អំពើហិង្សាផ្ទុះឡើងក្នុងប្រទេសប្រេស៊ីល ក្រោយការស្លាប់បុរសស្បែកខ្មៅ ស្របពេលកូវីដក៏កំពុងតែឆ្លងខ្លាំង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អំពើហិង្សាផ្ទុះឡើងក្នុងប្រទេសប្រេស៊ីល ក្រោយការស្លាប់បុរសស្បែកខ្មៅ ស្របពេលកូវីដក៏កំពុងតែឆ្លងខ្លាំង

បានផុស

នៅ

បាតុករជាង ១,០០០ នាក់បានវាយប្រហារផ្សារទំនើប Carrefour នៅភាគខាងត្បូងទីក្រុង Porto Alegre ប្រទេសប្រេស៊ីលកាលពីថ្ងៃសុក្រ បន្ទាប់ពីក្រុមសន្តិសុខបានវាយទៅលើបុរសស្បែកខ្មៅម្នាក់នៅឯហាងនោះរហូតដល់ស្លាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតមកត្រឹមពេលនេះប្រជាជាតិអាមេរិកខាងត្បូងមួយនេះបានចូលរួមជាមួយសហរដ្ឋអាមេរិក និងឥណ្ឌាក្នុងនាមជាប្រទេសដែលមានករណីឆ្លងកូវីដ ១៩ លើស ៦ លានករណី ខណៈមានអ្នកស្លាប់ជិត ១៧០,០០០ នាក់ ហើយជាប្រទេសមានចំនួនអ្នកស្លាប់ខ្ពស់បំផុតលំដាប់ទី ២ នៅលើពិភពលោក ។

ប៉ុស្តិ៍ព័ត៌មាន GloboNews បាននិយាយថា ការសម្លាប់ដែលបានបង្កឲ្យមានការតវ៉ានៅទូទាំងប្រទេសប្រេស៊ីលបានកើតឡើងកាលពីល្ងាចថ្ងៃព្រហស្បតិ៍ នៅពេលបុគ្គលិកហាងម្នាក់បានទូរស័ព្ទទៅសន្តិសុខ បន្ទាប់ពីបុរសនោះបានគំរាមវាយប្រហារនាង ។

វីដេអូនៃការវាយដំដល់ជនរងគ្រោះស្បែកខ្មៅត្រូវបានផ្សព្វផ្សាយលើបណ្តាញសង្គម ។ ឪពុករបស់គាត់បានប្រាប់ប្រព័ន្ធផ្សព្វផ្សាយក្នុងស្រុកថា បុរសរូបនោះឈ្មោះ Joao Alberto Silveira Freitas ហៅ Beto អាយុ ៤០ ឆ្នាំ ។

គេហទំព័រព័ត៌មាន G1 ក្រោយមកបានរាយការណ៍ថា ការវិភាគដំបូងដោយវិទ្យាស្ថានកោសល្យវិច្ច័យរបស់រដ្ឋបានបង្ហាញថា មូលហេតុនៃការស្លាប់អាចជាការថប់ដង្ហើម ។

នៅក្នុងសេចក្តីថ្លែងការណ៍មួយកាលពីថ្ងៃសុក្រ អង្គភាពក្នុងស្រុកនៃក្រុមហ៊ុន Carrefour SA របស់ប្រទេសបារាំងបាននិយាយថា ពួកគេមានការសោកស្តាយយ៉ាងខ្លាំងចំពោះអ្វីដែលហៅថាជាការស្លាប់ដ៏សាហាវ ហើយបាននិយាយថា ខ្លួនបានចាត់វិធានការភ្លាមៗដើម្បីធានាថាអ្នកទទួលខុសត្រូវត្រូវបានផ្តន្ទាទោសតាមច្បាប់ ។ ពួកគេនឹងបញ្ចប់កិច្ចសន្យាជាមួយក្រុមហ៊ុនសន្តិសុខ បណ្តេញបុគ្គលិកដែលទទួលបន្ទុកហាងនេះនៅពេលដែលមានឧប្បត្តិហេតុនេះកើតឡើង ហើយបិទហាងនេះជាសញ្ញានៃការគោរព ។

នៅទីក្រុង Porto Alegre ក្រុមអ្នកតវ៉ានៅរសៀលថ្ងៃសុក្របានកាន់ផ្ទាំងបដាជាមួយសញ្ញារបស់ផ្សារ Carrefour ដែលប្រឡាក់ដោយឈាម និងបានអំពាវនាវឲ្យធ្វើពហិការខ្សែសង្វាក់នេះ ។ ពួកគេបានលើកបដាជាភាសាព័រទុយហ្គាល់ដែលសរសេរថា “Black Lives Matter” និងមានសញ្ញាអំពាវនាវរកយុត្តិធម៌សម្រាប់លោក Beto ។

ការតវ៉ាបានប្រែទៅជាហិង្សានៅល្ងាចថ្ងៃសុក្រ នៅពេលដែលក្រុមបាតុករបានវាយបំបែកបង្អួច និងរថយន្តដឹកទំនិញនៅក្នុងតំបន់ចតរថយន្តរបស់ផ្សារទំនើប ។ សាក្សីរ៉យទ័រម្នាក់បានឃើញប៉ូលិសបាញ់ឧស្ម័នបង្ហូរទឹកភ្នែកដាក់ក្រុមអ្នកតវ៉ា ។

ចំណែកនៅទីក្រុង Sao Paulo ក្រុមបាតុកររាប់សិបនាក់បានវាយបំបែកបង្អួច និងទ្វារខាងមុខនៃហាង Carrefour ដោយដុំថ្ម និងវាយកម្ទេចច្រកចូលអគារផងដែរ ។ រីឯនៅទីក្រុង Rio de Janeiro ក្រុមអ្នកតវ៉ាប្រហែល ២០០ នាក់បានប្រមូលផ្តុំគ្នានៅខាងក្រៅទីតាំងហាង Carrefour មួយផ្សេងទៀត ។

ថ្ងៃទី ២០ ខែវិច្ឆិកា នៅក្នុងផ្នែកជាច្រើននៃប្រទេសប្រេស៊ីលត្រូវបានអនុញ្ញាតធ្វើ ទិវាយល់ដឹងពីជនជាតិស្បែកខ្មៅ ។ ប្រេស៊ីលចូលចិត្តគិតអំពីប្រទេសរបស់ពួកគេថាជា “ប្រជាធិបតេយ្យពូជសាសន៍” ដែលមានភាពសុខដុមរមនា ហើយប្រធានាធិបតីស្តាំនិយម Jair Bolsonaro បានបដិសេធវត្តមានរបស់ការរើសអើងជាតិសាសន៍ ។ ប៉ុន្តែឥទ្ធិពលនៃទាសភាពដែលត្រូវបានលុបចោលនៅឆ្នាំ ១៨៩៩ នៅតែមានភស្តុតាងនៅឡើយ ។

យោងតាមទិន្នន័យរបស់រដ្ឋាភិបាលឆ្នាំ ២០១៩ បានឲ្យដឹងថា ជនជាតិស្បែកខ្មៅប្រេស៊ីលមានចំនួនបីដងជាជនរងគ្រោះដោយសារអំពើមនុស្សឃាត ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ប្រេស៊ីល ភ័យខ្លាចរលកទី ២ ក្រោយពេលការឆ្លងកូវីដកើនលើស ៦ លានករណី

ចុចអាន ៖ ប្រេស៊ីលអនុញ្ញាតឲ្យបន្តការសាកល្បងវ៉ាក់សាំងចិនឡើងវិញ ក្រោយមានការផ្អាក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ៣ ម៉ោង មុន

មាន​គណបក្ស​នយោបាយ​ចំនួន​៤ បាន​ដាក់​ពាក្យ​ចូលរួម​ប្រកួតប្រជែង នៅក្នុង​ការបោះឆ្នោត​ក្រុមប្រឹក្សា​ក្រុង​បូកគោ

ព័ត៌មានជាតិ៣ ម៉ោង មុន

អាជ្ញាធរ​នៃ​មន្ទីរ​វប្បធម៌​និង​វិចិត្រសិល្បៈ​ខេត្ត​ឧ​ត្ត​រ​មានជ័យ ​ទទួល​បាន​បុរាណវត្ថុ​ពី​ព្រះសង្ឃ​គង់នៅ​វត្ត​រួត​ចំប៉ី

ព័ត៌មានជាតិ៤ ម៉ោង មុន

រដ្ឋបាលខេត្ត​កំពង់ធំ រក​ឃើញ​អ្នក​វិជ្ជមាន​កូវីដ១៩​ថ្មី៦នាក់​ទៀត​ នៅថ្ងៃនេះ​

ព័ត៌មានជាតិ៥ ម៉ោង មុន

ក្រសួង​អប់រំ​ ផ្តល់​ឧបត្ថម្ភ​ថវិកា​ដល់​បុគ្គលិក​អប់រំ​រស់នៅ​តំបន់​ក្រហម​ចំនួន​១២៩​នាក់

ចរាចរណ៏៥ ម៉ោង មុន

ម៉ូតូ​២​គ្រឿង ​បុក​គ្នា​លាន់​ដូច​រន្ទះ​ ស្ត្រី​ម្នាក់​របួសធ្ងន់​បញ្ជូន​ទៅ​សង្គ្រោះ​នៅ​មន្ទីរពេទ្យ​មិន​ដឹង​ថា ​ស្លាប់​ ឬ រស់

Sokha Hotels

ព័ត៌មានពេញនិយម

Helistar Cambodia - Helicopter Charter Services