ព័ត៌មានអន្ដរជាតិ
អ៉ីតាលីស្វាគមន៍ដំណឹងរីករាយ«លែងពាក់ម៉ាស់»ចាប់ពីថ្ងៃចន្ទនេះ
ប្រទេសអ៉ីតាលីលែងត្រូវការពាក់ម៉ាស់ការពារកូវីដ-១៩ទៀតហើយ នៅពេលតំបន់ហានិភ័យមានកម្រិតទាបនៅថ្ងៃចន្ទ ទី២៨ ខែមិថុនានេះ ដែលជាការស្វាគមន៍ដំណឹងដ៏រីករាយសម្រាប់ប្រទេសអឺរ៉ុបទី១ដែលរងការវាយប្រហារដោយកូវីដតាំងពីខែកុម្ភៈ ឆ្នាំ២០២០។
នៅក្នុងក្រឹតមួយចាប់មានប្រសិទ្ធភាពពីថ្ងៃចន្ទនេះទៅ ក្រសួងសុខាភិបាលអ៉ីតាលីបានចាត់ចំណាត់ថ្នាក់តំបន់នីមួយៗនៃតំបន់ហានិភ័យទាំង២០គឺជា«តំបន់ស»ដែលមានន័យថា មានហានិភ័យទាប ស្ថិតក្រោមប្រព័ន្ធចាត់ចំណាត់ថ្នាក់លេខកូដពណ៌របស់ប្រទេសដែលវាយតម្លៃពីហានិភ័យកូវីដ។
តាមរយៈក្រឹតនេះមានន័យថា ការពាក់ម៉ាស់លែងមានទៀតហើយគឺគ្រប់ទីកន្លែងទាំងអស់ទូទាំងប្រទេស ស្របពេលដែលកម្តៅទឹកនៅអ៉ីតាលីត្រូវបានគេរំពឹងថា នឹងមានសីតុណ្ហភាពឡើងដល់៤០អង្សាសេនៅតំបន់មួយចំនួនភាគខាងត្បូងប្រទេសក្នុងសប្តាហ៍នេះ។
នៅពេលវិបត្តិកូវីដនៅតែបន្តវាយប្រហារប្រទេសលោកខាងលិច រូបភាពនៃការបញ្ចុះសព ឈូសឆាយទីកន្លែងបញ្ចុះសពថ្មីនៅភាគខាងជើងទីក្រុង Bergamo ដែលត្រូវបានមើលឃើញទូទាំងពិភពលោក ប្រទេសអ៉ីតាលីមានករណីឆ្លង និងស្លាប់ដាំក្បាលចុះប៉ុន្មានសប្តាហ៍ចុងក្រោយនេះ។
យោងតាមរបាយការណ៍រដ្ឋាភិបាលបានបង្ហាញថា មួយភាគបីនៃប្រជាជនអ៉ីតាលីដែលមានអាយុ១២ឆ្នាំឡើងបានចាក់វ៉ាក់សាំងបង្ការកូវីដ-១៩រួចរាល់ហើយគិតត្រឹមថ្ងៃអាទិត្យ ម្សិលមិញ ឬស្មើនឹង ១៧ ៥៧២ ៥០៥នាក់។
ទោះបីបែបនេះក្តី រដ្ឋមន្ត្រីសុខាភិបាលលោក Roberto Speranza ប្រាប់ឲ្យពលរដ្ឋអ៉ីតាលីនៅតែបន្តប្រុងប្រយ័ត្ន។
លោក Speranza បានឲ្យដឹងថា ៖«វាជាលទ្ធផលលើកទឹកចិត្តមួយ តែការប្រុងប្រយ័ត្ននៅតែត្រូវការ ជាពិសេសវីរុសបំប្លែងខ្លួនថ្មី។ សមរភូមិមិនទាន់ទទួលបានជ័យជ័យទេ»៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