ព័ត៌មានអន្ដរជាតិ
ប្រុងប្រយ័ត្ន! កូវីដ បំប្លែងខ្លួន កំពុងផ្ទុះរាលដាលខ្លាំងនៅទូទាំងពិភពលោក ជាពិសេស វីរុសឥណ្ឌា
បច្ចុប្បន្នជំងឺកូវីដ ១៩ កំពុងកើនឡើងករណីឆ្លងពាសពេញតំបន់ជាច្រើននៅទូទាំងពិភពលោក ចំពេលមានការរីករាលដាលនៃវីរុសបំប្លែងខ្លួនចំនួន ១១ ផ្សេងទៀតផងដែរ ដែលត្រូវបានចាត់ទុកដោយ WHO ថាជា វីរុសគួរឲ្យព្រួយបារម្ភ ឬ វីរុសគួរយកចិត្តទុកដាក់ ។
ក្នុងនោះវីរុសបំប្លែងខ្លួន “Delta” ដែលត្រូវបានរកឃើញដំបូងនៅឥណ្ឌា ត្រូវបានគេចាត់ទុកថា កំពុងរីករាលដាលខ្លាំងជាងគេ ។ វាត្រូវបានគេជឿជាក់ថា ជាកត្តាមួយនៅពីក្រោយការកើនឡើងយ៉ាងខ្លាំងនៅក្នុងប្រទេស ដោយនៅពេលនោះ ឥណ្ឌា បានរាយការណ៍ថាមានករណីឆ្លងជាង ៤០ ម៉ឺនករណីក្នុងមួយថ្ងៃ ។
ប៉ុន្តែក្រោយមកករណីឆ្លងថ្មីនៅក្នុងប្រទេសឥណ្ឌា បានធ្លាក់ចុះគួរឲ្យកត់សម្គាល់ បន្ទាប់ពីមានការបិទខ្ទប់ប្រទេសយ៉ាងតឹងរ៉ឹង ។ សកម្មភាពសេដ្ឋកិច្ចកំពុងបន្តស្របគ្នា ជាមួយនឹងការបន្ធូរបន្ថយការរឹតត្បិត ខណៈប្រាសាទ The Taj Mahal បានបើកដំណើរការឡើងវិញសម្រាប់ភ្ញៀវទេសចរ នៅថ្ងៃទី ១៦ ខែមិថុនា ហើយជាលើកដំបូងក្នុងរយៈពេល ២ ខែ ។
ប៉ុន្តែមន្ត្រីសុខាភិបាលរបស់ប្រទេសនេះ នៅតែស្ថិតក្នុងការប្រុងប្រយត្ន័ បន្ទាប់ពីវីរុសបំប្លែងខ្លួន “Delta” បានវិវត្តខ្លួនថ្មីទៅជាវីរុសមួយផ្សេងទៀតដែលគេហៅថា “Delta plus” ។
ទន្ទឹមនោះ ប្រធានមូលនិធិសុខភាពសាធារណៈនៃប្រទេសឥណ្ឌា គឺលោកសាស្ត្រាចារ្យ Srinath Reddy ក៏បានសង្កត់ធ្ងន់លើភាពចាំបាច់ក្នុងការវិវត្តរោគឆ្លងនៅក្នុងប្រទេស និងនៅទូទាំងពិភពលោកផងដែរ ។ លោកបានអំពាវនាវឲ្យមានវិធានការសុខភាពសាធារណៈ ដូចជា ការពាក់ម៉ាស គម្លាតសង្គម និងជំរុញឲ្យចាក់វ៉ាក់សាំង ជាដើម ។
បច្ចុប្បន្នករណីឆ្លងថ្មីទាំងវីរុសកូវីដ ១៩ និងវីរុសបំប្លែងខ្លួនថ្មី កំពុងតែកើនឡើងនៅក្នុងប្រទេសអាស៊ីមួយចំនួនដូចជា ឥណ្ឌូណេស៊ី និងបង់ក្លាដែស ខណៈនៅប្រទេសអង់គ្លេស រុស្ស៊ី និងអាហ្វ្រិកខាងត្បូង ក៏កំពុងឃើញការផ្ទុះករណីឆ្លងឡើងវិញផងដែរ ។
គួរបញ្ជាក់ថា គិតត្រឹមពេលនេះ វីរុសបំប្លែងខ្លួនឥណ្ឌា “Delta” ដែលឆ្លងរហ័ស កំពុងរីករាលដាលនៅក្នុងតំបន់ និងប្រទេសចំនួន ៩៨ ក្រោយរកឃើញវីរុសមួយនេះត្រឹមពេលតែជាង ៣ ខែប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល