ក្រុង​មូស្គូ​ថា​ អាមេរិក​រំលោភ​សិទ្ធិ​មនុស្ស​ក្នុង​និង​ក្រៅ​ប្រទេស ​ទាំង​ប្រកាស​ខ្លួន​ជា​មេ​ដឹក​នាំពិភពលោក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រុង​មូស្គូ​ថា​ អាមេរិក​រំលោភ​សិទ្ធិ​មនុស្ស​ក្នុង​និង​ក្រៅ​ប្រទេស ​ទាំង​ប្រកាស​ខ្លួន​ជា​មេ​ដឹក​នាំពិភពលោក

បានផុស

នៅ

ក្រសួង​ការបរទេស​រុស្ស៊ី​បាន​ចោទ​ប្រកាន់​សហរដ្ឋ​អាមេរិក​ពី​ការ​រំលោភ​សិទ្ធិ​មនុស្ស​ទាំង​​​ក្នុង​ប្រទេស​របស់​ខ្លួន និង​ក្រៅ​ប្រទេស ដោយកត់​សំគាល់​ថា​រដ្ឋាភិបាល​ទី​ក្រុង​វ៉ាស៊ីនតោន​មិន​ត្រឹម​តែ​រើស​រើស​ជន​ជាតិ​ភាគ​តិច​នៅ​អាមេរិក​ប៉ុណ្ណោះ​ទេ​ ប៉ុន្តែ​ថែម​ទាំង​បង្ក​បញ្ហា​​នៅក្រៅ​​ប្រទេស​​ថែម​ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទី​ក្រុង​មូស្គូ​បាន​និយាយ​ថា ប្រការ​នេះ​ប្រឆាំង​នឹង​មុខ​មាត់​ខ្លួន​ឯង​ដែល​ប្រកាស​ក្តែង​ៗ​​ជា​មេ​ដឹក​នាំ​ពិភព​លោក​ទាំង​ផ្នែក​ការពារ​សិទ្ធិ​មនុស្ស​​ និង​សេរីភាព​ទូទាំង​ពិភព​លោក។

នៅ​ក្នុង​របាយការណ៍​ដ៏​វែងមួយ​​បាន​ចេញ​ផ្សាយកាល​ពី​ថ្ងៃ​ព្រហស្បតិ៍ ប្រទេស​រុស្ស៊ី​បាន​ចោទ​ប្រកាន់​សហរដ្ឋអាមេរិក​ពី​ការ​បន្ត​រំលោភ​សិទ្ធិមនុស្ស​​ទាំង​នៅ​ក្នុង​ប្រទេស​ខ្លួន​​ និង​នៅ​ខាង​ក្រៅ​ប្រទេស​ ក្នុង​នោះ​រាប់​ទាំង​​ចំណាត់​ការ​ឯកតោភាគី និង​ខុស​ច្បាប់​ដូច​ជា​ទណ្ឌកម្ម​ជា​ដើម។

របាយការណ៍​បាន​និយាយ​ថា ៖«គំរូប​គួរ​ឲ្យ​ខ្លាច​បំផុត​​គឺ​ការ​ដាក់​ទណ្ឌកម្ម​លើ​ប្រទេស​គុយបា​ដែល​នៅ​តែ​បន្ត បើ​ទោះ​ជា​មាន​ដំណោះ​ស្រាយ​មហា​សន្តិបាត​អង្គការ​សហ​ប្រជា​ជាតិ​ជា​ច្រើន​ក៏​ដោយ»។

ការ​បិទ​ប្រទេស​គុយបា​ដែល​បាន​ និង​កំពុង​បន្ត​ចាប់​តាំង​ពី​ចុង​ទសវត្សរ៍​១៩៥០​មក គឺជា​ទណ្ឌកម្ម​សេដ្ឋកិច្ច​ដ៏​យូរ​អង្វែង​បំផុត​ក្នុង​​ប្រវត្តិ​សាស្ត្រ​សម័យ​ទំនើប។

កាល​ពី​ខែ​មុន ប្រទេស​ចំនួន​១៨៤​បាន​បោះឆ្នោត​គាំទ្រ​ដំណោះ​ស្រាយ​មួយ​ដើម្បី​ទាមទារ​ឲ្យ​បញ្ចប់​ទណ្ឌកម្ម​​សេដ្ឋកិច្ច​របស់​អាមេរិក​លើ​ប្រទេស​គុយបា​​​​នៅ​ក្នុង​​ឆ្នាំ​ទី​២៩​ជាប់​គ្នា ខណៈ​សហរដ្ឋ​អាមេរិក និង​អ៉ីស្រាអែល​បាន​បោះ​ឆ្នោត​ប្រឆាំង។

