ព័ត៌មានអន្ដរជាតិ
គ្រួសាររងគ្រោះកូវីដនៅអ៉ីតាលីប្តឹងរដ្ឋាភិបាលទារសំណងសរុប១២២លានដុល្លារ
ពាក្យបណ្តឹងរបស់ជនរងគ្រោះដោយកូវីដ-១៩ជាង៥០០គ្រួសារបានទារសំណងជាប្រាក់សរុបប្រមាណ១២២លានដុល្លារអាមេរិកពីរដ្ឋាភិបាលអ៉ីតាលីបានទៅដល់ដៃតុលាការហើយ ខណៈវាបានក្លាយជាសវនាការលើកទី១ក្នុងប្រទេសដែលផ្ទុះកូវីដខ្លាំងនៅអឺរ៉ុប។
ក្រុមមេធាវីតំណាងឲ្យគ្រួសាររងគ្រោះបានដាក់ពាក្យបណ្តឹងរួមគ្នាដែលមានជាង២០០០ទំព័រកាលពីថ្ងៃព្រហស្បតិ៍ដោយមានភ្ជាប់សក្ខីកម្មរាប់រយ និងភស្តុតាងនៃការធ្វេសប្រហែសរបស់អាជ្ញាធរអ៉ីតាលីដែលត្រូវបានចោទប្រកាន់ពីការបង្កឲ្យមានមនុស្សរាប់ពាន់នាក់បានស្លាប់។
លោក Consuelo Locati តំណាងផ្លូវច្បាប់របស់ក្រុមគ្រួសាររងគ្រោះបាននិយាយថា ៖«អ៉ីតាលីចេញវិធានការទប់ស្កាត់កូវីដ-១៩យឹត។ នៅពេលពួកគេដាក់ចេញ វិធានការទាំងនោះមិនគ្រប់គ្រាន់ទៅហើយ»។
នៅពេលគ្រាអាសន្នសុខភាពបានវាយលុកខ្លាំង អ៉ីតាលីបានដាក់ចេញវិធានការហួសសម័យ និងមិនគ្រប់គ្រាន់ដែលមិនបានបញ្ជាក់ពីសេណារីយ៉ូ និងការសន្មត់ផែនការ។ អាជ្ញាធរអ៉ីតាលីត្រូវបានចោទប្រកាន់ពីបរាជ័យក្នុងការធ្វើបច្ចុប្បន្នភាពវិធានការនៅពេលអង្គការសុខភាពពិភពលោក និងមជ្ឈមណ្ឌលគ្រប់គ្រង និងបង្ការជំងឺឆ្លងអឺរ៉ុបបានចេញសេចក្តីណែនាំថ្មី។
យោងតាមរបាយការណ៍ដែលចងក្រងមាន៦៥ទំព័រដោយឧត្តមសេនីយ៍យោធាចូលនិវត្តន៍ លោក Pier Paolo Lunelli បានបង្ហាញថា មនុស្សរាប់ពាន់នាក់បានស្លាប់ដោយសារតែកង្វះវិធានការទប់ស្កាត់កូវីដ-១៩។
លោក Locati បាននិយាយថា ៖«ផែនការ និងយុទ្ធសាស្ត្រទប់ស្កាត់កូវីដ-១៩ត្រូវបានដាក់ចេញដើម្បីបញ្ឈប់ការរាលដាលឆ្លងកូវីដ-១៩គឺមិនគិតគូពីកង្វះរចនាសម្ព័ន្ធរបស់មន្ទីរពេទ្យ និងប្រព័ន្ធសុខាភិបាលអ៉ីតាលីឡើយ»។
លោកបន្តថា ៖«បណ្តឹងរដ្ឋប្បវេណីនេះចោទជាបញ្ហាចំពោះការទទួលខុសត្រូវរបស់អ្នកនយោបាយ និងស្ថាប័ន ព្រមទាំងស្នើឲ្យពួកគេទទួលខុសត្រូវចំពោះប្រជាពលរដ្ឋដែលត្រូវការពារ និងសិទ្ធិរបស់ពួកគេត្រូវបានរំលោភបំពាន ដែលទាំងពីរនេះជាសិទ្ធិសុខភាព និងសិទ្ធិរសរានមានជីវិត»។
តាមសេចក្តីប្រកាសព័ត៌មានបានបង្ហាញថា ការទារសំណងជាមធ្យមគឺម្នាក់ៗទទួល ៣០៦ ៦៣០ ដុល្លារអាមេរិកដែលសរុបប្រមាណ១២២លានដុល្លារអាមេរិក។
អ៉ីតាលីជាប្រទេសនៅលោកខាងលិចទី១ដែលរងការវាយប្រហារដោយកូវីដ-១៩ខ្លាំងដែលមនុស្សជិត៧០ ០០០នាក់បានសម្លាប់ចាប់តាំពីផ្ទុះកាលពីខែកុម្ភៈ ដែលជាតួលេខស្លាប់ខ្ពស់ជាងគេបំផុតនៅអឺរ៉ុប និងឈរលេខ៥ក្នុងពិភពលោក៕
ប្រែសម្រួល៖ វីរបុត្រ
ប្រភព៖ reuters
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង