ព័ត៌មានអន្ដរជាតិ
អង់គ្លេសធ្វើទំនើបកម្មកងកម្លាំងប្រដាប់អាវុធក្នុងទំហំធំបំផុតចាប់តាំងពីសង្គ្រាមត្រជាក់
នៅក្នុងសុន្ទរកថានៃសភា Commons របស់អង់គ្លេសនៅថ្ងៃព្រហស្បតិ៍នេះលោកនាយករដ្ឋមន្រ្តី Boris Johnson នឹងសន្យាបន្ថែមថវិកាលើវិស័យការពារជាតិរបស់ប្រទេសចំនួន ១៦.៥ ប៊ីលានផោនទៀតក្នុងរយៈពេល ៤ ឆ្នាំខាងមុខ ។ ផ្នែកមួយនៃសាច់ប្រាក់នេះនឹងបង្កើតទីបញ្ជាការអវកាសថ្មីដើម្បីត្រួតពិនិត្យការអភិវឌ្ឍន៍ផ្កាយរណបយោធា និងគម្រោងបច្ចេកវិទ្យាការពារដ៏ទៃទៀតរួមទាំងការបាញ់បង្ហោះគ្រាប់រ៉ុក្កែតដំបូងរបស់ប្រទេសទៅក្នុងតារាវិថី ។
នៅចំពោះមុខសុន្ទរកថារបស់លោកទៅកាន់សមាជិកសភាតាមវីដេអូខនហ្វើរេនចេញពីវិមាន Downing Street លោកបាននិយាយថា “ខ្ញុំបានធ្វើការសម្រេចចិត្តនេះទាំងធ្វើចត្តាឡីស័ក ពីព្រោះការការពារវិស័យនេះត្រូវតែមានជាអាទិភាព ។ ស្ថានភាពអន្តរជាតិកាន់តែមានគ្រោះថ្នាក់ និងមានការប្រកួតប្រជែងខ្លាំងជាងពេលណាៗទាំងអស់ចាប់តាំងពីសង្គ្រាមត្រជាក់ ហើយអង់គ្លេសត្រូវតែមានភាពត្រឹមត្រូវចំពោះប្រវត្តិសាស្រ្តរបស់យើង និងឈរជាមួយសម្ព័ន្ធមិត្តរបស់យើង ។
លោក Johnson បាននិយាយថា “ដើម្បីសម្រេចបាននូវគោលបំណងនេះ យើងចាំបាច់ត្រូវបង្កើនសមត្ថភាពរបស់យើងឲ្យប្រសើរឡើង ។ នេះជាឱកាសរបស់យើងដើម្បីបញ្ចប់យុគសម័យនៃការថយក្រោយ ផ្លាស់ប្តូរកងកម្លាំងប្រដាប់អាវុធរបស់យើង បង្កើនឥទ្ធិពលសកលរបស់យើង បង្រួបបង្រួម និងបង្កើនប្រទេសរបស់យើង ត្រួសត្រាយបច្ចេកវិទ្យាថ្មី និងការពារប្រជាជន និងរបៀបរស់នៅរបស់យើង” ។
ទឹកប្រាក់ចំនួន ១៦.៥ ប៊ីលានផោនដែលត្រូវបានប្រកាសនៅថ្ងៃព្រហស្បតិ៍នេះនឹងផ្តោតលើការប្តេជ្ញាចិត្តដើម្បីបង្កើនការចំណាយលើវិស័យការពារជាតិ ០.៥ ភាគរយរៀងរាល់ឆ្នាំនៃអាណត្តិសភាបច្ចុប្បន្ន ។
ជាសរុបការចំណាយលើវិស័យការពារជាតិរបស់ចក្រភពអង់គ្លេសនឹងកើនឡើង ២៤.១ ប៊ីលានផោនក្នុងរយៈពេល ៤ ឆ្នាំបើប្រៀបធៀបនឹងថវិកាកាលពីឆ្នាំមុន ។ ការវិនិយោគនេះត្រូវបានគេរំពឹងថានឹងបញ្ជាក់ពីជំហររបស់ចក្រភពអង់គ្លេសដែលជាអ្នកចំណាយលើវិស័យការពារជាតិធំជាងគេនៅអឺរ៉ុប និងធំជាងគេទី ២ នៅអង្គការណាតូ ។
ទន្ទឹមនោះលោក Johnson ក៏នឹងប្រកាសពីទីភ្នាក់ងារថ្មីមួយសម្រាប់ការអភិវឌ្ឍទីភ្នាក់ងារ AI និងការបង្កើតកងកម្លាំងអ៊ីនធឺណិតជាតិផងដែរ ។ ហើយគាត់នឹងផ្តល់នូវគម្រោងគ្រាបរ៉ុក្កែតដើម្បីបាញ់បង្ហោះផ្កាយរណបសម្រាប់ការប្រើប្រាស់ស៊ីវិល និងយោធា ។ គ្រាប់រ៉ុកកែតត្រូវបានគេរំពឹងថានឹងបាញ់បង្ហោះចេញពីប្រទេសស្កុតលែននៅឆ្នាំ ២០២១ ។
ទន្ទឹមនោះលោកក៏សន្យាចំណាយថវិកា ៥.៨ ប៊ីលានផោនលើការស្រាវជ្រាវ និងអភិវឌ្ឍន៍យោធាផងដែរ ហើយបានប្តេជ្ញាថា រដ្ឋាភិបាលនឹងវិនិយោគបន្ថែមលើយន្តហោះចម្បាំងថ្មីដែលបានគ្រោងទុក ៕
ប្រែសម្រួលដោយ ៖ ជីវ័ន្ត
ប្រភព ៖ Express
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង