ព័ត៌មានអន្ដរជាតិ

នៅជប៉ុន ភ្លៀងខ្លាំង បាក់ដីសម្លាប់មនុស្ស៣នាក់ និងកំពុងបាត់ខ្លួន១១៣នាក់

បានផុស

៣ years មុន

នៅ

ថ្ងៃចន្ទ ៥ កក្កដា ២០២១

ដោយ

ហោចណាស់មនុស្ស៣នាក់ត្រូវបានរកឃើញស្លាប់ និងជាង១០០នាក់កំពុងបាត់ខ្លួន បន្ទាប់ពីភ្លៀងធ្លាក់ដ៏អាក្រក់ដែលបណ្តាលឲ្យបាក់ដីនៅផ្នែកកណ្តាលខេត្ត Atami ប្រទេសជប៉ុនកាលពីចុងសប្តាហ៍កន្លងទៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសារព័ត៌មានក្នុងស្រុកបានផ្សាយនៅថ្ងៃចន្ទ ទី៥ ខែកក្កដានេះ លោក Hiroki Onuma អ្នកនាំពាក្យសាលាខេត្តបាននិយាយថា ចំនួនអ្នកស្លាប់៣នាក់ និងមនុស្ស១១៣នាក់កំពុងបាត់ខ្លួននៅខេត្តមាត់សមុទ្រ Atami ដែលមានចម្ងាយ៩០គីឡូម៉ែត្រពីភាគខាងត្បូងទីក្រុងតូក្យូ។

លោកថា បន្ទាប់ពីធ្លាក់ភ្លៀងដូចហែកមេឃ ទឹកបានឡើងជាជំនន់ រអិលបាក់ដី ល្បាប់ភក់ កម្ចេចកម្ចីបានហូរគ្របដណ្តប់លើផ្ទះសម្បែងអ្នកស្រុកកាលពីថ្ងៃសៅរ៍។

ភ្ញៀវធ្លាក់ដ៏អាក្រក់ និងរអិលបាក់ដីគឺជាសញ្ញានៃការរំលឹកពីគ្រោះធម្មជាតិ ក្នុងនោះមានរញ្ជួយដី ការផ្ទុះភ្នំភ្លើង និងព្យុះសូណាមិជាដើមដែលរំខានដល់ប្រទេសជប៉ុនក្នុងនាមជាម្ចាស់ផ្ទះព្រឹត្តិការណ៍កីឡាអូឡាំពិករដូវក្តៅនៅទីក្រុងតូក្យូចាប់ទទួលអត្តពលិកពីខែនេះទៅ។

ការរអិលបាក់ដីនេះដែលបានប៉ះពាល់ដល់អគារ១៣០បានកើតមានឡើងវេលាម៉ោង១០.៣០នាទីព្រឹកកាលពីថ្ងៃសៅរ៍ នៅខេត្ត Atami ដែលជាតំបន់ទេសចរណ៍រដូវក្តៅដ៏ពេញនិយមមួយ៕