ពិសេសណាស់! ទួរគី កំពុងប្រើឧបករណ៍តេស្តលឿនបំផុតលើលោក រកឃើញកូវីដរយៈពេល ១០ វិនាទី និងប្រសិទ្ធភាព ៩៩ ភាគរយ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ពិសេសណាស់! ទួរគី កំពុងប្រើឧបករណ៍តេស្តលឿនបំផុតលើលោក រកឃើញកូវីដរយៈពេល ១០ វិនាទី និងប្រសិទ្ធភាព ៩៩ ភាគរយ

បានផុស

នៅ

និយតករសុខភាពរបស់ប្រទេសទួរគី បានអនុម័តប្រើប្រាស់ឧបករណ៍បច្ចេកវិទ្យាណាណូដែលបង្កើតឡើងដោយអ្នកវិទ្យាសាស្ត្រទួរគី ដើម្បីធ្វើតេស្តរកជំងឺកូវីដ ១៩ ដោយរកឃើញក្នុងរយៈពេលត្រឹមតែ ១០ វិនាទីប៉ុណ្ណោះ ជាមួយនឹងភាពត្រឹមត្រូវ ៩៩ ភាគរយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Bulend Ortac អ្នកស្រាវជ្រាវនៅមជ្ឈមណ្ឌលជាតិបច្ចេកវិទ្យាណាណូ នៃសាកលវិទ្យាល័យ Bilkent ក្នុងរដ្ឋធានីអង់ការ៉ា បាននិយាយថា ប្រព័ន្ធតេស្តបច្ចេកវិទ្យាខ្ពស់ដែលមានឈ្មោះថា Diagnovir ត្រូវបានអនុម័តដោយអគ្គនាយកដ្ឋានសុខភាពសាធារណៈ នៃក្រសួងសុខាភិបាល រួមជាមួយភ្នាក់ងារឱសថ និងឧបករណ៍វេជ្ជសាស្ត្រទួរគី ។

លោកបានប្រាប់ទីភ្នាក់ងារ Anadolu ថា “បច្ចេកវិទ្យាដែលយើងបានអភិវឌ្ឍសម្រាប់ការប្រើប្រាស់នៅក្នុងវិស័យនេះ បានបង្ហាញពីភាពត្រឹមត្រូវ ៩៩ ភាគរយ ហើយវាផ្តល់លទ្ធផលក្នុងរយៈពេល ៥ ទៅ ១០ វិនាទី ប្រសិនបើវិជ្ជមាន និង ២០ ទៅ ៣០ វិនាទី ប្រសិនបើអវិជ្ជមាន” ។

លោកបានបន្ថែមថា ចំណែករាល់ការធ្វើតេស្តតាម PCR មានកម្រិតកំហុសខ្ពស់ ហើយវាផ្តល់លទ្ធផលក្នុងរយៈពេល ២ ទៅ ៣ ថ្ងៃឯណោះ បន្ទាប់ពីការឆ្លងមេរោគ ដូច្នេះវាត្រូវការពេលយូរ ទើបយើងសម្រេចបង្កើតឧបករណ៍ Diagnovir នេះឡើង ។

លោក Ortac បានបន្ថែមទៀតថា ការអះអាងពីប្រសិទ្ធភាពនេះធ្វើឡើង ក្រោយសាកលវិទ្យាល័យមួយនៅប្រទេសទួរគី បានប្រើប្រាស់ឧបករណ៍ Diagnovir ធ្វើតេស្តក្នុងពិធីបញ្ចប់ការសិក្សាប្រកបដោយសុវត្ថិភាព ដែលបានចូលរួមដោយមនុស្សប្រមាណ ១,២០០ នាក់ ។

គួរបញ្ជាក់ថា ឧបករណ៍តេស្ត Diagnovir ទទួលបានការចាប់អារម្មណ៍យ៉ាងខ្លាំងនៅតាមកន្លែងជាច្រើនដូចជា ព្រលានយន្តហោះជាដើម ក៏ដូចជាក្នុងព្រឹត្តិការណ៍លេចធ្លោបំផុតមួយចំនួននៅលើពិភពលោក ខណៈសហព័ន្ធបាល់ទាត់អាល្លឺម៉ង់ក៏ចង់បានវាប្រើដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ប្រធានាធិបតី ទួរគី ថ្កោលទោស លោក Biden ចំពោះការយល់ព្រមលក់អាវុធឲ្យ អ៊ីស្រាអែល ហើយថា អាមេរិកកំពុងសរសេរប្រវត្តិសាស្ត្រទាំងដៃហូរឈាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍៥ ម៉ោង មុន

រថយន្ត TOYOTA HILUX VIGO ប្រ​លះ​បង្គោល​ភ្លើង​បំភ្លឺ​ផ្លូវ​បាក់​អស់​១​ដើម​នៅក្នុង​បរិវេណ​បឹងកក់​

ព័ត៌មានជាតិ៥ ម៉ោង មុន

បិទ​ដំណើរការ​តូប​លក់ដូរ នៅ​ទីប្រជុំជន​ផ្សារ​វាល​យន្ត ក្រុង​ស្វាយរៀង រយៈពេល​៨​ថ្ងៃ ដើម្បី​ទប់ស្កាត់​ជំងឺ​កូ​វីដ​-១៩

ព័ត៌មានជាតិ៦ ម៉ោង មុន

ក្លឹប​កំសាន្ត​មួយ​ ត្រូវ​បាន​អគ្គិភ័យ​បំផ្លាញ​ជា​លើក​ទី​២​អស់ទាំង​ស្រុង

កីឡា៧ ម៉ោង មុន

ជិត​ដល់​ថ្ងៃ​ឡើង​ការពារ​ខ្សែក្រវាត់​! Pacio បាន​បង្ហើប​អំពី​ការ​ជួបគ្នា​លើក​ទី​៣​ទល់នឹង Saruta

ព័ត៌មានជាតិ៨ ម៉ោង មុន

សប្បុរសជន​ផ្តល់​អង្ករ​១០​តោន ជូន​រដ្ឋបាល​រាជធានី ដើម្បី​ជួយឧបត្ថម្ភ​ជីវភាព ពលរដ្ឋ​រងគ្រោះ​ឬ​រង​ផល​ប៉ះពាល់​ធ្ងន់ធ្ងរ​ដោយ​មេរោគ​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services