របាយការណ៍​ក៏​មាន​គោល​ដៅ​លើ​ការ​រំលោភ​សិទ្ធិ​មនុស្ស​នៅ​​​អាមេរិក​ដោយ​កត់​សំគាល់​ថា ការ​រាល​ដាល​ឆ្លង​កូវីដ-១៩​បាន​បង្កើតភាព​តាន​តឹង​ផ្ទៃ​ក្នុង​កំពុង​កើន​ឡើងនៅ​អាមេរិក។ របាយការណ៍​ចង្អុល​បង្ហាញ​ពី​ការ​រើស​អើង​ជាតិ​សាសន៍ និងចោទ​ប្រកាន់​ពី​ការ​ធ្វើ​ទុក្ខ​បុក​ម្នេញ​លើ​ជន​ជាតិ​អាមេរិក​ដើម​កំណើរ​​អាហ្វ្រិក ឡាទីន និង​អាស៊ី។​

លើស​ពី​នេះ​ទៀត សហរដ្ឋ​អាមេរិក​កំពុង​ជួប​នូវ​ការ​កើន​ឡើង​នៃ​ការ​រើស​អើងប្រឆាំង​នឹង​ជាតិ​សាសន៍​យូដា ឥស្លាម និង​​ការ​ស្អប់​ខ្ពើម​ជន​ជាតិ​ប្រទេស​ផ្សេង​ៗ​ទៀត។

របាយការណ៍​បាន​បន្ត​ថា ៖«ការ​បង្រួប​បង្រួម​ស្ថានភាព​​ដែល​​ស្ថិត​ក្នុង​វិបត្តិ​នយោបាយ​នេះ សិទ្ធិ​របស់​ពលរដ្ឋ​ក្នុង​ការ​ទទួល​បាន​ព័ត៌មាន​កំពុង​ត្រូវ​បាន​រំលោភ​វំពាន​ដោយ​សាជីវកម្ម​ឯកជន​​​ធំ​ៗ​​កំពុង​ប្រតិបត្តិការ​នៅ​អាមេរិក​ដែល​បដិសេធ​ធ្វើ​ប្រតិបត្តិការ​ស្រប​តាមបទដ្ឋាន​ច្បាប់​​អាមេរិក»។

ក្រសួង​ការបរទេស​មិន​ត្រឹម​តែ​វាយ​តម្លៃ​ស្ថានភាព​នៅ​សហរដ្ឋ​អាមេរិក​ប៉ុណ្ណោះ​ទេ ប៉ុន្តែ​​​ថែម​ទាំង​បាន​ផ្តល់​យោបល់​​អំពីសិទ្ធិ​មនុស្ស​​នៅ​ក្នុងបណ្តា​ប្រទេស​ជា​ច្រើន​ទូទាំង​ពិភព​លោក ក្នុង​នោះ​​មាន​ចក្រភព​អង់គ្លេស បារាំង និង​អាល្លឺម៉ង់​ជា​ដើម។

ក្រសួង​ក៏​បាន​បន្ទោស​ប្រទេស​អ៊ុយក្រែន​ដោយ​ចោទ​ប្រកាន់​រដ្ឋាភិបាល​ទី​ក្រុង Kiev ពី​ការ​បង្ហាញ​«គ្មាន​សញ្ញា​ណា​មួយ​នៃ​ការ​ធ្វើ​ឲ្យ​ប្រសើរ​ឡើង​ពី​ស្ថានភាព​សិទ្ធិ​មនុស្ស​ដ៏​ធ្ងន់​ធ្ងរ​របស់​ខ្លួន​ឡើយ»។

ក្រសួង​បាន​និយាយ​ថា ៖«ការ​រំលោភ​បំពាន​ជា​ប្រព័ន្ធ​នៃ​សិទ្ធិ និង​សេរីភាព​ជា​មូលដ្ឋាន​នៅ​តែ​កំពុង​កើត​​មាន ហើយ​អាជ្ញាធរគ្មាន​ឆន្ទៈ​រឹង​មាំ  និង​អសមត្ថភាព​​នាំ​យក​ស្ថានភាព​ដាក់​​ក្រោម​​ការ​គ្រប់​គ្រង»៕

ប្រែ​សម្រួល៖ វីរបុត្រ
ប្រភព៖ RT

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services