ទោះដាក់វិធានការទប់ស្កាត់កូវីដ តែទីក្រុង ហូជីមិញ អនុញ្ញាតឲ្យតាក់ស៊ី ដឹកអ្នកជំងឺទៅមន្ទីរពេទ្យបាន

ថ្វីបើតាក់ស៊ី ត្រូវបានផ្អាក ជាផ្នែកមួយនៃកិច្ចខិតខំប្រឹងប្រែងដើម្បីទប់ទល់នឹងជំងឺកូវីដ-១៩ក៏ដោយ ក៏ប៉ុន្តែនៅពេលនេះ ទីក្រុងហូជីមិញ បានកំណត់ឲ្យឡានតាក់ស៊ីចំនួន ៤០០ គ្រឿង អាចដឹកអ្នកជំងឺចេញពីផ្ទះ ទៅមណ្ឌលសុខភាពបាន។

តាក់ស៊ីទាំងនោះ ជាកម្មសិទ្ធិរបស់ក្រុមហ៊ុនធំជាងគេទាំងពីរនៅក្នុងទីក្រុង គឺក្រុមហ៊ុន Vinasun និង Mai Linh។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីសម្រេចនេះ គឺធ្វើឡើងតាមអនុសាសន៍របស់ក្រសួងដឹកជញ្ជូន បន្ទាប់ពីសេវាកម្មតាក់ស៊ី ឡានក្រុងសាធារណៈនិងឡានក្រុងឆ្លងខេត្ត ត្រូវបានបញ្ជាឲ្យផ្អាកចាប់ពីថ្ងៃទី២០ខែមិថុនាទៅ។

តាក់ស៊ីចំនួន៤០០គ្រឿង នឹងចតនៅមន្ទីរពេទ្យនិងមណ្ឌលវេជ្ជសាស្រ្ត ហើយត្រូវបានកំណត់ ដោយបិទតែម ដែលចេញដោយក្រសួងសុខាភិបាល។

អ្នកបើកបរនិងអ្នកដំណើរ ត្រូវតែពាក់ម៉ាស់និងធ្វើសេចក្តីប្រកាសវេជ្ជសាស្រ្ត, រថយន្តត្រូវតែមានដាក់ជែលឬអាល់កុលលាងដៃ និងកំណត់ការប្រើប្រាស់ម៉ាស៊ីនត្រជាក់តាមដែលអាចធ្វើទៅបាន ហើយបើកបង្អួច ដើម្បីកាត់បន្ថយការឆ្លងរាលដាល។

គួរបញ្ជាក់ថា នេះជាលើកទី២ហើយ ដែលសេវាកម្មដឹកអ្នកដំណើរនៅក្នុងទីក្រុងនេះ ត្រូវបានផ្អាកចាប់តាំងពីរោគរាតត្បាត ផ្ទុះឡើងកាលពីដើមឆ្នាំមុន៕

ប្រែសម្រួល៖ Vann Vann

ប្រភព៖ VN Express

ចុចអាន៖ វ៉ាក់សាំងផលិតនៅវៀតណាមខ្វះខាតច្រើន អត់ទាន់ទទួលបានការអនុម័តទេ