ព័ត៌មានអន្ដរជាតិ
លោក បៃដិន បញ្ជាឲ្យបើកការវាយប្រហារអាកាស នៅព្រំដែនអ៊ីរ៉ាក់ – ស៊ីរី
លោកប្រធានាធិបតី ចូ បៃដិន បានបញ្ជាឲ្យកងកម្លាំងយោធា បើកការវាយប្រហារអាកាសទៅលើទីតាំងដែលប្រើប្រាស់ដោយកងជីវពលគាំទ្រដោយអ៊ីរ៉ង់ នៅក្នុងតំបន់ព្រំដែនអ៊ីរ៉ាក់ – ស៊ីរីកាលពីល្ងាចថ្ងៃអាទិត្យ។ នេះបើយោងតាមការចេញផ្សាយពីគេហទំព័រ ក្រសួងការពារជាតិអាមេរិក។
អ្នកនាំពាក្យក្រសួងការពារជាតិលោក John Kirby បាននិយាយក្នុងសេចក្តីប្រកាសព័ត៌មានថា “គោលដៅ ត្រូវបានជ្រើសរើសពីព្រោះ ទីតាំងទាំងនេះ ត្រូវបានប្រើប្រាស់ដោយកងជីវពលដែលគាំទ្រដោយអ៊ីរ៉ង់ ដែលបានចូលរួមនៅក្នុងការវាយប្រហារដោយយានគ្មានមនុស្សបើក (UAV) ប្រឆាំងនឹងបុគ្គលិកអាមេរិក និងទីតាំងនានានៅក្នុងប្រទេសអ៊ីរ៉ាក់។ ជាពិសេស សហរដ្ឋអាមេរិកបានធ្វើការវាយប្រហារគោលដៅប្រតិបត្តិការនិងឃ្លាំងផ្ទុកអាវុធ នៅទីតាំងចំនួនពីរក្នុងប្រទេសស៊ីរីនិងទីតាំងមួយនៅអ៊ីរ៉ាក់”។
លោក Kirby បន្តថា “ដូចដែលបានបង្ហាញតាមរយៈការវាយប្រហារនៅល្ងាចនេះ លោកប្រធានាធិបតី បៃដិន បានបង្ហាញយ៉ាងច្បាស់ថា លោកនឹងធ្វើសកម្មភាពដើម្បីការពារបុគ្គលិកអាមេរិក។ ដោយសារតែការវាយប្រហារជាបន្តបន្ទាប់ដោយក្រុមគាំទ្រអ៊ីរ៉ង់ ផ្តោតលើផលប្រយោជន៍សហរដ្ឋអាមេរិកនៅអ៊ីរ៉ាក់, លោកប្រធានាធិបតីបានបញ្ជាឲ្យមានសកម្មភាពយោធាបន្ថែមទៀត ដើម្បីរំខាននិងរារាំងការវាយប្រហារបែបនេះ”។
សកម្មភាពរបស់យោធាអាមេរិកដែលគេដឹងដំបូងបង្អស់ ក្រោមការដឹកនាំរបស់លោកបៃដិន បានកើតឡើងកាលពីខែកុម្ភៈ នៅពេលខ្លួនបើកការវាយប្រហារទីតាំងមួយ នៅក្នុងប្រទេសស៊ីរីដែលត្រូវបានប្រើដោយក្រុមជីវពលគាំទ្រដោយអ៊ីរ៉ង់ចំនួនពីរ ដើម្បីជាការឆ្លើយតបទៅនឹងការវាយប្រហាររ៉ុកកែតទៅលើកងកម្លាំងអាមេរិកនៅក្នុងតំបន់។
ការវាយប្រហារទាំងនោះ បានបង្កឲ្យមានក្តីព្រួយបារម្ភក្នុងចំណោមសមាជិកសភា ដែលបាននិយាយថា លោក បៃដិន មិនបានស្នើសុំការអនុញ្ញាតពីសភានោះទេ។ ទោះបីជាយ៉ាងណាក៏ដោយ សេតវិមាននិយាយថា ការវាយប្រហារត្រូវបានគាំទ្រដោយមាត្រា ២ នៃរដ្ឋធម្មនុញ្ញក៏ដូចជាធម្មនុញ្ញអង្គការសហប្រជាជាតិដែរ៕
ប្រែសម្រួល៖ Vann Vann
ប្រភព៖ CNN
ចុចអាន៖ លោក Biden ព្រមានអ៊ីរ៉ង់ប្រយ័ត្នប្រយែងខ្លួន ក្រោយការវាយប្រហារលើកងកម្លាំងនៅស៊ីរី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)