រដ្ឋមួយរបស់ឥណ្ឌា ប្រកាសអាសន្ន បន្ទាប់ពីផ្ទុះជំងឺឆ្លងតាមសត្វមូស
Connect with us
Helistar Cambodia - Helicopter Charter Services

ព័ត៌មានអន្ដរជាតិ

រដ្ឋមួយរបស់ឥណ្ឌា ប្រកាសអាសន្ន បន្ទាប់ពីផ្ទុះជំងឺឆ្លងតាមសត្វមូស

បានផុស

នៅ

អាជ្ញាធរសុខាភិបាលរដ្ឋ Kerala របស់ប្រទេសឥណ្ឌា បានប្រកាសអាសន្ននៅក្នុងស្រុកទាំងអស់ បន្ទាប់ពីបានរាយការណ៍អំពីករណីដំបូងនៃវីរុស Zika។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីក្រសួងសុខាភិបាលរដ្ឋ Kerala លោកស្រី Veena George បានបញ្ជាក់ពីករណីទីមួយ ​ហើ​យបាននិយាយថា មានការសង្ស័យថា កំពុងមានការឆ្លងចំនួន ១៣ ករណីផ្សេងទៀត។

ប្រទេសឥណ្ឌា ក៏ធ្លាប់រាយការណ៍អំពីការផ្ទុះជំងឺ Zika នៅរដ្ឋភាគខាងលិច Gujarat ផងដែរក្នុងឆ្នាំ ២០១៦-២០១៧។

វីរុសដែលចម្លងតាមសត្វមូសខ្លាមួយនេះ ត្រូវបានគេផ្សារភ្ជាប់ទៅនឹងជំងឺធ្វើឲ្យខួរក្បាលកុមាររួញតូច និងជំងឺភាពស៊ាំដ៏កម្រមួយ ដែលត្រូវបានគេហៅថារោគសញ្ញា Guillain-Barre។

ទោះបីជាវីរុសនេះ ភាគច្រើនត្រូវបានចម្លងតាមសត្វមូសក៏ដោយ ប៉ុន្តែវាក៏អាចចម្លងតាមផ្លូវភេទបានដែរ។

លោកស្រី George បាននិយាយនៅក្នុងសេចក្តីថ្លែងការណ៍មួយថា អ្នកដំបូងគេដែលត្រូវបានរកឃើញមានផ្ទុកវីរុសនេះ គឺជាស្ត្រីមានផ្ទៃពោះអាយុ ២៤ ឆ្នាំ នៅទីក្រុងមួយដែលមានព្រំប្រទល់ជាប់នឹងរដ្ឋ Tamil Nadu។

នាងត្រូវបានបញ្ជូនទៅមន្ទីរពេទ្យ កាលពីថ្ងៃទី ២៨ ខែមិថុនា​ ដោយមានអាការគ្រុនក្តៅ ឈឺក្បាលនិងឡើងកន្ទួលហើយនាង បានសម្រាលកូនកាលពីថ្ងៃពុធ។

លោកស្រី George បន្តថា “ស្ថានភាពរបស់នាងមិនអីទេ។ នាងសម្រាលកូនបានដោយធម្មតា។ នាងមិនមានប្រវត្តិធ្វើដំណើរទៅក្រៅរដ្ឋឡើយ”។

គួរបញ្ជាក់ថា វីរុស Zika ត្រូវបានគេរកឃើញដំបូងនៅលើសត្វស្វាក្នុងឆ្នាំ១៩៤៧ និងលើមនុស្សក្នុងឆ្នាំ១៩៥២ នៅប្រទេស អ៊ូហ្គង់ដា នៃទ្វីបអាហ្វ្រិក៕

ប្រែសម្រួល៖ Vann Vann

ប្រភព៖ BBC

ចុចអាន៖ កូវីដទើបធូរស្បើយបានបន្តិច! ឥណ្ឌា អនុញ្ញាតឲ្យរៀបចំពិធីបុណ្យ ជួបជុំទ្រង់ទ្រាយធំមួយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កូវីដ-១៩២៥ នាទី មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ៤០ នាទី មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

កីឡា២ ម៉ោង មុន

Capitan ប្រាប់​ថា​វ៉ៃ​មិនទាន់​ល្អ​ទេ​ទោះ​ការពារ​ខ្សែក្រវាត់​បានសម្រេច​ក្ដី

នយោបាយ២ ម៉ោង មុន

លោក ចាប ញ៉ាលីវុធ ចេញលិខិតបដិសេធ អំពីការបញ្ចប់​សមា​ជិកភាព មន្ត្រីជាន់ខ្ពស់ហ្វ៊ុនស៊ិនប៉ិច ៣រូប

ព័ត៌មានជាតិ២ ម៉ោង មុន

លោក​មេឃុំ​ពង្រ យក​បដិមា​ធ្វើ​អំពី​លោហៈ​ប្រគល់​ជូន​មន្ទីរ​វប្បធម៌​និង​វិចិត្រសិល្បៈ​ខេត្តកំពង់ឆ្នាំង

Sokha Hotels

ព័ត៌មានពេញនិយម

Helistar Cambodia - Helicopter Charter Services