ព័ត៌មានអន្ដរជាតិ
មេរោគផ្សិតបៃតងនៅក្នុងខ្លួនអ្នកជំងឺកូវីដ អាចបង្កើនហានិភ័យស្លាប់កាន់តែខ្លាំង
អ្នកឯកទេសបាននិយាយថា មេរោគផ្សិតបៃតង ដែលត្រូវបានគេរកឃើញនៅក្នុងខ្លួនអ្នកជំងឺកូវីដកាន់តែច្រើនឡើងៗ អាចបង្កើនហានិភ័យនៃការស្លាប់ ចំពោះអ្នកជំងឺកូវីដធ្ងន់ធ្ងរមួយចំនួន។
ករណីដំបូងនៃជំងឺមេរោគផ្សិតបៃតងឬ Aspergillosis ត្រូវបានកត់ត្រានៅក្នុងប្រទេសឥណ្ឌា កាលពីសប្តាហ៍មុនលើបុរសម្នាក់ ដែលបានជាសះស្បើយពីជំងឺកូវីដ-១៩។
បន្ទាប់ពីប្រយុទ្ធប្រឆាំងជាមួយមេរោគនេះនៅក្នុងមន្ទីរពេទ្យ បុរសអាយុ៣៤ឆ្នាំ បានចាប់ផ្តើមហូរឈាមច្រមុះនិងក្តៅខ្លួនខ្លាំង ហើយត្រូវបានគេធ្វើរោគវិនិច្ឆ័យឃើញថាមានជំងឺទី២។
Aspergillosis គឺជាការឆ្លងមេរោគផ្សិត ដែលបណ្តាលមកពីផ្សិត Aspergillus។
មនុស្សភាគច្រើនអាចស្រូបយកលំអងផ្សិត Aspergillus ដោយមិនដឹងខ្លួន ប៉ុន្តែវាអាចបណ្តាលឲ្យមានបញ្ហាសុខភាពដូចជា ប្រតិកម្មអាឡ័កស៊ី ការឆ្លងមេរោគសួតនិងការបង្ករោគនៅក្នុងសរីរាង្គដទៃទៀត។
អ្នកវិទ្យាសាស្ត្រនៅឯមជ្ឈមណ្ឌលវេជ្ជសាស្ត្រ Woon Chong of Albany (WCAMC) ក្នុងរដ្ឋ ញូវយ៉ក បានរកឃើញថា ស្ថានភាពនេះ បានកើតឡើងលើអ្នកជំងឺ ១៣,៥ភាគរយ ដែលព្យាបាលនៅក្នុងមន្ទីរពេទ្យជាមួយជំងឺកូវីដ-១៩។
ពួកគេបានពិនិត្យលើការសិក្សាចំនួន១៩មកពីទូទាំងពិភពលោក ហើយបានរកឃើញអ្នកជំងឺកូវីដចំនួន ១,២២១នាក់ ដែលមានបញ្ហារលាកសួតរ៉ាំរ៉ៃ (CAPA) ជាប់ទាក់ទងនឹងមេរោគផ្សិតបៃតង។
អ្នកវិទ្យាសាស្ត្រ ដែលសិក្សាអំពីស្ថានភាពនៅវិទ្យាស្ថានអប់រំនិងស្រាវជ្រាវវេជ្ជសាស្ត្រក្នុងប្រទេសឥណ្ឌា ក៏បានរកឃើញផងដែរថា ហានិភ័យនៃការស្លាប់ពីមេរោគផ្សិតបៃតង គឺខ្ពស់ជាង ២.៨ដង បើប្រៀបធៀបទៅនឹងអ្នកជំងឺកូវីដដែលមានអាការធ្ងន់ធ្ងរដទៃទៀត៕
ប្រែសម្រួល៖ Vann Vann
ប្រភព៖ Mirror
ចុចអាន៖ រដ្ឋ Gujarat របស់ឥណ្ឌា ព្រមាន បិទក្រុមហ៊ុនណា ដែលមានបុគ្គលិក មិនចាក់វ៉ាក់សាំង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង