ព័ត៌មានអន្ដរជាតិ
ជប៉ុន កំពុងជួបភ្លៀងធ្លាក់ខ្លាំង ហើយខេត្តមួយចំនួនប្រឈមការបាក់ដី និងទឹកជំនន់
នៅក្នុងខេត្ត Okinawa ភាគខាងត្បូងនៃប្រទេសជប៉ុន ប្រជាជននៅកោះដែលកំពុងរងការវាយប្រហារដោយភ្លៀងធ្លាក់ខ្លាំង កំពុងត្រូវបានគេជំរុញឲ្យមានការប្រុងប្រយ័ត្នចំពោះការបាក់ដី និងទឹកជំនន់ ។
ទីភ្នាក់ងារឧតុនិយមជប៉ុននិយាយថា ពពកទឹកភ្លៀងបានកើតឡើងនៅភាគខាងជើងនៃកោះនៅព្រឹកថ្ងៃអង្គារនេះ ខណៈដែលខ្យល់ក្តៅ និងមានសំណើមកំពុងបោកបក់ ដោយព្រមានថានឹងភ្លៀងធ្លាក់កាន់តែខ្លាំងផងដែរ ។
ចំណែករូបភាពរ៉ាដាបង្ហាញថា តំបន់ជុំវិញទីក្រុង Nago City មានភ្លៀងធ្លាក់កម្ពស់ប្រហែល ១៦០ មីល្លីម៉ែត្រក្នុងរយៈពេល ៣ ម៉ោងរហូតដល់ម៉ោង ៣ ព្រឹក ។
ទន្ទឹមនោះ ទីភ្នាក់ងារនេះក៏បានចេញការព្រមានជាទម្រង់ព័ត៌មានស្តីពីជំនន់ទឹកភ្លៀង និងការបាក់ដីសម្រាប់កោះធំៗផ្សេងទៀតផងដែរ ។ ទីភ្នាក់ងារនេះបានព្រមានពីជំនន់ទឹកភ្លៀងឡើងដល់កម្រិត ៤ ក្នុងចំណោមកម្រិតកំពូលទាំង ៥ ហើយវាជាលើកដំបូងដែលការព្រមាននេះត្រូវបានចេញ ចាប់តាំងពីមានអាកាសធាតុអាក្រក់បំផុតនៅថ្ងៃទី ១៧ ខែមិថុនា ។
បន្ថែមពីនេះ ផ្នែកខ្លះនៃកោះក្នុងខេត្ត Okinawa អាចនឹងមានភ្លៀងធ្លាក់ជារៀងរាល់ម៉ោង រហូតដល់កម្ពស់ ៥០ មីល្លីម៉ែត្រ ។
ស្របពេលជាមួយគ្នានេះ ទីភ្នាក់ងារក៏កំពុងទទូចឲ្យមានការប្រុងប្រយ័ត្នជាបន្ត ចំពោះគ្រោះទឹកជំនន់នៅតំបន់ទំនាប តំបន់ទន្លេ រន្ទះបាញ់ និងព្យុះកំបុតត្បូង ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore