Update៖ រកឃើញអ្នកស្លាប់ ១៧នាក់ ក្នុងហេតុការណ៍ធ្លាក់យន្តហោះនៅ ហ្វីលីពីន

មនុស្សចំនួន១៧នាក់បានស្លាប់ បន្ទាប់ពីយន្តហោះយោធាមួយគ្រឿង ធ្លាក់និងផ្ទុះឆេះយ៉ាងសន្ធោសន្ធៅនៅភាគខាងត្បូងប្រទេសហ្វីលីពីន។

កងទ័ពអាកាសបាននិយាយនៅក្នុងសេចក្តីថ្លែងការណ៍មួយថា យន្តហោះធុន C-130 របស់កងទ័ពអាកាសហ្វីលីពីន ដែលដឹកមនុស្ស ៨៥នាក់ មានបញ្ហាពេលចុះចតលើកោះ Jolo។

រដ្ឋមន្រ្តីក្រសួងការពារជាតិលោក Delfin Lorenzana បានបញ្ជាក់ថា សពសរុបចំនួន ១៧ នាក់ត្រូវបានរកឃើញ បន្ទាប់ពីយន្តហោះ ធ្លាក់នៅថ្ងៃអាទិត្យនេះ។

រដ្ឋមន្រ្តីក្រសួងការពារជាតិបានប្រាប់រ៉យទ័រថា យន្ដហោះនេះក៏រួមមានភីឡុតចំនួន៣នាក់ និងសមាជិកអាកាសយានិក៥នាក់ផ្សេងទៀតផងដែរ។

ស្របពេលជាមួយគ្នានោះដែរ មេបញ្ជាការកងកម្លាំងប្រដាប់អាវុធ លោក Cirilito Sobejana បានប្រាប់អ្នកសារព័ត៌មានថា មនុស្សចំនួន ៤០ នាក់ត្រូវបានជួយសង្គ្រោះ ហើយឥឡូវ កំពុងទទួលការព្យាបាល៕

ប្រែសម្រួល៖ Vann Vann

ប្រភព៖ Mirror

ចុចអាន៖ ធ្លាក់យន្តហោះយោធាដឹកមនុស្ស ៨៥ នាក់ នៅ ហ្វីលីពីន