ព័ត៌មានអន្ដរជាតិ
ភរិយារបស់មេដឹកនាំ ហៃទី បញ្ជាក់ពីស្ថានភាពខ្លួន ក្រោយរងរបួសធ្ងន់ធ្ងរក្នុងការបាញ់ប្រហារជាមួយប្ដី
ភរិយារបស់លោក Jovenel Moise មេដឹកនាំហៃទីដែលត្រូវបានគេបាញ់សម្លាប់ គឺលោកស្រី Martine Moise ដែលក៏រងរបួសយ៉ាងធ្ងន់ធ្ងរផងដែរនៅក្នុងការវាយប្រហារនោះ និងត្រូវបានគេអះអាងថាបានស្លាប់បាត់បង់ជីវិត កាលពីថ្ងៃសៅរ៍បានចេញសេចក្តីថ្លែងការណ៍ជាសាធារណៈ លើកដំបូងរបស់លោកស្រី ចាប់តាំងពីមានការវាយប្រហារនោះ ។
លោកស្រី Martine Moise បាននិយាយនៅក្នុងសារជាសំឡេងមួយ ទាំងខ្លួននៅលើគ្រែពេទ្យ ដែលត្រូវបានបង្ហោះលើគណនី Twitter របស់លោកស្រីថា “ខ្ញុំនៅរស់ទេ ប៉ុន្តែខ្ញុំបានបាត់បង់ប្ដីរបស់ខ្ញុំឈ្មោះ Jovenel” ។
នៅក្នុងសុន្ទរកថាជាសំឡេងនោះលោកស្រី Martine Moise បាននិយាយថា “ក្នុងមួយប៉ព្រិចភ្នែក ទាហានស៊ីឈ្នួលចូលផ្ទះខ្ញុំ ហើយបានបើកការបាញ់ប្រហារដាក់ប្តីខ្ញុំ ដោយមិនបានផ្តល់ឱកាសឲ្យគាត់និយាយមួយម៉ាត់ឡើយ” ។
លោកស្រីបាននិយាយថា “ខ្ញុំកំពុងយំ វាជារឿងពិត ប៉ុន្តែយើងមិនអាចអនុញ្ញាតឲ្យប្រទេស ធ្លាក់ចូលផ្លូវបែបនេះបានទេ ។ យើងមិនអាចឲ្យឈាមរបស់គាត់ ហូរចោលដោយឥតប្រយោជន៍ឡើយ ។ ខ្ញុំនឹងមិនបោះបង់ចោលអ្នកឡើយ” ។
គួររំឭកថា លោកស្រី Martine Moise ត្រូវបានបញ្ជូនទៅកាន់មន្ទីរពេទ្យហៃទី បន្ទាប់ពីការវាយប្រហារនៅព្រឹកព្រលឹមនៃថ្ងៃពុធ មុនពេលជម្លៀសទៅទីក្រុង Miami ដើម្បីទទួលការព្យាបាល ។
យោងតាមអាជ្ញាធរហៃទីបានឲ្យដឹងថា មនុស្ស ២៨ នាក់ក្នុងនោះជនជាតិកូឡុំប៊ី ២៦ នាក់ និងជនជាតិអាមេរិក-ហៃទី ២ នាក់បានបើកការបាញ់ប្រហារទៅលើប្តីប្រពន្ធមួយគូនេះ នៅក្នុងផ្ទះរបស់ពួកគេ ។ រហូតមកដល់ពេលនេះ មនុស្ស ១៧ នាក់ត្រូវបានចាប់ខ្លួន ហើយយ៉ាងហោចណាស់ ៣ នាក់ត្រូវបានសម្លាប់ ។
ក្រោយការធ្វើឃាតលើលោក Jovenel Moise បានធ្វើឲ្យប្រទេសហៃទីស្ថិតក្នុងភាពវឹកវរ និងភាពមិនប្រាកដប្រជាអំពីអនាគតនយោបាយ ហើយសហគមន៍អន្តរជាតិ បានអំពាវនាវឲ្យប្រទេសការ៉ាអ៊ីបដ៏ក្រីក្រមួយនេះ ត្រូវបន្តដំណើរការបោះឆ្នោតប្រធានាធិបតី និងសភាដែលគ្រោងធ្វើនៅចុងឆ្នាំនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ ចាប់បានជនសង្ស័យធ្វើឃាតប្រធានាធិបតី ហៃទី នៅក្នុងស្ថានទូតកោះ តៃវ៉ាន់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង