ព័ត៌មានអន្ដរជាតិ
រុស្ស៊ី តេស្តមីស៊ីល S-400 នៅតំបន់គ្រីមៀ បង្ហាញកម្លាំងដល់ អ៊ុយក្រែន ដែលកំពុងធ្វើសមយុទ្ធនៅសមុទ្រខ្មៅ
ប្រទេសរុស្ស៊ីត្រូវបានគេរាយការណ៍ថា បានធ្វើតេស្តប្រព័ន្ធការពារដែនអាកាស S-400 របស់ខ្លួននៅក្នុងតំបន់គ្រីមៀ ដើម្បីជាការបង្ហាញកម្លាំង ខណៈប្រទេសអ៊ុយក្រែន និងអង្គការណាតូ ធ្វើសមយុទ្ធយោធា Sea Breeze 2021 នៅសមុទ្រខ្មៅ ។
ដោយដកស្រង់កងនាវាចរនៅសមុទ្រខ្មៅ សារព័ត៌មាន Interfax បានរាយការណ៍កាលពីថ្ងៃអង្គារថា ប្រទេសរុស្ស៊ីបានដាក់ពង្រាយយន្តហោះចម្បាំង និងឧទ្ធម្ភាគចក្រប្រមាណ ២០ គ្រឿង រួមទាំងយន្តហោះទម្លាក់គ្រាប់បែក Su-24M ព្រមទាំងប្រព័ន្ធមីស៊ីលការពារដែនអាកាស Pantsir ក្នុងពេលធ្វើតេស្តនោះ ។
ចំណែកមជ្ឈមណ្ឌលគ្រប់គ្រងការពារជាតិរុស្ស៊ី បាននិយាយនៅក្នុងសេចក្តីថ្លែងការណ៍មួយថា “កងនាវាចរសមុទ្រខ្មៅកំពុងធ្វើកិច្ចការមួយចំនួន ដើម្បីតាមដានសកម្មភាពរបស់នាវាពីអង្គការណាតូ និងប្រទេសដទៃទៀត ដែលចូលរួមក្នុងសមយុទ្ធយោធា Sea Breeze 2021” ។
ទន្ទឹមនោះ ប្រទេសរុស្ស៊ីក៏បានអំពាវនាវឲ្យលុបចោលសមយុទ្ធយោធា ដែលបានកើតឡើងចំនួន ២១ ដងមកហើយ ចាប់តាំងពីឆ្នាំ ១៩៩៧ នេះផងដែរ ហើយក្រសួងការពារជាតិរុស្ស៊ីបាននិយាយថា ខ្លួននឹងមានប្រតិកម្មប្រសិនបើចាំបាច់ ដើម្បីធានាសន្តិសុខជាតិ ។
គួរបញ្ជាក់ថា សមយុទ្ធយោធា Sea Breeze 2021 ដែលបានចាប់ផ្តើមកាលពីថ្ងៃចន្ទ នឹងមានរយៈពេល ២ សប្តាហ៍ ហើយមានការចូលរួមពីបុគ្គលិកយោធាប្រហែល ៥,០០០ នាក់មកពីរដ្ឋសមាជិកអង្គការណាតូ និងសម្ព័ន្ធមិត្តសន្តិសុខតំបន់អាត្លង់ទិកដទៃទៀត ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ អាមេរិក និងអ៊ុយក្រែន ធ្វើសមយុទ្ធរួមគ្នានៅសមុទ្រខ្មៅ ដាក់ការព្រមានដល់ រុស្ស៊ី
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore