ការ​កើន​ឡើង​តម្លៃ​លំនៅ​ដ្ឋាន​​បាន​ជួយ​ធ្វើ​ឲ្យ​ពួក​គេ​កាន់​តែ​មាន​ទ្រព្យ​សម្បត្តិ​ច្រើន​ឡើង។ ការ​បង្កើត​ទ្រព្យ​សម្បត្តិ​ហាក់​ដូច​ដាច់​ឆ្ងាយ​ពី​វិបត្តិ​សេដ្ឋកិច្ច​​ក្នុង​អន្តរកាល​កូវីដ-១៩។

សេដ្ឋវិទូ និង​ជាអ្នក​និពន្ធ​ Global Wealth Report លោក Anthony Shorrocks មាន​ប្រសាសន៍​ថា ជំងឺ​កូវីដ-១៩​បាន​ប៉ះ​ពាល់​រយៈ​ពេល​ខ្លី​ដ៏​អាក្រក់​​ទៅ​លើ​ទី​ផ្សារ​ពិភព​លោក ប៉ុន្តែ​​វា​បាន​បញ្ច្រាស​ផល​មក​វិញ​យ៉ាង​ធំ​នៅ​ត្រឹម​បំណាច់ខែ​មិថុនា ឆ្នាំ​២០២០។

លោក​លើក​ឡើង​ថា ៖«ទ្រព្យ​សម្បត្តិ​សកល​មិន​ត្រឹម​តែ​ជួយ​ធ្វើ​ឲ្យ​ស្ថេរភាព​ចំពោះ​ភាព​វឹក​វរ​ប៉ុណ្ណោះ​ទេ ប៉ុន្តែ​តាម​ពិត​ទៅ​បាន​កើន​ឡើង​យ៉ាង​លឿន​នៅ​​ឆមាស​ទី​២​នៃ​ឆ្នាំ»។

ទោះ​បី​ជា​យ៉ាង​ណា ភាព​ខុស​គ្នា​នៃ​ទ្រព្យ​សម្បត្តិ​រវាង​មនុស្ស​ធំ​​ខុស​គ្នា​ខ្លាំង​​នៅ​ឆ្នាំ​២០២០ ហើយ​លោក Shorrocks បាននិយាយ​ថា ប្រសិន​បើ​តម្លៃ​ទ្រព្យ​បាន​កើន​ឡើង​ដូច​ជា ការ​កើន​ឡើង​តម្លៃ​លំនៅដ្ឋាន​ត្រូវ​បាន​ដក​ចេញ​ពី​ការ​វិភាគ ដូច្នេះ ​ទ្រព្យ​សម្បត្តិ​គ្រួសារ​ជា​សកល​​មាន​ការ​ធ្លាក់​ចុះ​ទាប​យ៉ាង​អាក្រក់»។

លោក​ថា ៖«នៅ​ក្នុង​ក្រុម​អ្នក​មាន​ទ្រព្យសម្បត្តិ​ទាប​ដែល​​ទ្រព្យ​មាន​តម្លៃ​ទូទៅ ទ្រព្យ​សម្បត្តិ​ទំនង​ជា​នៅ​ដដែល ឬនៅ​ក្នុង​ករណី​ជា​ច្រើន ធ្លាក់​ចុះ»។

«កត្តា​ជា​មូលដ្ឋាន​ខ្លះ​អាច​កែ​កុន​ខ្លួន​ឯង​បាន​តាម​ពេល​វេលា។ ឧទាហរណ៍ អត្រា​​ប្រាក់​ការ​នឹង​ចាប់​ផ្តើម​កើន​ឡើង​​ម្តង​ទៀត​នៅ​ពេល​ខ្លះ ហើយ​ចំណុច​នេះ​នឹង​ធ្វើ​ឲ្យ​តម្លៃ​ទ្រព្យ​សម្បត្តិ​ធ្លាក់​ចុះ»។ លោក​បាន​បញ្ជាក់។

តាម​របាយការណ៍​បាន​បង្ហាញ​ថា ទ្រព្យ​សម្បត្តិ​សកល​​បាន​កើន​ឡើង​៧.៤​%។

ចាប់​តាំង​ពី​ការ​ចាប់​ផ្តើម​សតវត្សរ៍​ទី​២១​មក ចំនួន​មនុស្ស​ដែល​មាន​ទ្រព្យ​សម្បត្តិ​ចន្លោះ​ពី​១០ ០០០​ ​ទៅ ១០០ ០០០​ដុល្លារ​អាមេរិក​មាន​ចំនួន​ជាង​៣​ដង នៅ​ក្នុង​ទំហំ​មនុស្ស​ចាប់​ពី៥០៧លាន​​នាក់​​នៅ​ឆ្នាំ​២០០០​ ទៅ ១.៧​ប៊ីលាន​នាក់​នៅ​ពាក់​កណ្តាល​ឆ្នាំ​២០២០។

ពួក​គេ​និយាយ​ថា ការ​កើនឡើង​នេះ​បាន​ឆ្លុះ​បញ្ចាំង​ពី​ភាព​រីក​ចម្រើន​កាន់​តែ​ខ្លាំង​នៃ​សេដ្ឋកិច្ច ជា​ពិសេស​នៅ​ប្រទេស​ចិន និង​ការ​រីក​ចម្រើន​វណ្ណៈ​កណ្តាល​នៅ​ក្នុង​ប្រទេស​កំពុង​អភិវឌ្ឍ។

លោក​ស្រី Nannette​ Hechler-Fayd’herbe នាយក​ប្រតិបត្តិការ​វិនិយោគ​នៅ Credit Suisse មាន​ប្រសាសន៍​ថា ៖«មិន​មាន​សកម្មភាព​បដិសេធ​ណា​មួយ​ដែល​ធ្វើ​ឡើង​ដោយ​រដ្ឋាភិបាល និង​ធនាគារ​កណ្តាល​​ដើម្បី​រៀប​ចំ​កម្មវិធី​ផ្ទេរ​ប្រាក់​ចំណូល​​យ៉ាង​​ច្រើន​​ដើម្បីឧបត្ថម្ភ​ដល់​បុគ្គល និង​អាជីវកម្ម​ដែល​ទទួល​រង​ផល​ប៉ះ​ពាល់ដោយ​កូវីដ-១៩​ឡើយ ហើយ​តាម​រយៈ​ការ​បញ្ចុះ​អត្រា​ការ​ប្រាក់ បាន​ធ្វើ​ឲ្យ​ជៀស​ផុត​ពី​វិបត្តិ​សកល​ទាំងមូល»។

លោក​ស្រីបន្ថែម​ថា ៖«ការ​ទម្លាក់​អត្រាការ​ប្រាក់​ដោយ​ធនាគារ​កណ្តាល​ប្រហែល​ជា​មាន​ឥទ្ធិពល​ដ៏​ខ្លាំង​បំផុត»។

«វា​ជា​ហេតុ​ផល​​ចម្បង​មួយ​​ដែល​ធ្វើ​ឲ្យ​​តម្លៃភាគ​ហ៊ុន និង​ផ្ទះ​សម្បែង​កើន​ឡើង ហើយ​ទាំង​នេះ​បាន​​បក​ប្រែ​ដោយ​​ផ្ទាល់​ចូល​ទៅ​ក្នុង​ការ​វាយ​តម្លៃ​នៃ​ទ្រព្យ​សម្បត្តិ​គ្រួសារ​របស់​យើង»។ លោក​ស្រី​បញ្ជាក់។

លោក​ស្រី​បន្ថែម​ថា ប៉ុន្តែ​អន្តរាគមន៍​ទាំង​នេះ​បាន​ចំណាយ​យ៉ាង​ច្រើន។ «បំណុល​សាធារណៈ​ពាក់​ព័ន្ធ​នឹងផលិត​ផល​ក្នុង​ស្រុក​សរុប (GDP) បាន​កើន​ឡើង​ទូទាំង​ពិភព​លោក​ដល់​ទៅ​២០​% ឬច្រើន​ជាង​នេះ​នៅ​ក្នុង​ប្រទេស​ជា​ច្រើន៕

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សុខភាព៥៣ វិនាទី មុន

ត្រីខកំប៉ុងមានប្រយោជន៍ច្រើនចំពោះសុខភាព បើហូបតាមវិធីត្រឹមត្រូវមិនលើសកម្រិត

ព័ត៌មានជាតិ១៩ នាទី មុន

គ្រួសារអតីតយុទ្ធជនពលី មានដីពុំមានផ្ទះ បានទទួលខ្នងផ្ទះថ្មីទី១៩៩ អំណោយរបស់សម្ដេចតេជោ ហ៊ុន សែន

ព័ត៌មានជាតិ២២ នាទី មុន

រដ្ឋបាលជលផល ផាត់សណ្តាយ បង្ក្រាបបទល្មើសនេសាទក្នុងផ្ទៃបឹងទន្លេសាបខុសច្បាប់

ព័ត៌មានអន្ដរជាតិ៣៩ នាទី មុន

ម៉ាឡេស៊ី រកឃើញថា វ៉ាក់សាំង Sinovac មានប្រសិទ្ធភាពខ្ពស់ប្រឆាំងការឈឺធ្ងន់

ព័ត៌មានជាតិ៣៩ នាទី មុន

គម្រោងហិរញ្ញប្បទានឥតសំណងសម្រាប់ការពារទឹកជំនន់ និងការកែលម្អប្រព័ន្ធប្រឡាយ-លូ ភ្នំពេញ ជំហានទី៤ បានបញ្ចប់

Sokha Hotels

ព័ត៌មានពេញនិយម

Helistar Cambodia - Helicopter Charter Services